"Harresi ikusezina", migrazioaren gaineko gogoeta eragin nahi duen podcasta
Entzun eta barruan zerbait mugitzea, migrazioari buruz pentsaraztea eta norberak bere ondorioak ateratzea. Hori eragin nahi du EITB Podkast plataforman gaurtik entzungai dagoen "Harresi ikusezina" sei ataleko serie dokumentalak. Irunera iritsi, eta handik Frantziara iristea helburu duten migratzaileen istorioak bildu ditu Cristina Tapia (Bera, 1982) kazetariak. Istorio pertsonalak dira, izen-abizenak dituztenak: Ali Akla, Idrissa Fofana, Bama Lasana eta Fadiga Barbajan. Euren ahotsetatik kontatu dute sorterria utzi zutenetik gaur egun dauden tokirainoko bide gordina.
Hedabideetako izenburuetan lausotzen diren zenbaki eta datuak atzean utzi, eta protagonistengan eta horiei laguntzeko abian jarritako harrera mugimenduetan jarri du begirada kazetari nafarrak. Zerk eraman zituen herria uztera? Zer aurkitu dute bidean? Zein da orain euren egoera? Zer nahi dute?... galderon erantzunak topatuko ditu entzuleak podcastean. Besteak beste, Gari Garaialde eta Josune Mendigutxia Irungo Harrera Sareko boluntarioak, Kristin Artola Bidasoa Etorkinekin kidea, Amets Arzallus bertsolaria eta idazlea, Jean Marc Lavigne Hendaiako apaiza eta Ilona Cook eta Alice Bertrand Parisko Utopia elkarteko boluntarioak entzun ahal izango dira.
Halaber, errelatoa osatzeko eta testuingurua kokatzeko, migrazio gaietan adituak direnen hitzak ere jaso ditu dokumentalean Tapiak, hala nola, Iker Barbero eta Rosa Arburua EHUko irakasleenak. Europako legedia, giza eskubideak edota herrialde ezberdinetako migrazio politikak izan dituzte hizpide.
Ulu Mediak ekoitzitako dokumentalak, Gipuzkoako Foru Aldundiaren babesa izan du. Xabier eta Martin Etxeberria anaiak aritu dira gidoigintzan, eta grabazio, edizio eta soinu diseinu lanak Oier Aranzabalek egin ditu. Itzulpen lanak, berriz, Silvia Tapiak.
Oraingoz, euskaraz —jatorrizkoa eta bikoiztua— dago eskuragarri EITB Podkast plataforman, eta urtarriletik aurrera, gaztelaniaz ere entzun ahal izango da.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.