Erailketak
2024/11/24 - 19:01
Samuel Luiz hiltzeagatik auzipetutako lau gizonak errudun eta emakumea errugabe jo dituzte
Epaiaren berri izan eta gutxira, defentsek iragarri dute helegiteak jarriko dituztela.
2024/11/23 - 22:53
Gutxienez 20 lagun hil ditu Israelek Beiruten, zortzi pisuko etxebizitza eraikin baten kontrako erasoan
Erasoan 50 pertsona baino gehiago zauritu dira. Israelgo Armadak esan du Hezbollahko kideak ezkutatzen diren bunkerrak suntsitzeko bota dituela bonbak, aste honetan laugarrenez.
2024/11/23 - 16:19
Plaka batek gogoratuko du gaurtik Santiago Oleaga, ETAk hildako El Diario Vasco egunkariko finantza-zuzendaria
Ekitaldia Iza kalea eta Pinuen pasealekua lotzen dituzten eskaileren ondoan izan da. Oleagaren alarguna, Amaia Guridi, eta Jon semea izan dira bertan, lagun eta senideekin batera, eta ordezkari politiko, biktima eta herritarren babesa izan dute.
2024/11/19 - 22:36
Zuhurtziagabekeriazko giza hilketagatik errudun jo dute Santi Coca hiltzeagatik akusatutako gizona
Epaileak behin-behineko askatasuna ezarri du auzi honengatik, Fiskaltzak eta herri-akusazioak eskatu duten lau urteko zigorraren zati handiena bete baitu. Hala ere, beste auzi batzuk baldin baditu, kartzelaldia luzatu daiteke.
2024/11/19 - 12:21
El Salvadorreko Justiziak presidente ohia epaitzeko agindu du Ellakuria eta bost jesuita hil izanagatik
Zehazki, Alfredo Cristiani presidente ohia, Rodolfo Parker diputatu ohia eta bederatzi militar ohi epaitzea agindu du, Inazio Ellakuria, bost jesuita eta bi emakumeren hilketarekin zerikusia dutelakoan.
2024/11/14 - 11:46
Fiskalak 20tik 15era jaitsi du zigor eskaria Santi Coca hiltzea egozten dioten akusatuarentzat
Orain, Ministerio Publikoak homizidio delitua ikusten du Cocaren heriotzaren atzean, eta ez hilketa. Gaurko saioan, aldeek azken ondorioak aurkeztu dituzte.
2024/11/12 - 14:29
Adingabekoen zentro itxi batean sei urteko zigorra bete beharko du Castron ama hil zuten bi anaietako batek
Hilketa eta sexu eraso delituak leporatu dizkiote. Epaileak dio anaia gazteak ere hartu zuela parte gertakarietan, baina orduan 13 urte zituenez, ezin zaio deliturik egotzi eta adingabekoen babeserako zentro ireki batean dago.
2024/11/07 - 19:08
Gorenak 10 urteko zigorra berretsi du Bilboko etxebizitza batean gizon bat hiltzen saiatu zen gizonarentzat
Biktima bi aldiz jarraian itotzen saiatu zen erasotzailea, hori lortu ez eta objektu batekin kolpatuz hiltzen saiatu zen. 2021ean Bizkaiko hiriburuan gutxienez bost gizon hiltzeagatik epaitzen ari diren gizon bera da akusatua.
2024/11/07 - 17:43
Gazte batek ikusi zuen akusatuak Cocari ostikada buruan ematen, eta "begiak gora joan zitzaizkion"
Lekuko horrek testigantza eman du Santi Coca 17 urteko adingabearen heriotza leporatu dioten gizon baten aurkako epaiketaren laugarren egunean. Gaztea talde baten jipoia jaso eta bi egunera hil zen, 2019an.
2024/11/04 - 16:20
Bi urteko kartzela zigorraldia iruzurragatik, Bilbon ustez bost gizonezko hil zituen gizonarentzat
Nelson David Moreno beste auzi batzuetan epaitzen ari dira, gizonezkoen arteko aplikazio batean ezagutu zituen bost gizonen heriotzagatik. Bestalde, iruzurra egin zion gizonaren heriotza dela eta ere epaitu zuten. Auzia artxibatu zuten, baina Konstituzio Auzitegian errekurtsopean dago.
