CCOO

2022/07/14 - 11:44

Gasteizko Mercedesen ekoizpena etenda dago beste egun batez grebaren ondorioz

Emilio Titos lantegiko zuzendariak egindako ohartarazpena gorabehera, jarraipen zabala izaten ari da ELAk, LABek eta ESK-k deitutako lanuztea. Are gehiago, sindikatuok ez dute baztertu datorren astean mobilizazio gehiago deitzea.

2022/07/13 - 15:05

Gasteizko Mercedesen biharko eta etzirako deitutako lanuzteei eutsi diete ELAk, LABek eta ESK-k

Gaurko deituta zegoen grebaren ondorioz (% 95eko jarraipena) ekoizpena eten behar izan dute. Hitzarmena berritzeko aurreakordioa sinatu zuen atzo zuzendaritzarekin gehiengo sindikalak (UGT, CCOO, Ekintza eta PIM), baina sindikatu abertzaleek ez zuten babestu.

2022/07/12 - 21:00

Gasteizko Mercedeseko zuzendaritzak eta gehiengo sindikalak aurrekoardioa egin dute

ELA, LAB eta ESK sindikatuek ez dute ituna babestu eta aste honetarako deitu dituzten lanuzteei eutsi egingo diete. Datorren astelehenean langileen asanbladak egingo dituzte aurrekordioa berresteko edo atzera botatzeko.

2022/07/07 - 09:49

Greba eguna Mercedesen "jarraipen zabalarekin" zuzendaritza eta sindikatuak berriro bilduko diren egunean

Sindikatuen arabera, deialdia "jarraipen zabala" izaten ari da, aurreko egunetan bezalaxe. Greba deialdi hau, atzokoa bezala, ez du gehiengo sindikalak babestu.

2022/07/06 - 15:53

ELA, LAB eta ESK: "Tailerretan % 95ekoa da jarraipena; langileek argi utzi dute ez dutela malgutasunik nahi"

Sindikatuon arabera, grebaren jarraipenak erakutsi du "enpresaren eta sindikatu batzuen (UGTk, CCOOk, Ekintzak eta PIMek ez dute lanuztearekin bat egin) jarrera ez dela izan behar dena". Lehendakariak Alemaniara egindako bisitaz honakoa uste dute: "Ziurrenik, langileria estutzen etorriko dira".

2022/07/06 - 11:05

Abian da Urkullu eta Mercedeseko zuzendaritzaren arteko bilera, 1.200 milioiko inbertsioa lotzen saiatzeko

Alemanian da atzotik lehendakaria, eta, gaur, Mercedes-Benzeko presidentearekin du hitzordua. Multinazionalak Gasteizko plantarako iragarri zuen 1.200 milioi euroko inbertsioa lotuta utzi nahi du.

2022/07/05 - 18:52

Gipuzkoako ostatuetako greba bertan behera utzi dute, hitzarmenaren inguruan akordioa lortuta

Sindikatuek eta patronalak soldatak KPIaren arabera igotzea adostu dute, eta lanaldiak eta ratioak murriztea. Hala, bertan behera gelditu dira ELA, CC.OO, LAB eta UGT sindikatuek ostegun, ostiral eta larunbat honetarako deitutako grebak.

2022/07/05 - 16:31

Gasteizko Mercedesen lantegiko zuzendaritzak eta langileek jarrerak hurbildu dituzte gaurko bileran

Gasteizko lantegiko zuzendaritzarekin bildu ostean, agerian geratu dira sindikatuen arteko aldeak. UGTk, CCOOk, Ekintzak eta PIMek greba bertan behera utzi dute, baina ELA, LAB eta ESK sindikatuentzat, aurrerapausoak txikiegiak dira. Ostegunean bilduko dira berriro enpresa eta batzordea.

2022/06/30 - 18:24

Sindikatuek bilerara joateari uko egin ostean, Osakidetzako zuzendaritza bakarrik geratu da Mahai Sektorialean

SATSE, ELA, LAB, CCOO, UGT eta ESK sindikatuek salatu egin dute behin betiko gai-zerrendak ez zuela negoziatzeko beraiek proposatutako puntuetako bat ere jasotzen. Osasun Sailak ukatu egin du, eta sindikatuei akordioaren bidera itzultzeko eskatu die.

2022/06/30 - 16:29

Jarraipen zabala izan du metalgintzako grebaren bigarren egunak Bizkaian eta Araban, sindikatuen arabera

Hala baieztatu dute bi lurraldeetako deitzaileek. Hala ere, patronalen esanetan, jarraipena txikiagoa da, intzidentzia % 29ra jaitsi baitute Bizkaian eta % 8ra Araban. Goizean manifestazio jendetsuak egin dira Sestaon eta Gasteizen.

