Iñigo Urkullu lehendakariak eskerrak eman dizkie herritarrei "urte hauetan guztietan bidelagun izateagatik"
Iñigo Urkullu lehendakariak eskerrak eman dizkie herritarrei urte amaierako bere azken mezuan. "Ez nuen sekula imajinatu izan dudan aukera hau izatea. Zorionekoa naiz, eta hori zuen konfiantzari esker izan da", esan du. "Eskerrik asko euskal gizarteari urte hauetan guztietan bidelagun izateagatik", berretsi du.
Urkulluk urte amaierako bere azken mezua eman du lehendakari gisa: "Aita nintzela zin egin nuen lehendakari kargua; aitite naizela emango diot makila hurrengo lehendakariari".
"Gure herriari dudan guztia ematen saiatu naiz beti, zintzotasunez, gure gizartearen interesak defendatuz, han eta hemen", nabarmendu du. Hala ere, onartu duenez, "ibilbide honetan, guztion artean, gauza asko ondo egin ditugu, baina, aldi berean, ez dut, ez dugu, beti asmatu".
"Bizi izan dugun azken hamarkada ez da batere erraza izan", aitortu du agintariak, eta azken urteetako arazoak gogora ekarri ditu: 2008tik aurrera mundu zabalean sortutako krisi ekonomiko eta finantzarioa, errefuxiatuen krisia, energia eta erregaiena, COVID-19aren pandemia, Brexita, Ukrainako gerra, inflazioa eta interes-tasen igoera, Gazako gatazka...
Erronka horien aurrean, "euskal gizarteak ez du amorerik eman", goraipatu du, eta "pixkanaka" krisiak gainditzea lortu dela uste du. Horrela, azken hamarkadako lorpenak zerrendatu ditu: "Euskadi hazi egin da. Enplegua eta gure autogobernua sendotu ditugu, baita berdintasuna eta ongizatea. Nazioartean izena eta izana ere indartu ditugu. Hitz gutxitan, gizarte justuagoa lortu dugu". "Uste dut, benetan, gure herria hobetzea eta indartzea lortu dugula denon artean", erantsi du.
Urkulluk "baliabideak mugatuak" direla eta "ahalik eta hoberen kudeatu" behar direla gogorarazi du, "lehentasunak ezarriz, erabaki zailak hartuz, guztion ongizatea etengabe bilatuz, etorkizuna sekula hipotekatu gabe". Lehen egunetik "hori egiten" saiatu direla adierazi du, "arazo zailen aurrean erantzun sinplerik proposatu gabe".
Bestalde, euskal gizarteak bakean eta bizikidetzan bizitzea lortu duela azpimarratu du lehendakariak. "ETA behin betiko desagertzea lortu dugu", aldarrikatu du agintariak. Urkulluren hitzetan, "zauriak, hala ere, ez dira itxi. Asko dugu oraindik ikasteko. Ezin dugu biktimen sufrimendua areagotu. Izan ditzagun beti gogoan".
Lehendakaria "kezkatuta" agertu da Europar Batasunak nazioarteko gatazka armatuen aurrean erakusten duen "ahalmen faltagatik", baita migrazioaren aurrean hartzen ari den politika "gogor eta bidegabeengatik" ere.
Azkenik, politika "akordioak lortzeko artea" dela esan du agintariak," ez pertsonak bereizteko bidea". Horregatik, politika "zintzoa" aldarrikatu du beste behin ere.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".