Sindikatuek bilerara joateari uko egin ostean, Osakidetzako zuzendaritza bakarrik geratu da Mahai Sektorialean
Satse, ELA, LAB, CCOO, UGT eta ESK sindikatuek planto egin diote berriro Osakidetzako zuzendaritzari, eta ez dira ostegun honetan aurreikusitako Mahai Sektorialean eseri; izan ere, salatu dutenez, hilaren 27an Osakidetzari helarazitako "egiturazko arazo larriak" konpontzeko jorratu nahi zituzten gaietako bat ere ez da Osasun Sailaren deialdiko behin-betiko gai zerrendan sartu.
Kritikatu dute joan den igandean Bilbon egin zen manifestazio jendetsuaren ondoren ere, ez zegoela aurreikusita ostegun honetako Mahai Sektorialean Lehen Mailako Arretaren egoera hobetzearekin lotutako gaiak jorratzea. Manifestazio horretan, sindikatuek benetako negoziazio eraginkorra eskatu zioten Osakidetzari.
"Osakidetzako Zuzendaritzari beste behin jakinarazi diogu ez dugula parte hartuko deitzen diren bilera sektorialetan, harik eta gure aldarrikapenei buruzko benetako negoziaziorik ez dagoen bitartean", adierazi dute sindikatuek agiri bateratu batean. Salatu dutenez, bilera horiek "edukirik gabekoak" izan ohi dira, eta "propaganda eta autobonbo politikoko mezuak elikatzeko" baino ez dute balio.
Gaineratu dutenez, Osakidetzak ez du negoziatzeko borondaterik erakusten, nahiz eta langileek kontzentrazio, manifestazio eta greba ugari egin dituzten.
Sindikatuek "zintzotasunez" luzatu diote eskua Gotzone Sagardui Osasuneko sailburuari negoziazioa berreskuratzeko mekanismoak martxan jar ditzan.
Euskal gizarteari gogorarazi diote sindikatuek, lan-baldintzen inguruko aldarrikapenak ez ezik, osasun-sistemaren "narriadurarekin" lotutako gaiak ere landu nahi dituztela. "Argi eta ozen diogu mobilizatzen eta borrokatzen jarraituko dugula Osakidetzak propagandarako tresna izateari utz diezaion", azpimarratu dute.
Azken hilabeteetan, sindikatuetako ordezkariek uko egin diote Mahai Sektorialean parte hartzeari; azken aldia maiatzaren 18an izan zen. Orduan altxa egin ziren mahaitik, Osakidetzari garapen profesionalerako ezohiko deialdiari buruzko negoziaziorik ez egitea egotzita.
Elkarrizketarako deia
Bestalde, Osasun Sailak deitoratu egin du sindikatuak Mahai Sektorialera agertu ez izana, negoziaziorako eta akordiorako "foro naturalera", eta elkarrizketarako borondatea berretsi du.
Osasun Sailak akordioaren bidera itzultzeko eskatu die sindikatuei, eta gaurko bileraren gai-zerrendan "sindikatuek proposatutako gaiak" jasotzen zituela ziurtatu du.
Aztertu beharreko gaien artean, 2020-2021 aldiko Egonkortze eta Berraztertze LEPa zegoela adierazi du, Mahai Sektorialean onartutako egonkortze-tasa nola geratuko zen xehetasunez jakinarazteko, eta Lan Eskaintza Publikoaren prozesuan hautaketarako jarraituko diren irizpideak lantzen jarraitzeko.
Halaber, Osakidetzako langile guztien kontziliazioari lotutako lizentzia eta baimenen araudia eguneratzearen inguruan aritzekoak ziren. "Sindikatuei alderdi zehatzei buruzko proposamen batekin negoziatutako dokumentua aurkeztea zen asmoa, Osasun Sailak adierazi duenez.
Garapen profesionalaren eredu berriari buruz ere hitz egitea aurreikusita zegoen, eta, gainera, Osakidetzak proposamen bat aurkezteko asmoa zuen, data zehatzekin, airean dauden beste gai batzuetan aurrera egiteko.
Zure interesekoa izan daiteke
Bosgarren entzierroa, oso arriskutsua Jose Escolarren zezenekin
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere.
Suteak kontrolik gabe jarraitzen du Almerian, eta dagoeneko 12 dira hildakoak, 23 desagertuak eta 1.405 etxetik atera dituztenak
Andaluziako Gobernuak eutsi egin dio herritarrei euren etxebizitzetan egoteko egindako deialdiari.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.