Ekialde Hurbila

2024/07/10 - 13:47

Gutxienez 30 pertsona hil dira Israelek Gazako eskola baten aurka egindako bonbardaketan

Jan Yunis hiriko eskola batean zeuden desplazatuen aurka "sarraski izugarria" egitea leporatu diote agintari gazatarrek Israelgo Armadari. Israelek, berriz, erasoaren helburua Hamaseko kide bat zela eta ikerketa abiatu duela iragarri du.

2024/07/09 - 22:36

Israelek gutxienez 29 pertsona hil ditu eskola baten aurka egindako eraso batean, Khan Yunisen

Gainera, gutxienez 30 bat pertsona, gehienak zibilak, hil dituzte azken orduetan Gazako Zerrendaren erdialdeko errefuxiatu-eremuetan. Israelgo Armadak Gaza hiria ere setiatu du.

2024/07/07 - 22:58

Su-etena, bahituen itzulera eta hauteskundeak aurreratzea eskatzeko protestak Israelen

Bederatzi hilabete gerran eman ostean, manifestari israeldarrek protestak deitu dituzte herrialde osoan. Egunsentian hasi dira Israelgo hainbat tokitan egungo koalizio gobernuko ministro eta diputatuen etxebizitzen aurrean protestak eginez.

2024/07/06 - 23:12

Elkarrizketei berrekiteko atarian, gogor eraso dio Israelek Gaza erdialdeari

Gutxienez 25 pertsona, bost kazetari tartean, hil ditu Israelek Gazako erdialdean egindako erasoetan, besteak beste, UNRWAko eskola baten aurkakoan. Negoziazioek datorren astean Dohan jarraitzea espero da.

2024/07/06 - 11:06

Masud Pezeshkian erreformistak irabazi ditu Irango presidentetzarako hauteskundeak

Osasun ministro ohi eta egun parlamentaria denak gero eta ospe handiagoa lortu du herritarren artean, moderazio mezu batekin, Mendebaldearekiko hurbiltasuna erakutsiz eta beloari kritika eginez. Maiatzean helikoptero istripu batean hildako Ebrahim Raisi ultrakontserbadorea ordezkatuko du.

2024/07/05 - 23:16

Parte-hartze handiak markatutako hauteskunde-eguna Iranen

Bozkatzera jende asko zihoala ikusirik, gauerdira arte luzatu dute botoa emateko ordutegia. Inkesten arabera, Pezeshkian erreformista eta moderatua Jalili ultrakontserbadorearen aurretik geratuko da, Ebrahim Raisi presidente ohia helikoptero istripuz hil ostean egiten ari diren hauteskundeetan.

2024/07/04 - 22:08

Netanyahuk Bideni esan dio soilik "helburu guztiak" lortzen dituenean geldituko duela Gazako erasoaldia

Israelgo lehen ministroak eta AEBko presidenteak Israelen eta Hamasen arteko negozioazioei buruz hitz egin dute. Palestinako taldearen proposamena ontzat jo dute elkarrizketetatik gertuko iturriek.

2024/07/03 - 19:47

Israelgo Armadak gutxienez 23 pertsona hil ditu azken orduetan Gazan, Zisjordanian eta Libanon

Azken egunean, Gazan soilik 28 pertsona hil eta 125 zauritu ditu Israelek, guztira urriaren 7tik 37.953 hildako eta 87.266 zauritu dagoeneko. Kopuru horiei hondakinen azpian jarraitzen duten 10.000 gorpu inguru gehitu behar zaizkie.

2024/07/03 - 16:31

Pertsona bat hil eta beste bat larri zauritu ditu labanaz gizonezko batek Israel iparraldean

Polizia ekintza "terrorista" den ikertzen ari da. Gertakaria 11:30ean izan da, Israelgo iparraldeko Carmiel hiriko merkataritza-gune batean. Bi zauritu larri eraman dituzte ospitalera eta horietako bat bertan hil da. Ustezko erasotzailea ere hil egin du Poliziak.

2024/06/30 - 00:33

Hamasen arabera, ez dago aurrerapenik Israel eta bien negoziazioetan

Osama Hamdam buruzagiak azaldu duenez, Hamas prest dago gerraren amaiera barne hartzen duen edozein su-eten proposamenekin "modu positiboan lan egiteko". Israeli "laguntzaren sarrera galaraztea" eta Estatu Batuekin batera "gosete handiko egoera" sortzea leporatu dio.

