Israelek berriro eraso dio NBEk Libanon duen misioari, zaintza-dorre bati, zehazki
Nazio Batuen Erakundeak (NBE) Libanon duen misioak (UNIFIL) gaur salatu duenez, Israelgo Armadak berriz egin die eraso Libano hegoaldean, Kafer Kela hiritik gertu dagoen zaintza-dorre baten aurka oraingoan, Metula hiritik kilometro gutxira.
Israelgo Defentsa Indarren (FDI) 'Merkava' tanke batek UNIFILen azpiegituraren kontra tiro egin du, eta, ondorioz, bi zaintza-kamera suntsitu eta dorrean kalteak eragi ditu, Libanoko Nazio Batuen nazioarteko misioak bere webgunean azaldu duenez.
"Beste behin ere, UNIFILen aurkako eraso zuzena eta, itxuraz, nahita egindakoa da", dio idatziak, eta FDIri eta "eragile guztiei" gogorarazi die "NBEko langileen eta ondasunen babesa eta segurtasuna bermatzeko eta Nazio Batuen instalazioen bortxaezintasuna errespetatzeko" betebeharra dutela.
Nazio Batuen Erakundeak Libanon duen misioaren kontrako hainbat erasoaldi egin ditu Israelgo Armadak dagoeneko, eta zenbait 'kasko urdin' zauritu dituztela baieztatu du, baita Israelen tanke bat bere baseetako batean sartu dela ere.
Bestalde, Israelgo Armadak 138 aire-eraso eta bonbardaketa egin ditu azken 24 orduetan Libanoko hainbat tokitan, batez ere herrialdearen hegoaldean, Libanoko Gobernuak gaur jakitera eman duenez.
Gutxienez 16 pertsona hil dituzte gaur, tartean Ahmed Kaheel Libanoko Nabatiye hiriko alkatea, Israelgo Armadak egindako bonbardaketa batean. Gainera, 52 pertsona zauritu dituzte eraso horretan.
Erasoak udalerriaren erdigunean dagoen udaletxea jo du, eta, ondorioz, hildakoen artean tokiko gobernuaren egoitzako hainbat langile daude. Uztailaren hasieran elikagaiak eta sendagaiak biltzeko eta bizilagunen artean banatzeko ekimena jarri zuten martxan udalak, Libanoko An Nahar egunkariaren arabera.
Nayib Mikati herrialdeko behin-behineko lehen ministroak gogor gaitzetsi du Israelek Nabatiyen "nahita" egindako erasoa.
Mikatik salatu duenez, Israelek Libanoren aurka egiten ari den erasoa "nazioartearen begiradapean gertatzen ari da, eta isilik jarraitzen du". "Horrek Israeli bidea libre uzten dio krimenekin jarraitzeko", gaineratu du. "Herrialde guztiak ez badira gai Israel erasotzeari uzteko behartzera, baliagarria al da Segurtasun Kontseilura jotzea su-etena eskatzeko?", kritikatu du.
Libanoko Osasun Ministerioak jakinarazi duenez, Israelek gutxienez 2.367 pertsona hil ditu gatazka hasi zenetik, eta beste 11.088 zauritu. Era berean, adierazi du 331.834 siriar eta 129.338 libanoar Siriara igaro direla irailaren 23tik urriaren 16ra.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.