EAEko parte-hartzea % 50,31koa da, eta % 55,54koa Nafarroan
EAEko udal eta foru hauteskundeetan izandako parte-hartzea % 50,32koa izan da 18:00ak arte, aurreko hauteskundeetan baino puntu eta erdi altuagoa (2011koetan parte-hartzea % 48,81ekoa izan zen), Barne Ministerioak zabaldutako informazioaren arabera.
Lurraldez lurralde, Bizkaian parte-hartzea % 49,91koa izan da (% 49,38koa 2011n); % 51,42koa Gipuzkoan (% 48,80koa 2011n); eta % 49,37koa Araban (% 46,67koa 2011n).
Bestalde, Nafarroan herritarren % 55,64k eman du botoa 18:00ak arte, Nafarroako Gobernuak adierazi duenez. 2011n, botoa emateko eskubidea zuten herritarren % 53,39k emanda zuten botoa ordu horretarako; beraz, parte-hartzea igo egin da.
Estatuko parte-hartzeari dagokionez, % 49,79koa izan da, 2011koetan baino puntu bat txikiagoa (% 49,19koa izan zen orduan), Gobernuak zabaldutako lehen datu ofizialen arabera.
Hauteskunde-mahaien osaketa
Hauteskunde-mahaiak normaltasun osoz osatu dira gaur EAEn eta Nafarroan, gaurko deituta dauden udal eta foru hauteskundeak abiatzeko asmoz, Ertzaintzak eta hauteskunde-batzordeek jakinarazi dutenez. Dena dela, ezusteko txikiren bat bai izan da, mahaietan egon behar zuten zenbait lagun falta izan direlako.
EAEko herritarrek udalen eta batzar nagusien osaketa hautatuko dute gaur: guztira, 2.633 zinegotzi eta 153 batzarkide. 2.582 boto-kutxa izango dira, 727 hauteslekutan. Nafarroan, berriz, udaletako, kontzejuetako eta Foru Parlamentuko kideak aukeratuko dira. 966 hauteskunde-mahai izango dira.
Parte hartzeko deia egin dute
Goizean zehar alderdi politiko nagusietako hautagaiek boza eman dute, bakoitzak beren hauteslekuan. Botoa ematen lehena Iñigo Urkullu lehendakaria izan da, Durangon. 
Geroago, beste hainbat joan dira bozkatzera.
Bizkaian, besteak beste, Luis Eguiluz Bilboko alkatetzarako PPko hautagaia, Aitziber Ibaibarriaga EH Bilduko Bilboko hautagaia, Juan Maria Aburto EAJko Bilborako hautagaia, Ibon Areso Bilboko alkatea eta Roberto Uriarte Ahal Dugu Euskadiko idazkari nagusia joan dira botoa ematera goiz partean.
Gipuzkoan, berriz, besteak beste, Arantza Quiroga Euskadiko PPko burua, Juan Karlos Izagirre Donostiako Udalerako EH Bilduren alkategaia, Denis Itxaso PSE-EEren Gipuzkoako ahaldun nagusirako hautagaia, Hasier Arraiz Sortuko presidente eta EH Bilduko bozeramailea, Eneko Goia Gipuzkoako hiriburuko Udalerako EAJren alkategaia joan dira botoa ematera.
Araban, Oscar Fernandez Irabazi koalizioko Gasteizko hautagaiak, berriz, saharar bati utzi dio botoa emateko aukera. Horrez gain, Gorka Urtaran EAJko Gasteizko hautagaia, Ramiro Gonzalez Arabako ahaldun nagusirako hautagai jeltzalea eta Javier de Andres Arabako ahaldun nagusirako PPko hautagaia ere ikusi ditugu.
Bestalde, Nafarroan boza eman dutenen artean, Adolfo Araiz EH Bilduko Nafarroako Presidentetzarako hautagaia, Uxue Barkos (Geroa Bai), Ana Beltran Nafarroako Gobernurako PPren hautagaia, Maite Esporrin PSNren Iruñeko Udalerako hautagaia, Pablo Zalba PPNko alkategaia eta Joseba Asiron EH Bilduren Iruñeko alkategaia daude.
Guztiek, oro har, hauteskundeetan parte hartzeko deia egin, eta gaurko hitzorduaren garrantzia azpimarratu dute, "aldaketa gaur hasiko baita", hainbat hautagairen irudiko.
Eguneko pasadizoak
Bestalde, gaurko hitzorduak hainbat bitxikeria utzi ditu, hainbat arazo hauteskunde-mahaiak sortzerako orduan eta ezusteko txikiren bat botoa ematera joan direnen artean.
Horren harira, boto-kutxak itxi dituen lehen udalerria Villarroya izan da, Gobernuko Ordezkaritzak zabaldutako informazioaren arabera. Errioxako udalerri horretan botoa emateko eskubidea zuten bederatzi herritarrek lehen minutuetan bozkatu dute, eta boto-kutxak 09:02rako itxi dituzte.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.