EAJ utzi zuten hiru zinegotziek alderdi berri bat sortu dute Bastidan
Bastidako (Araba) EAJko hiru zinegotzi ohiek Lasa Bai izeneko tokiko alderdi berri bat sortu dute. Eusko Alderdi Jeltzaleak Alkatetzarako hautagairik ez aurkeztea erabaki ondoren, EAJ uztea erabaki zuten.
Joan den maiatzaren 28an PPk irabazi zituen udal hauteskundeak Bastidan, eta 4 zinegotzi lortu zituen. Hala ere, ez zuen lortu Alkatetza bermatzeko beharrezkoa zen gehiengo osoa, EAJk 3 lortu baitzituen eta EH Bilduk 2.
Koalizioa prest zegoen EAJri babesa emateko, PPk goberna ez zezan -duela 4 urte egin zuen bezala-, baina EAJren zuzendaritzak hautagairik ez aurkeztea erabaki zuen, eta erabaki horren ondorioz, Edu Barinaga EAJren zerrendaburuak dimisioa eman zuen.
Joan den ekainaren 17an, Udala eratzeko osoko bilkuran, EAJko hiru zinegotziek, Aintzane Prietok, Alain Quintanak eta Jose Manuel Cañok, alderdiaren erabakia onartu zuten, baina EAJtik "erabat" aldentzen zirela iragarri zuten.
Bastida "garrantzi politiko handiagoko udal eta aldundientzako trukerako txanpon bihurtu" zela salatu zuten orduan, eta EAJren zuzendaritzaren jarrerak "ezintasuna eta nazka" eragiten ziela.
Hiru aste geroago, hiru zinegotziek tokiko alderdi politiko berri baten sorrera bultzatu dute, Lasa Bai, udalerria osatzen duten bi herrien izenekin jokatzen duena, Bastida eta Gatzaga Buradon, Alain Quintanak azaldu duenez.
Gertuko beste auzo-plataforma batzuk hartu dituzte erreferentziatzat, eta "arrakasta-eredu" direla erakutsi dute, hainbat legealdi daramatzatelako beren udalerrietan gobernatzen, hala nola Zieko Bai Eltziegon eta Lapuebla aurrera, izen hori duen herrian.
Quintanak azaldu duenez, asmoa da "politika handia" herritik ateratzea eta jarrera ideologikoak alde batera utzita bizilagunak kezkatzen dituzten gaietan arreta jartzea.
Notarioaren aurrean alderdi bezala erregistratzeaz gain, plataforma berri honen bultzatzaileak izen honen pean talde bezala eratu dira herriko Udalbatzan.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.