'Hurbiltasuna eta lana' eskatu dizkio Rementeriak bere Gobernuari
“Apaltasuna, hurbiltasuna, leialtasuna eta lana” eskatu dizkie Unai Rementeria Bizkaiko ahaldun nagusiak Gobernu taldea osatuko duten foru diputatuei. EAJk sei foru diputatu izango ditu Exekutiboan, eta PSE-EEk beste bi.
Bizkaiko ahaldun nagusi izendatu ondoren, EAJ eta PSE koalizio Gobernua osatuko duten diputatuen berri eman du Rementeriak.
Foru Gobernu berria zortzi departamentuk osatuko dute. Administrazio Publikoa eta Erakunde Harremanak departamentua zuzenduko du Ibone Bengoetxeak; Jose Maria Iruarrizaga Ogasun departamentuan izango da berriro; Lorea Bilbaok Kultura eta Euskara zuzenduko du; Isabel Sanchez Roblesek Gizarte Ekintza hartuko du; Elena Unzuetak Jasangarritasuna eta Ingurumena zuzenduko du eta Imanol Pradales Garapen Ekonomikoko diputatua izango da berriz.
Teresa Laespada eta Vicente Reyes
PSE-EErekin adostutako gobernu akordioa dela-eta, Teresa Laespada eta Vicente Reyes sozialistak foru Gobernuko kideak izango dira. Enplegu eta Berdintasun, eta Garraio, Mugikortasun eta Lurralde Kohesio departamentuak zuzenduko dituzte, hurrenez hurren.
“Talde lanean eta nire lantaldean” sinesten duela ziurtatu du Rementeriak. “Taldearengan konfiantza osoa dut eta ilusio guztia”, gaineratu du. Bizkaiko ahaldun nagusiaren hitzetan, “taldeari lau gauza eskatzen dizkiot: apaltasuna, apaltasun handia, hurbiltasuna, Bizkaiarenganako eta pertsonenganako leialtasuna, eta lana, lan asko”.
Argazkia: EFE
“Etxetik hautagai gisa atera naiz, eta etxera ahaldun nagusi itzuliko naiz, baina, batez ere, gaur goizean etxetik atera den pertsonak eta gutxi barru itzuliko denak berdina izaten jarraitzen du, Unai Rementeria”, azpimarratu du.
Azkenik, familiaren eta EAJren konfiantza eta babesa eskertu ditu ahaldun nagusiak. Bizkaiko ahaldun nagusia izatea “ohore” bat dela erantsi du Rementeriak.
Zure interesekoa izan daiteke
PSN, Zurekin Nafarroa eta EH Bilduri deia egin die Geroa Baiko Koldo Martinezek, akordiora heltzeko
Nafarroan, hauteskunde orokorrek bete-betean baldintzatutako negoziazioei buruz ezer gutxi eman dute ezagutzera oraingoz alderdiek. Gobernuaren osaketan eta Iruñeako Alkatetzan, ikusteko dago nola jokatuko duten Nafarroako sozialistek.
Garrido: 'Argi dago parte-hartze txikiak kalte egin digula'
Pilar Garridok parte-hartze txikia deitoratu du, bere koalizioari zuzenean eragiten diola argudiatuta.
Andueza: 'Euskadi sozialistagoa da gaur, ezkerrera gehiago begiratzen du'
Eneko Anduezak positibotzat jo ditu PSE-EEk hauteskunde hauetan lortutako emaitzak, eta Euskadi sozialistagoa dela eta ezkerrera begiratzen duela esan du.
Iturgaiz: 'PPren menpe badago, ez da Bilduko alkaterik edo ahaldun nagusirik izango Euskadin'
Carlos Iturgaizek positibotzat jo ditu PPk Euskadin eta Espainian lortutako emaitzak, eta ez dela Bilduko alkaterik edo ahaldun nagusirik egongo ziurtatu du.
Egibar: 'Argi dago zerbait ez dugula ondo egin'
Joseba Egibarrek EAJk Gipuzkoan lortutako emaitzen balorazioa egin du. Egibarrek adierazi du argi dagoela EAJk zerbait ez duela ondo egin.
EH Bildu alde nabarmenarekin garaile Gipuzkoako Batzar Nagusietan
Ezker abertzaleko koalizioak 22 eserleku bereganatu ditu Batzar Nagusietan (bost gehiago), EAJk 17 (hiru gutxiago), PSE-EEk zazpi (bi gutxiago), Elkarrekinek bi (bi gutxiago) eta PPk hiru (bi gehiago). Parte-hartzea % 59,92koa izan da, 2019an baino ia zazpi puntu gutxiago.
Otegi: 'Ziklo aldaketa baten lehen urratsa eman da'
EH Bildu nagusitu da udalerri askotan eta Gasteizen indar bozkatuena da 7 zinegotzirekin, duela lau urte baino bat gehiago
EAJk irabaziko luke Bilbon eta Donostian; EH Bilduk, Gasteizen; eta berdinketa teknikoa Iruñean
Nafarroako Parlamentuan, UPN izango litzateke bozkatuena, 12-13 eserlekurekin, baina PSN gertu egongo litzateke, 10-11rekin, eta Gobernuari eutsi ahalko lioke, egungo formula berarekin.
18:00etako parte-hartze datua: % 54,12 Nafarroan eta % 48,52 EAEn
Parte-hartzea % 1,19 igo da Nafarroan 2019ko hauteskundeekin alderatuta, eta % 4,84 jaitsi da EAEn.
Berezitasun ugariko hauteskundeak dira Udal hauteskundeak, Euskadiko bost udalerritan bereziki
Usansolon, Gernikan (Bizkaia), Irunen (Gipuzkoa) eta Arabako Errioxako Bastidan eta Guardian, adibidez, berezitasun ugariko hauteskundeak izango dira gaurkoak; jakin ezazu zergatik bideo honetan.