2024/10/27 - 19:46
Evo Moralesek bere aurkako hilketa saiakera salatu du
Boliviako presidente ohiaren gidarietako bat buruan eta beso batean zauritu dute. Moralesek jarduneko presidenteari egotzi dio hilketa saiakera. Honek, baina, erasoa ikertzea agindu du.
2024/10/23 - 22:22
Herri-epaimahaiak erruduntzat jo du Aintzane Pujana hiltzeagatik auzipetutako bikotea
Epaimahaikideek frogatutzat jo dute gertatutakoa. Gizonezkoaren kasuan, epaimahaiak egiaztatutzat jo du, halaber, biktima prostituitzera behartu eta legez kanpo atxiki zuela.
2024/10/21 - 18:48
Bilbon bost gizon hiltzeagatik auzipetutako gizonak biktimetako baten txartela erabili zuela onartu du
Akusatua 10 urteko zigorra betetzen ari da dagoeneko, hitzordua homosexualentzako aplikazioen bidez jarri ondoren gizon bat hiltzen saiatzeagatik. Guztira, bi hilketa saiakera eta bost heriotza leporatzen dizkiote.
2024/10/18 - 19:01
Pujana auziko fiskalak espetxealdi iraunkorrari eutsi dio gizonaren kasuan, eta erretiratu, emakumearenean
Auzipetutako gizonak ukatu egin du krimen horretan parte hartu izana, eta erantsi du beste akusatuaren mendeko "inuzente bat" eta "errekaduetarako mutila" baino ez zela. Emakumeak ukatu egin du gizonaren bertsioa, eta tratu txarrak ematen zizkiola eta haren beldur zela esan du.
2024/10/17 - 19:04
Espetxealdi iraunkor berrikusgarria kentzea aztertzen ari da fiskala Pujana hiltzea leporatutako emakumeari
Psikiatra batek egiaztatu duenez, akusatuak mugako nortasunaren nahasmendua du. Tesi hori ontzat jo duen psikologoak jakitera eman du, epaiketan, Gipuzkoako Foru Aldundiak % 78ko desgaitasuna onartua diola emakumeari. Baldintza horrek inputagarritasuna murriztu diezaioke emakumeari.
2024/10/10 - 19:05
Pujana, arma zuriz "erabakitasun osoz" egindako bederatzi lesioek eragindako hemorragiak jota hil zen
Aintzane Pujanaren hilketaren inguruko epaiketaren hamaikagarren saioan, biktimari autopsia egin zioten bi auzitegiko medikuek deklaratu dute, besteak beste.
2024/10/10 - 18:19
Espetxera Barakaldoko tiroketagatik atxilotutako seigarren pertsona, ospitaleko alta jaso ondoren
Atxilotua Basurtuko Ospitalera eraman zuten istiluetan min hartu ostean eta, asteazkenean ospitaletik irten ondoren, Barakaldoko guardiako epaitegiaren esku utzi dute, eta hark espetxeratzeko agindua eman du.
2024/10/04 - 19:56
Ustezko estaltzailea atxilotzeko agindua eman dute Lukas Agirreren auzian
Emakumea behin-behinean aske dago, kautelazko neurriekin, baina gaur goizean ez da aurretiazko saio batera joan, ahozko epaiketa hasi aurretik.
2024/10/03 - 19:27
Barakaldok kamerak jarri ditu Zubiletan eta Cadaguan, asteburuan Burtzeñan izandako liskar larrien ondoren
Udalak azaldu duenez, matrikula-irakurgailuak dituzten bideozaintza-sistemak dira, eta istilu berriak "prebenitzea" eta auzokoen segurtasuna hobetzea dute helburu.
2024/10/01 - 21:08
Aintzane Pujana hiltzeaz akusatutakoek beste emakume bat sexualki esplotatu zuten eta eraso egin zioten
Ertzaintzako zenbait agentek deklaratu dute epaiketaren laugarren saioan, eta akusatuek gazte donostiarra hil aurreko eta ondorengo egunetan izan zuten jarrera azaldu dute.