Zerga erreformaren auziari berriro heldu eta bidean izandako oztopoak gainditzeko formulak bilatuko ditu PSOEk
Gaur, astelehenarekin, Kongresuak berriro helduko dio enpresa multinazionalei zerga berria ezartzeko proiektuaz arduratzen den Ogasun Batzordeari. PSOEk, bitartean, bere erreforma fiskalari Gobernuko bazkideek jarritako trabak gainditzeko irtenbideak bilatzen jarraituko du. Ez badu hori lortzen, Europako zerga besterik ez du onartu ahal izango, PPren babesa baitauka horretarako.
Joan zen astean, birritan atzeratu behar izan zuten batzordea, PSOEk, Sumarrek eta inbestidura blokeak hainbat neurri fiskal sartu nahi zituztelako egitasmoan, baina iritzi kontrajarriak azalduta.
Bada, sozialistek batzuekin zein besteekin negoziatu dituzte proiektu horren zuzenketak, nahiz eta hasiera bateko helburu bakarra multinazionalei % 15eko gutxieneko zerga ezartzea zen.
Lehen akordioak EAJrekin eta Juntsekin
PSOEk batzorde barruko bilerei ekin aurretik akordioak itxi zituen EAJrekin eta Juntsekin. Jeltzaleekin adostu zuen, besteak beste, bankuen gaineko zerga aldatzea, eta iraunkor bihurtzea.
Ezkerreko bazkideek ez zuten akordioa begi onez jo, ezta Sumarrek berak ere, argi utzi baitzuen energia enpresen gaineko zerga marra gorria zela negoziazioan.
Batzordearen txostena onartzeko, sozialistek erabaki zuten soilik lau zuzenketa sartzea (ezaugarri teknikoak zituzten zuzenketak ziren guztiak). Batzordearen esku utzi zuen, ostera, zerga polemikoenen inguruko ebazpena. Formula horrek arrakasta izan zuen, eta gehiengoak eman zion babesa testuari.
PSOEren eta Sumarren arteko akordioa
PSOEren asmoa zen batzordea hurrengo astelehenerako deitzea, baina bazkideak tematuta zituela ikusita, bilera atzeratu behar izan zuen, babes nahikorik ez zuelako. Hori bai, Gobernuak atzera bota zituen taldeek ezarritako 17 zuzenketa, besteak beste, ile-apaindegiei BEZa txikitzea.
Trukean, luxuzko gailuak zergapetzeko eta osasun pribatuari fiskalitatea handitzeko akordioa itxi zuen Sumarrekin.
Ostegunean, batzorde berria deitu zuten egunean, PPk proposamen berri bat luzatu zion PSOEri: legea onartzea, baina Bruselak exijitzen duen gutxieneko zerga orokorrera mugatuta, eta hidrokarburoen BEZaren iruzurrarekin amaitzea, baina zerga berririk ezarri gabe.
Gauzak horrela, Kongresuko iturrien artean zabaldu da mahai gainean egon litekeen formuletako bat dela, lege dekretu bidez, gaur egun energia enpresek duten zerga sei hilez luzatzea.
Zure interesekoa izan daiteke
EAJ ez den beste alderdi batek Santurtzin agintzeko aukera "ez du ikusten" Ansolak
Karmele Tubilla Santurtziko alkate jeltzaleak dimisioa eman ondoren, EH Bildu lantzen ariko litzatekeen gehiengo alternatiboari buruz galdetuta, Iñigo Ansola EAJren Bizkaiko presidenteak esan du ez duela alkatetza galtzeko arriskurik ikusten. Aurreratu du jada jarri direla PSE-EEkin harremanetan. "Ikusiko dugu zer ematen duten negoziazioek", zehaztu du, 'Ganbara' saioan egin dioten elkarrizketan.
Santurtziko oposizioko alderdiek aho batez salatu dute alkateak haiek jo izana dimisioaren erantzule
Karmele Tubilla Artetxe Santurtziko alkateak dimisioa eman du "arrazoi pertsonal, profesional eta politikoengatik", eta gainerako alderdi politikoek EAJren irudia kaltetzeko erabiltzen ari direla salatu du.
