NBEk Israelek Libanoko bake misioaren aurka egindako erasoak salatu ditu, eta "onartezinak" direla esan du
NBEk Libano hegoaldean duen misioak (UNIFIL) Israelek UNIFILen kuartelaren aurka egindako erasoak salatu ditu gaur, eta kasko urdinen bizitza "arriskuan" jartzen ari dela ohartarazi du.
X sare sozialean zabaldutako ohar batean, misioak baieztatu du bere bi soldadu zauritu dituztela "Naqourako (Libanoko hegoaldea) UNIFILen kuartel nagusian bi leherketa eraginda, azken 48 orduetan bigarren aldiz".
Eztandak behaketa-dorre batetik gertu izan direla azaldu du, eta, NBEren esanetan, "zaurituetako bat Tiroko ospitale batera eraman dute, eta bestea, berriz, Naqourakora".
Salatu duenez, Labounehen, banalerro urdinetik gertu, "FDIko (Israelgo Defentsa Indarren) ibilgailu batek horma jo eta behera bota du, eta FDIren tankeak Nazio Batuen posiziotik gertu pasatu dira".
"Istilu horiek arriskuan jarri dituzte berriro NBEko langileak, Libano hegoaldean zerbitzua ematen ari baitira, Segurtasun Kontseiluak 1.701 ebazpenaren bidez eskatuta", oharraren arabera. Libano eta Israelen arteko 2006ko gerrari amaiera eman zion ebazpen horrek.
"Gertakari larria da", UNIFILen ustez, eta "Nazio Batuen langileen eta ondasunen segurtasuna bermatu behar da, eta instalazioen bortxaezintasuna errespetatu". "Bakea mantentzeko indarren aurka nahita egindako eraso oro nazioarteko zuzenbide humanitarioaren eta 1.701 ebazpenaren urraketa larria da", berretsi du.
Era berean, Antonio Guterres NBEko idazkari nagusiak gaitzetsi egin ditu eraso horiek, eta "oso argi" adierazi dio Netanyahuren gobernuari gertakari "onartezinak" direla. "Ezin dira errepikatu", azpimarratu du Guterresek prentsaurrekoan, Laosen.
NBEko arduradun nagusiak ohartarazi du erakundearen instalazioen aurka tiro egitea "Nazioarteko Zuzenbide Humanitarioaren urraketa" dela. "Bake indarrak gatazkaren alde guztiek babestu behar dituzte, eta gertatu dena, jakina, gaitzesgarria da", erantsi du.
Charles Michel Europako Kontseiluko presidentearen arabera, "arduragabea" eta "onartezina" da Israelgo Armadak ostegunean NBEk Libanon duen misioaren aurka egindako erasoa. Bestalde, Frantziako Gobernuak Israelek Parisen duen enbaxadorea deitu du, bake misioaren posizioen inguruan "nahita" egindako azken erasoengatik protesta egiteko.
Pedro Sanchez Espainiako Gobernuko presidenteak, Emmanuel Macron Frantziako presidenteak eta Giorgia Meloni Italiako lehen ministroak adierazpen bateratu bat sinatu dute Israelen erasoen aurrean haserrea adierazteko.
"Eraso horiek Israelen betebeharren urraketa larria dira, Nazio Batuen Segurtasun Kontseiluaren 1.701 ebazpenaren eta Nazioarteko Zuzenbide Humanitarioaren arabera", salatu dute Pafos hirian (Zipre) egindako MED9 goi-bileran.
Hiru estatuek azken erasoak gaitzetsi dituzte, eta "justifikaezinak dira eta berehala eten behar dira", gaineratu dute.
Gainera, Human Rights Watch (HRW) gobernuz kanpoko erakundeak Israel gizateriaren aurkako krimenengatik ikertzeko eskatu du, bake-indarren aurka egindako erasoengatik, "gerrako legeak urratzen dituztelako eta zibilen babesa arriskuan jartzen dutelako".
Gaur gutxienez bederatzi pertsona hil ditu Israelek Libano hegoaldeko herrien aurka egindako bonbardaketetan, eta Hezbollahk bere gain hartu ditu droneak eta koheteak erabiliz Israelgo iparraldearen aurka egindako hiru eraso, Libanoko hainbat iturrik jakitera eman dutenez.
Gainera, Israelen eraso batek Libanoko Armadako bi soldadu hil eta hiru zauritu ditu Libano hegoaldean, Libanoko agintariek zabaldu dutenaren arabera. Israelgo Armadak 205. Erreserbako Brigada Blindatua bidali du Libanoren inbasioan laguntzeko.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.