Baiona

2022/07/07 - 21:06

Hiru pertsona migratzaile muga zeharkatzen laguntzeagatik militante bat atxilotu dutela salatu du LABek

Jendarmeek, goizeko lehen orduan, Eñaut Aramendi atxilotu dute Urruñan. Arratsaldeko lehen orduan, aldiz, aske utzi dute. "Aurten, gutxienez zazpi pertsona hil dira muga zeharkatzeko saiakeran", gogorarazi du sindikatuak.

2022/07/01 - 21:40

Bi kilometroko auto-ilarak sortu dira Biriatun

Baionara bidean arratsaldean zehar bi kilometrorainoko ilarak sortu dira Biriatun. Oporretara doazenek edo asteburu pasa pazientziaz hartu beharreko eguna da.

2022/06/21 - 18:24

Festetan eraso sexistei aurre egiteko protokoloa proposatu die herriei Euskal Hirigune Elkargoak

Udako jaien sasoiaren hasiera, Baionan azken urteotan martxan denaren gisako protokoloa lurralde osora zabaltzea da helburua, bestetan parte hartzen duten guztiak sentsibilizatu, eta prebentziorako, informaziorako eta biktimen harrerarako tresnak eskaintzea.

2022/06/18 - 22:58

Seaskak utzi egin du Baionan okupatua zuen Hezkuntza Ikuskaritzaren egoitza

Lau egun eta hiru gau Baionako Hezkuntza Ikuskaritzaren egoitzan eman ostean, Seaskak amaitutzat eman du okupazioa. Iparraldeko Ikastolen elkarteko kideak asteazkenean sartu ziren bertan, azterketak euskaraz egiteko eskubidea aldarrikatzeko eta Hezkuntza Ministerioarekin hitz egin arte geratzeko.

2022/06/17 - 18:37

"LAB euskal sindikalismo berria da", aldarrikatu dute Aranburuk eta Arroyok

Sindikatu abertzalearen Batzorde Nazional berriak % 94ko babesa jaso du; aldeko 389 boto, kontrako 13, bi boto zuri eta hamar abstentzio izan dira.

2022/06/16 - 12:27

Aranburuk LAB "borrokaren erreitik aterako" ez dutela ziurtatu du X. Kongresuan

Miarritzen eta Baionan du egitekoa biltzarra, eta bi koordinatzaile orokor izango ditu: Garbiñe Aranburu eta Igor Arroyo. Goizean kudeaketa txostena aurkeztu du Aranburuk, Argitxu Dufau Ipar Euskal Herriko bozeramaileak lagunduta. Bozketan, biltzarkideen % 99,3k babesa eman diote txostenari.

2022/06/15 - 23:05

Tentsioa Baionan, Seaskako kideak akademia ikuskaritza okupatzen saiatu direla eta

Azterketak euskaraz egitea aldarrikatzeko, Baionako Hezkuntza-ikuskaritzaren egoitza okupatu nahi izan dute, baina poliziak ez die sartzen utzi eta negarra eragiteko gasa bota dute protesta egiten ari zirenen aurka.

2022/06/11 - 17:47

Ipar Euskal Herriko hautagaien soslaiak

Hiru diputatu joango dira Iparraldetik Frantziako Asanblada Nazionalera. Orain arte Macronen aldeko bat eta independiente bat izan dira. EH Baik eta NUPES koalizioak hautagai bat eraman nahi dute, lehen aldiz, Parisera.

2022/06/04 - 18:48

Paueko Auzitegiak atzera bota du Euskal Hirigune Elkargoak pisu turistikoak mugatzeko onartu zuen araudia

Bizitegi turistikoak arautzea onartu zuen Elkargoak martxoan, konpentsazio sistema bat erabiliz. Ekainaren 1ean sartu zen indarrean araudi berria, baina egun gutxi iraun ditu. Euskal Elkargoak helegitea aurkeztuko duela iragarri du.