Delitu txikiak behin eta berriro egiten dituztenen gaineko legeak lapur eta iruzurgileei zigor gogorragoak ezarriko dizkie
PSOEk, PPk, VOXek, EAJk eta UPNk babestu dute lege erreforma. Ezkerreko alderdien artean, ostera, ezinegona eragin du.
Juntsek aurrera atera du delitu-errepikatzaileen kontrako legea, PSOE, PP, Vox eta EAJren babesarekin
Aldeko 302 boto, kontrako 36 eta 8 abstentzio izan ditu Kode Penala eta Prozedura Kriminalaren Legea aldatzen dituen ekimenak eta Senatura bidalliko da orain. Legeak, besteak beste, hiru urteko espetxe zigorra ezartzen du mugikorrak lapurtzen dituztenenetzat. Podemos, Sumar eta EH Bilduk ez dute neurria onartu eta, lapurretak geldiarazteko baliogarri ez izateaz gainera, eskuin muturraren suspergarri dela diote. ERC abstenitu egin da, legeak "kirats arrazista" duelakoan.
Rufianek ez du ERCtik aldentzeko asmorik: "Hemen egongo naiz alderdiak nahi duen bitartean"
Alderdi Sozialista baino ezkezaleagoak diren taldeak elkartzeko asmoz aurkeztutako proposamena dela eta, desadostasunak izan ditu zuzendaritzarekin. Dena den, Espainiako Kongresuko ERCren burua izaten jarraitzeko asmoa du.
Diez Antxustegik dio EAJ eta PSE ez datozela bat auzi batzuetan, baina adierazi du hori konpontzeko eta egonkortasuna bermatzeko lanean ari direla
Joseba Diez Antxustegi EAJk Eusko Legebiltzarrean duen bozeramaileak adierazi duenez, bere alderdiak eta PSE-EEk, euskal erakunde nagusietan gobernukide direnek, "ez datoz bat" gai batzuetan, baina hori konpontzeko lanean ari dira, "egonkortasuna" bermatzeko eta Euskadin gobernu programa betetzeko. EAJk eta PSE-EEk hainbat arlotan dituzten desadostasunetako batzuk "Espainiako Gobernuaren zereginari buruzko" gaiei egotzi dizkie, eta adierazi du EAJk jarraitu egingo duela Espainiako Gobernuarekin dituen konpromisoak bere gain hartzeko zorrotz eskatzen.
Gai estrategikoetan EAJ eta PSE bat ez etortzeak EAEren etorkizuna baldintzatzen duela salatu du EH Bilduk
"Asteak dira Gobernuko kideen artean hainbat gairen inguruko aurrez aurrekoak publiko direla. Jendaurrean egindako eztabaida hori, gure ustez, ez da batere emankorra. Ez da ona herri honentzat", adierazi du Pello Otxandiano EH Bilduk Eusko Legebiltzarrean duen bozeramaileak.
Delitu-errepikatzaileei zigorra gogortzeko legea bozkatuko dute gaur Espainiako Kongresuan
Espero da oposizioak legea babestea azken bozketa honetan. Juntsek bultzatu erreformak mugikorrak lapurtzeagatik ezarritako zigorrak gogortzen ditu.
Karmele Tubilla Santurtziko alkateak kargua utzi du "arrazoi pertsonal, profesional eta politikoengatik"
Edorta Rodrigo alkateordeak hartuko du Alkatetza behin-behinean, EAJk agintaldia osatuko duen pertsona izendatu arte.
EAJk Estatuari martxoaren 3ko sarraskiaren ardura har dezala eskatu dio, eta horrek beste aurrez aurreko bat ekarri du jeltzale eta sozialisten artean
EAJk eta EH Bilduk Espainiako Gobernuari eskatu diote aitor dezala martxoaren 3ko sarraskian erantzukizun zuzena izan zuela, eta aitortza horrekin maila goreneko adierazpen ofiziala egin dezala. PSE-EE ez dator bat eskari horrekin.