PP EAJrekin akordioak lortzeko prest agertu da
Alfonso Alonso Euskadiko PPko presidentea EAJrekin "akordio esparruak" irekitzeko prest agertu da, baina ohartarazi du ez dutela naziorik aitortuko eta ez direla jeltzaleekin itunak egiteko nazionalista bihurtuko. Haren esanetan, PP da Euskadiko alternatiba konstituzionala.
Irailaren 25eko hauteskunde autonomikoen ondotik, gaur amaitu du EAJk Eusko Jaurlaritza berria osatzeko aukerak aztertzeko bilera sorta. PPko ordezkaritza bat hartu dute jeltzaleek, 13:15etik aurrera, eta bilera hori amaitutakoan Alfonso Alonsok kazetarien aurrean hitz egin du.
Alfonso Alonso EAEko PPren presidentea, Nerea Llanos idazkari nagusia eta Borja Semper Eusko Legebiltzarreko PPren bozeramailea joan dira hitzordu horretara eta EAJren izenean, Iñigo Urkullu jarduneko lehendakari eta EAJren lehendakarigaiak eta Andoni Ortuzar EAJren EBBko presidenteak parte hartu dute bileran.
Ordubete eta hamabost minutuko iraupena izan duen bilera amaitutakoan, Alonsok azaldu du EAJk Eusko Legebiltzarrean ordezkaritza duten beste alderdiei eman dien dokumentu berdina banatu diela, hain justu, datozen lau urtetarako jeltzaleen ardatz nagusiak biltzen dituena.
Alonsok jakinarazi duenez, beren jarrera finkatzera eta jeltzaleek esan behar zutena entzutera joan dira 'popularrak' bilerara. PPk argi adierazi omen dio EAJri Euskadin batasun konstituzionalaren alde dauden horien ordezkari izan nahi duela. "Nazionalista sentitzen ez diren horien ordezkariak gara", gaineratu du. Alonsok PPren izaera den bezalakoa dela azpimarratu du, baina EAJrekin konfiantza eta elkarrizketa esparruak irekitzeko prest agertu da.
Hala eta guztiz ere, Alonsok adierazi du EAJri dagokiola bere proposamena egitea. 'Popularrek' EAJrekin kolaboratzeko prestutasuna azaldu dute, beti ere jeltzaleek Kataluniaren bidea jarraitzen ez badute.
Joan den astean EH Bilduko eta Elkarrekin Podemoseko buruzagiekin bildu ziren, eta, atzo, PSE-EErekin. Iñigo Urkullu jarduneko lehendakariak eta Andoni Ortuzar EAJren EBBko presidenteak laugarren eta azken bilera egin dute gaur PPko ordezkariekin.
Zure interesekoa izan daiteke
Atutxa pozik euskal gizarteak "berriro EAJ aukeratu" duelako, EH Bilduren "gorakada ukatu gabe"
Buruzagi jeltzaleak ez du ia zalantzarik egin. Gasteizko Gobernuan azken legealdiotako formula errepikatzeko aukera ziurtzat jo du, horretarako PSE-EEk mahai gainean jarriko dituen baldintzak ere zorroztu egingo direla jakitun.
39 emakumek eta 36 gizonezkok osatuko dute Eusko Legebiltzar berria
Mapa politiko berria marraztu dute igandeko hauteskundeek, eta hori argi ikusiko da Gasteizko Ganberaren eserlekuen koloreetan: EAJk eta EH Bilduk 27na ordezkari izango dituzte, PSE-EEk 12, PPk 7, eta Sumarrek eta Voxek, bana.
1.795.212 herritar daude botoa ematera deituta, Eusko Legebiltzarra berritzeko
09:00etan ireki dituzte hauteslekuak, normaltasunez, eta herritarrek 20:00ak arte eman ahal izango dute botoa. Emaitzak 22:30erako aurreikusita daude.
Gaur amaituko da bizitasuna hartzen joan den hauteskunde-kanpaina
Euskadiko zazpi indar politiko nagusietatik bostek (EAJ, EH Bildu, PSE-EE, Elkarrekin Podemos eta Sumar) Bilbon itxiko dute kanpaina, eta beste biek (PP eta Vox) Gasteizen.
Igandeko hauteskundeetan parte-hartzeari buruzko datu errealak eskainiko dituzte, lehen aldiz
Orain arte, estimazioak eskaini izan dituzte. Bestalde, lehen zenbaketen emaitzak 21:00ak aldera emango dira eta, ordu t'erdi ondoren, atzerriko bozen faltan, ezagutuko da Eusko Legebiltzarraren argazki berria.
Posta bidezko botoak ia % 11 hazi dira Euskadin, 2016ko hauteskundeekin alderatuta
2020ko datuekin alderatuta, posta bidezko botoak % 54 jaitsi dira. Dena dela, hauteskunde horiek pandemia garaian egin zituzten, ezohiko baldintzetan, eta horrenbestez, baliteke batzuk eta besteak alderatzeak emaitza bitxiak ematea.
Kultura, Osakidetza, langileen soldatak eta autonomoak izan dira laugarren eguneko gai nagusiak
Kanpainaren laugarren egun honetan, hautagaiaek Hezkuntza eta Osasun sistema, autonomen egoera edota langileen soldatak izan dituzte hizpide, besteak beste.
Hauteskunde mahaian egotea egokitu zait, baina ezin dut: zein aukera ematen ditu legeak?
Nahitaezkoa da hauteskunde mahaian egotea, hala egokituz gero. Nolanahi ere, badira legeak aurreikusten dituen hainbat arrazoi, libratzeko. Mahaikide izatea egokitu eta ez joateak, ondorioak ditu.
Egutegia: Eusko Legebiltzarrerako hauteskundeetarako bidea
Datorren asteartean, otsailaren 27an, Euskal Herriko Agintaritzaren Aldizkarian argitaratuko da Eusko Legebiltzarra desegiteko eta hauteskundeak deitzeko dekretua. Hauteskunde Batzordea martxoaren 1ean eratuko da. Hauteskunde-kanpaina apirilaren 5ean hasi eta 19an amaituko da.
Santano alkatearen "eredu zaharkitu eta agortuaren alternatiba bakarra" dela aldarrikatu du EAJk Irunen
Xabier Iridoy Irungo alkategai jeltzaleak esan du bere alderdia "ilusioz eta konpromisoz" beterik dagoela, garai berri baten lidergoa hartzeko.