'De Miguel auzia': kartzelan sartu dute Sanchez Robles, lehen kondenatua
Eusko Jaurlaritzako Gazteriarako eta Ekintza Komunitariorako zuzendari eta EAJko goi kargudun ohi Xabier Sanchez Robles Zaballako kartzelan sartu dute bart. Zazpi urteko espetxe zigorra ezarri zioten, ustelkeria delituengatik, 'De Miguel auzia'-rekin lotuta. Hartara, presondegian sartu duten lehen kondenatua da Sanchez Robles, Euskadiko ustelkeria sare handienean parte hartzeagatik kondenatua.
Horrekin batera, Euzko Alderdi Jeltzaleko beste hiru zigortu daude: Alfredo de Miguel Arabako EAJren 2.a izandakoa eta foru diputatu ohia, Aitor Telleria alderdi horretako buruzagi ohia eta Koldo Otxandiano alderdikidea.
Azken horiek kartzelan sartzeako zain daude, kartzela saihesteko indultu eskaera aurkeztu ondoren. Horregatik, auzitegiko mediku-azterketa egin beharko dute.
Esan bezala, atzo Sanchez Robles iritsi zen Zaballara, 18:00ak aldera, Europa Press albiste agentziak jakin ahal izan duenez. Ustelkeria delitu ezberdinak egotzi zizkioten Gazteriarako zuzendari zenari; guztiak, EAJko buruzagi ohi Alfredo de Miguelek zuzendutako azpikeriarekin lotuta.
Aurrekariak
Sanchez Roblesi zazpi urte eta hilabeteko kartzela-zigorra ezarri diote, Alfredo de Miguel EAJko buruzagi ohia buru zuen ustelkeria sarearekin lotutako ustelkeria delituengatik, kontratu publikoen esleipen irregularrengatik legez kanpoko komisioak kobratzea egotzita.
Prozesu judiziala 2009an hasi zen, Ainhoa Alberdi abokatuak Arabako Fiskaltzan Alfredo de Miguel salatu zuenean, orduko Arabako Toki Administrazioko diputatua, kontratu bat lortzeko "hozkada" bat eskatzeagatik.
Auzitegi Gorenaren epaiaren ondoren, De Miguel eta Otxandiano Hazi Fundazioan eta Arabako Parke Teknologikoan zituzten postuetatik kaleratu zituzten, eta Sanchez Roblesek Bizkaiko Foru Aldundiko funtzionario izaera galdu zuen.
Ustelkeriaren ordezkaria
Carlos Iturgaiz EAEko PPko presidentea sare sozialetan gaiari buruz aritu da Xabier Sanchez Roblesen espetxeratzea publiko egin ostean. Horietan "EAJ Euskadiko ustelkeriaren ordezkari nagusia" dela azpimarratu du.
Gainera, gogorarazi nahi izan du ez dela jeltzaleen ustelkeria kasu bakarra. "Ez dira kasu isolatuak, EAJren kasuak baizik", adierazi du Carlos Iturgaitzek.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.