Asironek esan du babes nahikoa lortu duela Iruñeko alkate izateko
Joseba Asiron EH Bilduko Iruñeko alkategaiak badu alkate izateko nahikoa babes inbestidura saiora begira, Asironek berak astelehen honetan adierazi duenez. EH Bilduk alderdiekin egin duen bilera erronda bukatuta, Geroa Bairen, Aranzadiren eta Izquierda-Ezkerraren babesa eskuratu du alkate izateko, hautagaiak berak iragarri duenez.
Gaur elkartu da Asiron Geroa Bairekin eta, batzar horretan, alkatetza ''integratzaile'' baten alde egin dute bi alderdiek. Zehazki, ''denontzat gobernatzeko konpromisoa'' aipatu dute, eta, horrekin batera, ''hiriaren errealitate sozial eta anitza eta hiritar guztien errespetua'' defendatu dituzte.
Geroa Bairekin egindako hitzordu horrekin bukatu du EH Bilduk Iruñeko alkatetzan aldaketa egiteko bilera-sorta eta, horren ostean, adierazi du hatagaiak alkate izateko babes nahikoa duela. Hala ere, Asironek azaldu du Geroa Baik, Aranzadik eta Izquierda-Ezkerrak gobernuan parte hartzearen aukera ''etorkizuneko bileren menpe'' edo alderdi horien ''militanteen berrespenaren menpe'' dagoela.
Geroa Bairen ''minimoak''
Itziar Gomez Geroa Baiko hautagaiak azaldu duenez, hiru dokumentu eraman dituzte bilera horretara: Geroa Bairen programa, gobernuaren lehentasunak biltzen dituen bigarren bat eta alkatetza ''integratzaile'' baterako ''oinarrizko minimoak'' jasotzen dituen hirugarren bat. Bertan ''elkarbizitza eta gobernu etiko eta gardena'' ere jorratzen da.
Gomezek azaldu duenez, EH Bilduk ''bere egin'' ditu minimo horiek, eta, horien artean, azpimarratu egin du ''memoriaren, bakearen eta elkarbizitzaren alde'' lan egiteko konpromisoa. Horri lotuta, ''biktimen aitortzarako neurriak'' eta ''terrorismoa zein giza eskubideen urraketa gaitzesteko ekimenak'' ere aipatu ditu.
Biktimak
Asironek adierazi duenez, alkatetza berriak erabateko aldaketa ekarriko luke. Biktimen aitortzaren inguruan galdetuta, EH Bilduko hautagaiak erantzun du dokumentu horretan lan egingo dutela, eta berau ''erabat onargarria'' dela, ''gardentasunaren, elkarbizitzaren eta bizikidetza inklusiboaren alde'' lan ildo irekitzen duelako.
Zure interesekoa izan daiteke
EAJk irabazi du Bilbon eta Donostian, EH Bilduk Gasteizen eta UPNk Iruñean
Alderdi jeltzaleak babesa galdu du erakundeetan, eta koalizio abertzaleak hazkunde handia izan du lurralde guztietan.
Joseba Asiron, EH Bildu: ''Gehiago gara, eta prest gaude eskuinari atea ixteko''
Joseba Asiron eta Laura Aznal ospatzen ari dira Iruñean eta Nafarroan lortutako emaitza onak. Lehenengoak, gainera, ziurtatu du Udalean gehiengo aurrerakoia izango dela, eta gehiengo hori EH Bilduk zuzenduko duela.
Botoa ematera joateko deia egin diete hautagai guztiek herritarrei
Ideologia ezberdinak alde batera utzita, hautagai guztiek bat egin dute gaur haien eskaeran, abstentzioaren beldur. Hala, gaurko hitzordua oso garrantzitsua dela nabarmendu dute guztiek.
Nafarroako Gobernua eskuinaren edo ezkerraren esku uztea erabaki beharko dute herritarrek
PSNren Gobernua aldatzeko irrikitan daudenei dei egin die UPNren hautagaiak. Chitivek eskuinaren alternatiba izaten jarraitu nahi du eta EH Bilduk eta Geroa Baik aldaketa gidatu.
Kanpaina itxiera sutsua egin dute Nafarroako hautagai nagusiek
Elkarrizketa eta bizikidetza jorratzeko, Gobernu aurrerakoi trinko eta sendoa izateko, lau urte gehiago beharrezko direla, azpimarratu du Maria Chivite PSNko presidentegaiak.
Alderdiek bozkatzera joateko deia egin dute hauteskunde kanpainaren amaieran
EAJk eta Elkarrekin Podemosek Bilbon eman diote amaiera kanpainari; EH Bilduk, Donostian; eta PSE-EEk eta PPk, Gasteizen.
Azken txanpa indar politikoentzat, M28ko hauteskundeei begira
Biharko hausnarketa egunaren bezperan, abstentzioa mobilizatzeko eta ezbaian daudenak konbentzitzeko azken ahalegina egingo dute gaur hautagaiek.
Igandean aro berri bat zabaldu daitekeela Nafarroan adierazi dute hautagai guztiek
Foru Erkidegoari dagokionez, Iruñean ikusi ditugu Nafarroako presidente-gaiak eta Iruñeko alkate-gaiak. Bozkatzera joateko deia egin dute denek.
Nafarroako Gobernuan egon diren alderdiek euren lorpenetan jarri dituzte indarrak
Azken txanpan sartu da kanpaina eta Gobernuan egon diren alderdiek euren lorpenetan jarri dituzte indarrak. Oposizioak, ordea, egin gabeak eta gaizki egindakoak salatu ditu.
Atsedenik ez hauteskunde-kanpainan, ezta igandean ere
EAEko eta Nafarroako hautagaiak jo eta ke dabiltza hauteskunde-kanpainaren erdian, badakitelako asko dagoela jokoan, eta boza bakoitzagatik borroka egin behar dutela. Gauzak horrela, gaur, igandea izanda ere, ekitaldiz josita dator eguna.