Baiona

2024/10/18 - 22:23

Baiona natur hondamendi eremu izendatzeko eskatuko du Jean Rene Etchegaray hiriko auzapezak

Osteguneko euriteei itsasgora batu zaie, eta Errobi eta Aturriko arroek ezin izan diote eutsi emariari. Ondorioz, urak hartu ditu bigarren egunez Baionako erdiguneko toki ugari, baita normalean ura iristen ez den eremuak ere.

2024/10/18 - 22:07

Urak Baiona erdialdea hartu du gaur ere

Atzoko prezipitazioengatik ibaiak oso hazita zihoazen, eta itsasgorarekin ezin izan diote eutsi horrenbesteko ur emariari. Erreketatik ez ezik, estoldetatik ere atera da ura.

2024/10/17 - 13:29

Baionako bestak uztailaren 9tik 13ra egingo dira 2025ean

Ferianteen eskariari erantzunez, Mont-de-Marsango eta Baionako gobernuek adostu dute bi bestak egun beretan ez izatea. 2026an, berriz, uztaileko hirugarren astean egingo dira festak Lapurdiko hiriburuan.

2024/10/12 - 18:39

Mugimendu feministak jakinarazi du Baionako Udaleko langile bat zigortu dutela indarkeria matxistagatik

Biktimei babesa adierazteaz gain, bere ardurak bere gain hartzeko eskatu die mugimendu feministak erakunde publikoei. Baionako Herriko Etxeak jakinarazi du gizona "behin-behinean kargutik kendu" dutela.

2024/10/07 - 15:30

''Gure lurraldeen arteko elkarlan hau behar historikoa da''

Imanol Pradales lehendakaria eta Jean-Rene Etchegaray Euskal Hirigune Elkargoaren presidentea Iparraldeko hiriburuan bildu dira astelehen honetan, erakundeen arteko lankidetza indartzeko asmoz. "Urtero Europan zabaltzen doan populismoaz" ohartarazi du Etchegarayk bere hitzaldian.

2024/10/06 - 20:09

Pradales eta Etchegaray mugaz gaindiko lankidetza indartzeko asmoz elkartuko dira

Bilkura 10:00etan egingo dute, Baionan. Horren ondotik, bi buruzagiak hedabideen aurrean agertuko dira bileraren ingurukoak azaltzeko.

2024/10/05 - 19:16

XVIII. mendean Lapurdin euskaraz idatzitako 52 eskutitz daude Londresko Artxibo Nazionalean

Le Dauphin izeneko itsasontzi korsarioari atzemandakoak dira. Bertan zihoazen euskaldunek Kanadan zituzten senideei eta adiskideei igorritako gutunak dira, eta Xabier Lamikiz historialariak aurkitu zituen orain 20 urte.

2024/10/01 - 15:08

Erretretaren erreformaren kontrako eta zerbitzu publikoen aldeko manifestazioa, Baionan

Batasun sindikalak deituta, 1.000 lagun inguru elkartu dira goizean antolatutako manifestazioan. Mobilizazioan lansariak konpontzea eta zerbitzu publikoak hobetzea eskatu dute. Iaz onartutako pentsioen erreforma ere izan dute aipagai, aldarrikapenen artean.

2024/09/14 - 14:43

Pelicot auziaren aurkako protesta egin du mugimendu feministak Baionan, ''Lotsa aldez aldatuko dugu'' lemapean

Gisele Pelicot hamarkada batez senarrak berak antolatutako bortxaketen biktima izandakoari babesa adierazi diote. Elkarretaratzerik jendetsuena Parisen espero da, 14:00etan.

2024/09/07 - 19:24

Ezkerreko milaka pertsona manifestatu dira Frantzian, Barnierren izendapenaren kontra

Jendetza bildu da eguerdian Baionan ere. Asanblea Nazionaleko lehen talde bihurtu ostean, Gobernua osatzen uzteko eskatu zion ezkerreko alderdiek osatutako Fronte Popular Berriak Macroni, baina presidenteak Michel Barnier kontserbadorea izendatu du lehen ministro.