2022/06/26 - 15:45

Osakidetzako sindikatuek Lehen Arretaren egoera salatu dute Bilbon, eta negoziazioaren alde agertu dira

"Osakidetza salba dezagun" lelopean, SATSE, ELA, LAB, ESK, CCOO eta UGT sindikatuek manifestazioa deitu dute "lehen arreta desegiten" ari direla salatzeko. "Gertuko arreta, presentziala, sendoa, publikoa eta kalitatezkoa" aldarrikatu dute.

2022/06/22 - 11:59

Mercedeseko sindikatuek manifestazio bateratua egin dute zuzendaritzak eskatzen duen "malgutasunaren" aurka

Sindikatuek espero zuten moduan, jarraipen zabala izan du lanuzteak, % 95ekoa, hain zuzen ere. Zuzendaritzaren arabera, baina, plantilla osoaren % 75 inguruk egin du bat grebarekin. Tailerretan, ordea, babesa handiagoa izan dela onartu dute, % 80koa.

2022/06/22 - 09:01

Greba eguna dute gaur Gasteizko Mercedes lantegian

4.700 langile daude grebara deituta lan hitzarmena berritzeko negoziazioaren blokeoaren aurrean. Enpresa inguruan, 11:00etan, egingo den manifestazioan parte hartzera deitu dute ELAk, LABek, ESK-k, CCOOk eta UGTk. Gainerako mobilizazioetan ez da batasunik izango.

2022/06/21 - 21:11

Inbertsio planari emandako erantzuna greba "ulertezin eta kaltegarri" bat izatea kritikatu du Mercedesek

Langileei bidalitako barne komunikazioan, zuzendaritzak behargin guztiei erantzukizuna eskatu die, "lanuzterik ez egiteko eta normaltasunez lan egiteko eskubidea gauzatzeko".

2022/06/20 - 15:38

Igande honetan kalera ateratzeko deia egin dute sindikatuek Osakidetzaren "desegitearen kontra"

SATSE, ELA, LAB, CCOO, UGT eta ESK sindikatuek Eusko Jaurlaritzak abiatutako "propaganda kanpaina" salatu dute, eta ziurtatu dute osasun publikoa "prekarizatzea, gainkargatzea eta murriztea" dela Exekutiboak duen plan bakarra.

2022/06/17 - 23:43

Asteazkenean greba egingo dute Mercedes lantegian, hitzarmenaren negoziazioan aurrerapausorik eman ez delako

Hitzarmen kolektiboaren negoziazioan ez dute aurrerapausorik eman ostiral honetako bileran. Gainera, aldeek ez dute berriz batzartzeko hitzordurik itxi.

2022/06/16 - 13:41

ELA, LAB eta ESK sindikatuek greba eguna deitu dute Gasteizko Mercedesen ekainaren 22rako

Deialdia bat dator beste bi sindikatu nagusiek, UGTk eta CCOOk, aurkeztu zutenarekin; izan ere, 22koaz gain, 24 orduko beste lanuzte bat deitu dute ekainaren 29rako.

2022/06/15 - 16:29

Negoziaketan aurrerapausorik ez eta Mercedes lantegiko beharginek lehen mobilizioa egin dute

Euren iritziz enpresak iragarritako inbertsioa hitzarmena baldintzatzeko erabili nahi du. Hori dela eta, gaur, CCOOk bi orduko lanuztea deitu eta elkarretaratzea egin dute enpresako sarreraren aurrean.

2022/06/14 - 17:37

Gasteizko Mercedeseko sindikatuek erakundeen "presioa" salatu dute, horiek konpainia babestu ostean

Multinazionalak agindu dituen inbertsio milioidunak lan malgutasun handiagoarekin lotu nahi omen ditu. ELA, LAB eta ESK sindikatuen hitzetan, "enpresak dituen asmoen berri izan gabe, horren alde azaltzea larria da, baina are larriagoa da langileriari eskaini dizkioten baldintzak ezagututa egitea"

2022/06/13 - 18:15

Asteazken honetan, Lan Harremanen Kontseiluan, biltzea eskatu diote Bizkaiko metalgintzaren sindikatuek FVEMi

ELA, CCOO, LAB, UGT, ESK, CGT, CNT eta USO sindikatuek prentsaurrekoa eman dute Barakaldoko BECen kanpoaldean. Ekainaren 23 eta 30erako eta uztailaren 1erako greba deialdiak gogorarazi dituzte.