2022/06/03 - 21:36

Baionako Bestetara doazen bisitariek 10 euroko sarrera ordaindu beharko dute

Bueltan dira Baionako Bestak bi urteren ostean, eta aurten 8 eurotik 10 eurora igaro da bisitarientzat jai gunerako sarbidearen prezioa.

2022/06/03 - 11:03

Giro nahasia, ekaineko lehen asteburuan

Larunbatean, arratsaldetik aurrera, ekaitzak izango dira protagonista, eta barnealdean bero egiten jarraituko du (28-32 ºC-ko maximoak). Igandea, bestalde, goibelago eta freskoago dator (epelenek nekez gaindituko dituzte 20 ºC-ak).

2022/05/29 - 17:45

Ganderailu galduaren misterioa, Mendiben

2018aren bukaeran, bertako baselizan zeukaten 800 urteko ganderailua desagertu egin zen. Orain, hiru urte eta erdi geroago, Herriko Etxe parean azaldu da, ohar batekin. Zer jartzen du eta nork idatzi du oharra?

2022/05/25 - 15:20

Euskararen erabilera "gaztetu" egin da

2021eko hizkuntzen erabileraren kale-neurketaren emaitzen berri eman dute. Txostenaren arabera, euskarak adin piramidea iraultzea lortu du: haurrak eta gazteak dira euskara gehien darabiltenak, eta helduak eta adinekoak gutxien. Hala ere, kaleetan, euskaraz ari da zortzi lagunetatik bat.

2022/05/23 - 21:11

Paueko Auzitegiak datorren astean erabakiko du Seaskak egindako eskariaren inguruan

Frantziako Hezkuntza Ministerioaren aurkako berehalako prozedura aurkeztu zuen Seaskak, lehen aldiz epaitegietara jotzeko erabakia hartuz. Astelehen honetan aztertu du auzia Paueko Auzitegiak.

2022/05/21 - 17:31

Zuraideko eta Kanboko 21 urteko bi mutil hil dira Biriatun izan den trafiko-istripuan

07:00etan izan da ezbeharra, A-63 autobidean, Biriatuko ordainlekutik gertu, Gipuzkoako noranzkoan. Auto batek eta kamioi batek elkarren kontra jo dute.

2022/05/20 - 11:02

Epaileak ekainaren 9an jakinaraziko du Jakes Esnal ETAko presoa aske utziko duen ala ez

70 urte ditu Esnalek eta 32 urte daramatza preso Frantzian. Biziarteko kartzela-zigorra du ezarrita, 80ko hamarkadan Espainian egindako hainbat atentatu egotzita.

2022/05/18 - 00:51

LGTBI kolektiboak egunerokoan jasaten duen indarkeria salatu eta aniztasuna errespetatzea eskatu du

LGTBI mugimenduak mobilizazioak egin ditu Euskal Herriko zenbait hiritan eta azpimarratu du ez duela inolako eraso homofoborik onartuko.

2022/05/17 - 22:14

Ehunka pertsona bildu dira Bilbon, Baionan eta Iruñean LGTBIfobiaren aurkako kontzentrazioetan

Aski dela esateko irten dira kalejiran Iruñean barrena. Errespetua eta tolerantzia aldarrikatzeko oihuak inoiz baino ozenagoak izan dira homofobiaren, transfobiaren eta bifobiaren nazioarteko egun honetan.

2022/05/17 - 14:32

Esne Beltza & Amak: ''Mapa bat baino gehiago''

Baionako Bernat Etxepare Lizeoan, egoitza handitzeko lanei ekin beharrean dira berriz ere. Dirua biltzeko kanpainari musika jarri diote Esne Beltzak eta Amak taldeak.

2022/05/16 - 09:30

Hiru pertsona zauritu dituzte, horietako bat larri, Baionan izandako borroka batean

Larri zauritutako gizona Baionako ospitalera eraman dute. Erasoa Baionako tren geltokitik hurbil gertatu da, eta Poliziak ikerketa abiatu du gertaturikoa argitzeko.