Diputatuen Kongresua

2024/12/11 - 18:25

''Zenbaki gorritan'' dagoela esan dio Juntsek Sanchezi, eta gobernuburuak akordioak beteko dituela agindu dio

Miriam Nogueras Juntsen bozeramaileak Pedro Sanchez Espainiako Gobernuko presidenteari konpromisoak betetzea eskatu dio, une honetan bere kreditua "zenbaki gorritan" dagoelako. Horren aurrean, alderdi horrekin sinatutako akordioak beteko dituela ziurtatu du Sanchezek.

2024/12/11 - 17:13

Balenciaga ontziolak aurrera jarraitzeko "aukerak bilatzen" ari dela esan du Espainiako gobernuak

COFIDES sozietateak enpresaren itxiera “eragiteko” hartutako erabakiari buruz EH Bilduk egindako galderari erantzunez, "epe luzerako plan bideragarria eta errealista" lortzeko deia egin du Ekonomia ministroak.

2024/12/10 - 17:49

PPk eta Juntsek zuzenketa bat adostu dute, elektrizitatea sortzeko zerga bertan behera uzteko saiakeran

Ekimenak aurrera egin zuen, Voxen, ERCren eta EAJren babesa izan zuelako. PSOE eta Sumar energia elektrikoaren ekoizpenaren balioaren gaineko zerga ezerezean utziko lukeen proposamen horren aurka daude, eta, Trantsizio Ekologikoko Batzordean egin beharreko tramitazioa atzeratu egin dute.

2024/12/10 - 14:53

Industria Lege berriak dirulaguntzak itzultzera behartuko ditu ekoizpena deslokalizatzen duten enpresak

Gainera, jarduera beste toki batera eraman nahi dutenek bederatzi hilabeteko aurrerapenarekin jakinarazi beharko dute. Ministroen Kontseiluak Industria eta Autonomia Estrategikorako lege-proiektua onartu du, iaz PSOEk EH Bildurekin eta Unidas Podemosekin adostutakoaren ildotik.

2024/12/03 - 11:45

Diputatuen Kongresuak eta Euskaltzaindiak lankidetza-hitzarmena sinatu dute

Francina Armengol Diputatuen Kongresuaren presidenteak eta Andres Urrutia euskaltzainburuak Diputatuen Kongresuaren eta Euskaltzaindiaren arteko lankidetza-hitzarmena sinatu dute.

2024/11/27 - 11:54

Sanchezek bere gobernuak Valentziako hondamendiaren inguruan egindako kudeaketa defendatu du

Aitzitik, beste agintari batzuk egoerak eskatzen zuen mailan aritu ez zirela uste du. Alberto Nuñez Feijoo PPko presidenteak "berandu" iristea eta biktimak bere burua ustelkeriarengandik "estaltzeko" erabiltzea leporatu dio Espainiako gobernuburuari.

2024/11/21 - 18:46

Kongresuak neurri fiskalak onartu ditu, bankuen eta multinazionalen gaineko zergak barne

Azkenean, PSOEk, Sumarrek, ERCk, Juntsek, EH Bilduk, EAJk, Podemosek, BNGk eta Coalicion Canariak babestu dute ekimena; PPk, Vox eskuin muturreko alderdiak eta UPNk, berriz, kontra bozkatu dute.

2024/11/21 - 14:57

Erreforma fiskala onartzeko akordioa itxi dute Podemosek eta PSOEk

Energia enpresei zerga berezi bat ezartzea ahalbidetuko duen lege proposamena sustatzea adostu dute bi alderdiek. Horretarako, batzorde negoziatzaile bat jarriko da martxan.

2024/11/21 - 06:00

Kongresuak behin betiko onartuko du, gaur, trafiko eskumena Nafarroara eskualdatzea eta blindatzea

Espainiako Gorteetan hiru hilabete baino gehiago tramitatzen eman ostean, lege-proiektuak azken urratsa egingo du gaur, eta behin betiko onartuko da. BOEn argitaratuko da, eta PPk eta Vox alderdi ultraeskuindarrak Senatuan ezarritako betoa bertan behera utzi.

2024/11/20 - 15:15

Goialdeko borraskaren kudeaketa defendatu du Riberak, "betiere Generalitatearen agintearen esanetara"

Gobernuko hirugarren presidenteordeak agerraldia egin du Diputatuen Kongresuan, GOIDIak eragindako hondamendiaren Ministerioak egindako kudeaketaren berri emateko.

