Egonkortasun instituzionalerako akordioen alde azaldu dira EAJ eta PSE
Udal eta foru erakundeetan akordio instituzionalen negoziazioa abiatzea adostu dute EAJk eta PSE-EEk astearte honetan. Bi alderdiak egonkortasun instituzionalaren alde azaldu dira, eta ''egonkortasun formula'' hori Legebiltzarrera zabaltzeko nahia ere agertu dute jeltzaleek.
Hala ere, PSE-EEk jeltzaleei helarazi die bi alderdiek lor ditzaketen akordioak udal eta aldundietara mugatu behar direla, Legebiltzarrera zabaldu gabe, Europa Pressek aipatzen dituen iturri sozialisten arabera.
EAJko eta PSE-EEko ordezkariek bilera egin dute astearte honetan Bilbon, Sabin Etxean, maiatzaren 24ko udal eta foru hauteskundeen emaitzak aztertu eta egoera jorratzeko.
Hitzorduaren ondoren, Joseba Egibar EAJko GBBko presidenteak adierazi du jeltzaleak prest direla sozialistekin koalizio gobernuak osatzeko euskal erakundeetan; horrez gain, ''egonkortasunaren formula'' Legebiltzarrera ere zabaltzeko asmoa agertu du, ''Jaurlaritzari dagokionean''. Egibarrek ere azaldu du sozialistak gobernuetan sartzeko aukera ''akordio programatiko sendo'' baten baldintzapean dagoela.
PSE-EEk, bestalde, jeltzaleei helarazi die ''ez dela egokia edozein akordio toki eta foru erakundeetatik haratago eramatea'', iturri sozialisten arabera. Horiek diotenez, gaurko elkarrizketaren ''abiapuntuetako bat'' izan da ideia hori.
Bilera horretan, bi aldeek akordiorako ''aldeko jarrera'' agertu dute, eta orain lurralde maila jarraituko dute negoziazioekin. Horietan ''alde programatikoa'' izango dute erdigune, gobernu sendo eta egonkorrak sortzeko, Joseba Egibar jeltzaleak eta Idoia Mendia sozialistak adierazi dutenez.
Programan oinarritutako negoziazioa
Egibarrek defendatu duenez, ''gobernu koalizioa'' da elkarlanerako ''formularik onena'', baina ohartarazi du horren akordio programatiko sendo eta egonkorra eskatzen duela, ''legegintzaldi osorako ibilbide orri batekin''.
2013ko udazkenean lortutako akordiotik abiatuko da negoziazioa orain, honako gai hauetan oinarrituta: enplegua, fiskalitatea, gizarte politikak, zerbitzu publikoak eta instituzioetako erreformak.
Bileraren ondoren Idoia Mendia PSE-EEko buruak adierazi duenez, akordio horretako hainbat atal foru aldundietan aplikatu behar direla, aldundiek baitute eskumena fiskalitate mailan, eta bertan garatzen baitira gizarte politikak eta enpleguaren sustapena.
Euskadiko sozialisten buruak azpimarratu duenez, akordioa ''hiru lurraldeetarako koherente'' izan behar du, hiru lurraldeetan lehentasunak ''berdinak'' direlako.
''Formula'', Legebiltzarrean ere
Buruzagi jeltzaleak azaldu duenez, ''egonkortasun formula'' hori EAEko beste erakunde batzuetara zabaltzea da asmoa, tartean Legebiltzarrera, ''Jaurlaritzari dagokionean''. Egibarrek esan duenez, kontu hau ez da ''erabat erabakigarria'' izango , baina ''eragina'' izango du.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.