Irunen izandako hilketarekin lotura duelakoan atxilotutako gizona ertzain-etxean dago oraindik ere

Irunen igande goizaldean hil zen gizonaren kasuaren ikerketa aurrera bidean dago, eta atzo atxilotutako 26 urteko gizona Ertzaintzaren esku dago oraindik ere, epailearen aurretik noiz igaroko zain, Eusko Jaurlaritzaren Segurtasun Sailak jakinarazi duenez.

Gertaera igandeko goizaldeko ordu biak aldera izan zen, Cipriano Larrañaga kalean. Gizon bat hil zen, inoren erasoaren ondorioz.

Ertzaintzak, Irungo Udaltzaingoarekin elkarlanean, ikerketa abiatu zuen gertatutako ikertzeko, eta erasotzailea identifikatzeko.

Atzo, agenteek erasotzailea identifikatu eta atxilotu zuten Gipuzkoako hiriburuan, hilketa delitua leporatuta.

26 urteko atxilotuak polizia aurrekariak ditu eta Ertzaintzaren zaintzapean jarraitzen du. Datozen orduetan epailearen esku jartzea aurreikusten da, polizia-ikerketa amaitu bezain laster.