2024/09/07 - 14:35

Hauteskundeen emaitzak errespetatzeko galdegin diote Macroni ehunka lagunek Baionan

Frantzia Intsumisoak eta ezkerreko elkarteek deituta, manifestazioak izan dira larunbatean, tartean Baionan, Emmanuel Macronen aurka protesta egiteko, Fronte Popular Berriko Lucie Castets barik Michel Barnier izendatu baitu lehen ministro, eta hauteskundeetako emaitzak errespetatzeko eskatu diote.

2024/08/14 - 23:07

Baionako Ingurumen Auzitegiak Gatika-Bordele tentsio handiko linearen lanak gelditzea erabaki du

Landetan egiten ari ziren obrek itsasoko ugaztunei eragiten dietela salatu zuten elkarte ekologistek, eta epaileak arrazoi eman die. Beraz, lau hilabetez geldirik egon beharko dute lanek. Hala ere, erabakiak ez die Hego Euskal Herriko lanei eragiten.

2024/07/25 - 21:50

Urruñan desagertutako emakumearen gurasoek hiru iloben zaintza eskatu dute

Laure Zacchellok hilabete pasatxo darama desagertuta. Horren bikotekidea kartzelan dago, hiltzailea delakoan. Emakumearen gurasoek andrazkoaren hiru seme-alaben zaintza osoa galdegin dute; orain akusatuaren gurasoekin partekatzen dute.

2024/07/17 - 13:53

Hil egin da Baionako autobus geltokitik gertu izandako liskarrean larri zauritutako gizona

Istilua Baionako bestetan jazo zen, eta gizona berehala eraman zuten Baionako Ospitalera. Homizidio saiakera leporatu zioten oso larri zaurituta utzi zuen atxilotuari. Patrice Lanies hil eta ia urtebetera jazo zen liskarra, biak Baionako jaien testuinguruan.

2024/07/16 - 20:09

Udako eguraldia Euskal Herrira iritsiko da azkenean

Euskalmet euskal meteorologia agentziaren iragarpenaren arabera, asteazkenean tenperaturak gora egingo du. 25 gradutik gora izango dira kostaldean eta 30 gradutik gora barnealdean.

2024/07/14 - 16:08

Baionako bestetan izandako sexu-erasoak gaitzesteko elkarretaratzea egin dute

Ipar Euskal Herriko Itaia mugimendu feministak salatu duenez, Baionako jaiak hasi zirenetik 11 eraso zenbatu dituzte, "bortxaketa ahaleginak, eraso fisikoak eta ahozko erasoak tartean". Azken egunean bakarrik, bi sexu-eraso salatu dituzte.

2024/07/13 - 18:36

Homizidio saiakera leporatuko diote Baionan gizon bat larri zaurituta uzteagatik atxilotutako gizonari

Ostegun gauean izan zen liskarra. Biktima, 58 urtekoa, oso larri dago, Jerome Bourrier Baionako fiskalak jakinarazi duenez. Biktima festatik etxera bueltan zen eta mozkor zegoen. Erasotzailea, aldiz, 39 urteko guadalupearra, ez zebilen festa giroan, baina aurrekari judizialak ditu indarkeriagatik.

2024/07/12 - 13:54

Gizonezko bat garun-heriotza egoeran da Baionan, autobus geltokitik gertu izandako liskar baten ostean

Istilua ostegunean jazo zen, 21:00ak aldera, eta gizona berehala eraman zuten Baionako Ospitalera. Patrice Lanies hil eta ia urtebetera jazo da liskarra, biak Baionako jaien testuinguruan.

2024/07/11 - 19:57

Giro ezin hobea Baionako besten bigarren egunean, Haurren Egunean

Familiak gerturatu dira gaur eguerdian Leon Erregearen lehen iratzartzea ikustera. Txikien entzierroa eguneko beste protagonista nagusietako bat izan da.

2024/07/11 - 18:19

Sexu-eraso bat izan da Baionako besten lehen gauan

Prefekturak azaldu duenez, biktima larrialdi zerbitzuetan artatu dute. Bestalde, Itaia mugimendu feministak baieztatu duenez, festetarako espresuki jarritako babesgunean, beste bi emakumeren aurkako eraso fisikoak salatu dituzte.