Balenciaga ontziolak aurrera jarraitzeko "aukerak bilatzen" ari dela esan du Espainiako gobernuak
EH Bilduk Kongresuan egindako galdera baten aurrean, Carlos Cuerpo Ekonomia, Merkataritza eta Enpresa ministroak adierazi du Espainiako gobernua "aukerak bilatzen" ari dela Balenciaga ontziolak Zumaian (Gipuzkoa) jarraitzea bermatzeko; izan ere, ixteko arriskuan dago. Hala ere, "epe luzerako plan bideragarri bat, plan errealista bat eta, gainera, Europa mailako estatu-laguntzen markoa betetzea" eskatu du.
Hala erantzun dio ministroak EH Bilduk Kongresuan duen Oskar Matute diputatuari, Gobernuaren kontrolerako saioan, COFIDES Estatuko Sozietateak Zumaian dauden ontziola horien itxiera "eragiteko" hartutako erabakiarekin bat ote datorren galdetu dionean.
"Ontziola horiek egoera delikatuan daude, itxieraren atarian ia, finantza berregituratzeko planak aurrera egiten ez duelako, eta horrek hartzekodunen konkurtsoa eragin du. Egoera txar honetan Ekonomia Ministerioak zerikusia du, ez dakit borondatez edo nahi gabe, COFIDESek sastakada egin dio txosten negatibo batekin", azaldu du Matutek.
Horren aurrean, Cuerpok gogorarazi du Espainiako Gobernuak covid-19aren pandemian enpresak babesteko abiatu zuen birkapitalizazio-tresnagaz bultzatu zuela COFIDES, baina plan hori ez dela bete eta ordutik egoerak okerrera egin duela. Are, maileguari lotutako interesen ordainketa ere bete ez dela onartu du.
Horregatik, Cuerpok esan du Gobernua Balenciaga ontziolen "biziraupena eta epe luzerako bideragarritasun-gaitasuna maximizatzeko aukerak bilatzen" ari dela, baina iragarri duhorretarako gainerako administrazioen eta inplikatutako gainerako eragileen laguntza beharko duela. "Kasu honetan, ez da COFIDESi bakarrik dagokion kontu bat. Babesteko, epe luzerako plan bideragarri bat behar dugu, plan errealista bat, eta, gainera, Europa mailako estatu-laguntzen esparrua betetzea ahalbidetuko diguna", azpimarratu du.
EH Bilduk konponbidea eskatu du
Dena dela, Matutek "albotik" irtetea leporatu dio Cuerpori, eta "COFIDESen alternatiba zein den" galdetu dio, ea uste duen hobe dela enpresa ixtea kredituaren zati hori berreskuratzea baino, erritmo mailakatuagoan eta motelagoan bada ere.
"Euren jarrera aldatzeko, COFIDESen jarrera berrikusteko eta, jakina, langileekin batera lanpostuei eusteko alternatibak bilatzeko eskatzen diegu", esan du koalizio abertzalearen diputatuak.
Zure interesekoa izan daiteke
Oiartzunen atzo izandako istripuan hildako gizona lanean ari zen ezbeharra gertatu zenean
Biktima 61 urteko azpeitiar bat da. Antza, gasolindegiko zutoin baten kontra talka egin zuen laneko furgonetarekin.
Ondarroako itsas zabaleko flotak berehalako irtenbideak eskatu dizkio Espainiako Arrantza Ministerioari
"Gasolioaren prezioaren igoerak blokeatuta uzten gaitu, gaur egun itsasora ateratzeak dirua galtzea baitakar", esan du Ondarroako itsas zabaleko flotaren gerente Mikel Ortizek, eta zehaztu du, batez beste, astean 20.000 euro inguru ari direla galtzen arrantzara ateratzen diren itsasontziak.
ELAk zerbitzu publikoak hobetzeko premiazko neurriak eskatu dizkio Pradalesi, eta gutxieneko soldataren aldeko urratsak galdegin ditu
Mikel Lakuntzak politika publikoetan "norabide aldaketa" eskatu dio lehendakariari, zerbitzu publikoen "gainbehera" lehengoratzeko eta patronalari presioa egiteko, Euskadin gutxieneko soldata ezar dadin.
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".