Zer egingo dute alderdiek hauteskunde kanpainan dirua aurrezteko?
EAEko alderdi politikoek duela lau urte baino aurrekontu txikiagoak izango dituzte maiatzeko hauteskunde kanpainan inbertitzeko, lege berriek baldintzatuta batik bat. Horrenbestez, gastuak diru-laguntza publikoak baino handiagoak ez izaten saiatuko dira.
EFE agentziak bildutako datuen arabera, aurrekontu handiena EAJk eta EH Bilduk izango dute, 1,4 milioina eurokoa, hain zuzen ere. Horien atzean PSE-EE eta PP daude, 600.000 eurokoa izango baitute.
Zenbaki horietatik urrun, Podemosek 65.000 euro inbertituko ditu, eta UPyDk 3.000.
Legearen arabera, gehienez 0,11 euro gastatu daitezke biztanle bakoitzeko, eta 150.301,11 euro lurralde bakoitzeko. EAEren kasuan, muga 690.000 eurokoa izango da udal hauteskundeetako kanpainan, eta beste horrenbestekoa foru hauteskundeenetakoan. Hori dela eta, aurrekontu osoa 1,4 milioi eurokoa izan liteke gehienez, bi kanpainak batuta.
Dena dela, EAJtik adierazi dutenez, muga hori ez dago oso argi, Ogasun Ministerioaren diru-laguntzak kontraesankorrak baitira demokrazia suspertzeko legearekin.
Aitziber Ibaibarriaga EH Bilduren Bilboko alkategaiaren ekitaldi bat. EiTB
Hauteskundeen emaitzen ostean ematen diren diru-laguntzek ere behera egin dute. Horren ildotik, alderdiek 270,9 euro jasoko dituzte zinegotzi bakoitzeko (lehen 276,86 ziren), eta 0,54 euro boto bakoitzeko. Foru hauteskundeen kasuan, 10.000 euro jasoko dituzte batzarkide bakoitzeko, eta 0,54 euro boz bakoitzeko.
Gainera, Estatuak 0,22 euroko diru-laguntza emango du hautesle bakoitzeko, alderdiek postontziz postontzi banatuko duten propaganda finantzatzeko.
Egun erakundeotan ordezkaritza duten alderdiek laguntza horien % 30 aurreratzea eskatu dezakete, kanpaina finantzatzeko.
Duela lau urte, EAJk 1,5 milioi euro jaso zituen, Bilduk 1,4 milioi eta PSE-EEk eta PPk 600.000.
Idoia Mendia PSE-EEko idazkari nagusia. EiTB
Kale-ekitaldiak nagusi
Dirua aurrezteko xedez, alderdiek saihestu egingo dute espazio publiko handiak alokatzea, eta, horren ordez, kaleko ekitaldi "xume" gehiago egingo dituzte.
Era berean, murriztu egingo dute publizitate panelen erabilera. Legearen arabera, gehienez aurrekontu osoaren % 20 bideratu daiteke zeregin horretarako.
Alderdien arduradunek azaldu dutenez, kanpainako gastu handiena propaganda etxez etxe banatzea izan ohi da. Horregatik, hainbat hautagaik eskuz banatuko dute, dirua aurrezteko.
PPren ekitaldi bat, Bilbon. EiTB
Honelakoa izango da euskal alderdien kanpaina
EAJtik azaldu dutenez, "kaleko ekitaldiak" egingo dituzte, eta lurralde bakoitzeko "mitin handi bat". Ohikoa denez, kanpainaren itxiera Bilboko Casilla pabilioian egingo dute.
EH Bilduk "kanpaina zorrotza" egingo du, eta, oraingoan, ez du "ekitaldi nazionalik" egingo, hau da, ez du BEC erakustazoka edo Anoetako belodromoa alokatuko. Horren ordez, "herrialde ekitaldiak" egingo ditu; horien artean garrantzitsuena, Iruñeko Anaitasunan.
PSE-EEk 294.000 euroko aurrekontua izango du foru hauteskundeen kanpainarako, duela lau urtekoa baino % 30 txikiagoa. Udal hauteskundeena PSOEk finantzatuko du.
Ahal Dugu Euskadiko kideak. EiTB
PPk % 19,5 murriztuko du aurrekontua. Hori dela eta, gastu osoa ez da 700.000 eurokoa baino handiagoa izango. Diru banaketan, alderdiak argi utzi du zeintzuk diren bere lehentasunak: Gasteizko Udalerako kanpainara % 18 gehiago bideratuko du, Bizkaiko Batzar Nagusietarako % 27 gutxiago, eta Donostiako Udalerako % 25 gutxiago.
Ahal Duguren kasuan, 65.000 euroko inbertsioa egingo dute, eta militanteek 100 eta 10.000 euro arteko mikrokredituak emanez lortuko dute finantziazioa. Hauteskundeen ostean diru-laguntzen bidez jasotakoarekin itzuliko dute dirua.
UPyD are zorrotzagoa izango da, 3.000 euroko aurrekontua baino ez baitu. Kalean propaganda banatzeko erabiliko dute.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.