2024/11/20 - 13:17

Ika-mika gogorra PPren eta Teresa Ribera presidenteordearen artean, GOIDIaren kudeaketa dela eta

Cesar Sanchez PPren diputatuak depresioaren "kudeaketa arduragabea" egitea egotzi dio Teresa Ribera Espainiako Gobernuko hirugarren presidenteorde eta Trantsizio Ekologikoko ministroari. Horrek erantzun du, eta salatu PPk "Aemeten abisu gorrien kontura barre" egiten duela.

2024/11/20 - 06:00

Ribera izango da gaur Kongresuko kontrol saioko protagonista, GOIDIari buruzko agerraldia egingo du eta

Espaniako Gobernuko presidenteordea Senatura joan beharko da arratsaldean egindako kudeaketagatik azalpenak ematera. Agerraldiak asteazken honetan bertan desblokeatu dezake Europako Batzorde berria izendatzeko negoziazioa.

2024/11/19 - 08:55

PSOEk energetikoen zergari eustea adostu du EH Bildu, ERC eta BNGrekin, Juntsek betoa ezar liezaiokeen arren

Saio luze bezain kaotiko batean (azken bozketa 01:00ean egin zen), Kongresuak multinazionalei zerga ezartzea eta energia enpresen gainekoa luzatzea onartu du. Neurriok osoko bilkuran bozkatuko dituzte ostegunean, eta zalantza dago Juntsekin, berez, argindar enpresei zerga ezartzearen aurka baitago.

2024/11/18 - 23:28

Kongresuak 300.000 eurotik gorako errentei PFEZa igotzea onartu du, baina bankuen gaineko zerga atzera bota du

Eztabaida tentsio eta nahasmen handiko giro batean egin da batzordean, eta etenaldiak, eztabaida tekniko luzeak eta talde parlamentario guztien zalantzak izan dira bozkatzen ari zirenari buruz.

2024/11/18 - 16:39

Isunak onartu dituzte Kongresua inguratzera deitu zuen lehenengo protestagatik auzipetutako 21 lagunetik seik

Atzerapenak oso nabarmenak izan direnez, kartzela-zigor eskaerak isunetara murriztu dira. Gainerakoek ukatu egin dituzte akusazioak, eta absoluzio librea eskatzen dute.

2024/11/18 - 10:32

Zerga erreformaren auzian Podemosen jarrera salatu du EAJk: "Tentazioa izan lezake bozak berriro egiteko"

Aitor Esteban EAJk Kongresuan duen bozeramaileak "oso zail" ikusten du gaurko bozketa, eta negoziazioak azken unera arte izatea aurreikusi du. Uste du ezkerreko taldeek (Podemosez gain, EH Bildu eta ERC) "eurena" bakarrik defendatzen dutela, eta "gutxieneko bat" adosteko dei egin die.

2024/11/18 - 06:00

Zerga erreformaren auziari berriro heldu eta bidean izandako oztopoak gainditzeko formulak bilatuko ditu PSOEk

Sozialistek ez badute hori lortzen, Europako zerga besterik ez dute onartu ahal izango, PPren babesa baitaukate horretarako.

2024/11/13 - 16:38

Torresek batasuna eskatu du Valentziako hondamendiaren arrean: "Helduko da erantzukizunak argitzeko ordua"

Kongresuan egin duen agerraldian, iragarri du kaltetuei laguntzeko eta horien eskariak bideratzeko Goi Batzorde bat sortuko dutela. Orain, "erakundeen indarra" kaltetuei bideratu behar zaiela nabarmendu du.

2024/11/12 - 17:48

Diputatuen Kongresuak lege erreforma abiatu du pederastia delitu larriak preskribatu ez daitezen

Ekimenak aldeko 305 boto, kontrako 32 (Vox) eta abstentzio bat jaso ditu. Kataluniako Parlamentuaren lege-proposamenak Zigor Kodea erreformatzea planteatzen du, bost urte baino gehiagoko kartzela-zigorra duten delituak preskriba ez daitezen.

2024/11/06 - 19:04

Veronica Martinez Barbero, Sumarren bozeramaile berria

Sumarren esanetan, aho batez erabaki dute izendapena alderdia osatzen duten talde guztiek.