2024/06/29 - 21:39

Espainiak Israelen aurkako esku-hartze adierazpen bat aurkeztu du, Hegoafrikak abiatutako prozeduran

Nazioarteko zuzenbidearekin eta Nazioarteko Justizia Gortearen lanarekin "konpromiso sendoa" duelako eman du urrats hori Espainiak. Gazara eta Ekialde Hurbilera bakea itzultzea da ekimen horren helburua.

2024/06/29 - 13:12

Jalili kontserbadoreak eta Pezeshkian erreformistak bigarren itzulian izango dute jokoan Irango presidentetza

Izan ere, nahiz eta biak izan hautagai bozkatuenak, ez dute garaipena lortzeko beharrezkoa den botoen % 50 gehi bat lortu. Horrenbestez, uztailaren 5ean izango dute hauteskundeen bigarren itzulia.

2024/06/27 - 22:50

Israelgo tankeek eraso egin dute berriro Gaza hirian, erabat suntsituta, ia 9 hilabeteko gerraren ostean

Israelgo tankeak Gazako iparraldeko Shujaiya auzoan sartu dira ostegun honetan, eta zazpi gazatar hil dira, tartean haurrak, eta hamar bat zauritu. Azken orduotan, Israelek iparraldeko beste toki batzuk ere bonbardatu ditu, hala nola Yabalia eta Sabra.

2024/06/21 - 23:24

Israelek 25 pertsona hil eta beste 50 zauritu ditu Rafahko errefuxiatuen kanpadendei eraso ostean

Azken zortzi hilabete eta erdian Israeleko Armadak 37.460 gazatar baino gehiago hil ditu, gehienak emakumeak eta haurrak, eta 85.700 inguru zauritu.

2024/06/18 - 14:25

Israelgo inteligentziak urriaren 7a baino lehen ohartarazi zuen Hamasek 250 bahitu atzemateko plana zuela

Armadak "zehaztasun handiz" ezagutzen zuen talde islamistaren erasoa; bertan, 1.200 pertsona inguru hil eta beste 251 bahitu zituzten.

2024/06/18 - 12:18

Gutxienez 13 pertsona hil ditu Israelek Gazako kanpaleku baten aurkako beste bonbardaketa batean

Gazako Zerrendaren aurkako erasoaldiak ez du etenik, eta beste 13 hildako izan dira Nuseirateko errefuxiatuen kanpamenduan. Horrekin batera, Wafa agentzia palestinarrak Bureijeko errefuxiatuen kanpalekuaren aurkako beste bonbardaketa baten berri eman du ere, baina ez da biktimen kopurua zehaztu.

2024/06/18 - 00:16

Gaza dagoeneko "haurren hilerria" dela salatu du UNICEFek

"Ziurrenik haur guztiak traumatizatuta geratuko dira, haur bakar batek ere igaro beharko ez lukeen zerbaitetik pasatu direlako", esan du Adele Jodr Ekialde Hurbilerako eta Afrika Iparralderako UNICEFeko zuzendariak. "Erasoren bat dagoen guztietan izaten dira hildako haurrak", gaineratu du.

2024/06/17 - 17:04

Gutxienez 14 pertsona hil dira intsolazioagatik Mekarako erromesaldian

Hildakoak Jordaniako herritarrak dira. Agintariek jakitera eman dutenez beste 17 pertsona ere desagertuta daude. Azken egunetan termometroak 45 eta 48 gradu artera iritsi dira Mekan.

2024/06/17 - 12:57

Hamasen erasoen ostean sortutako gerra kabinetea desegin du Netanyahuk

Israelgo lehen ministroaren esanetan, "(Benny) Gantzekin hitzartutako akordioan baitan sortu genuen gerra kabinetea, berak eskatuta". Gantzek dimisioa eman ostean, "foro hori berez desagertu egin zen".

2024/06/16 - 19:59

Palestinako genozidioa salatu dute dozenaka artistak Bilbon

Dozenaka artista eta eskultore maindire zuri artean bildu dira Arriaga plazan, gertaeren larritasuna ikusita, herritarrengan kontzientzia sortzeko asmoz. Adierazi dute indarkeria ez dela irtenbide bat, batez ere haurrei erasotzen dietenean.