Errusia

2024/11/16 - 12:46

Scholzek gerra amaitzeko eta bakea negoziatzeko eskatu dio Putini telefonoz

Agintari errusiarrak erantzun dio indarrean jarraitzen duela bere bake proposamenak, Ukrainako tropak Donbassetik eta herrialdearen hegoaldetik erretiratzea eta Kiev NATOn ez sartzea proposatzen duenak. Zelenskik kritikatu egin ditu elkarrizketak.

2024/10/24 - 20:41

Putinek dio BRICS taldeko kide guztiek nahi dutela Ukrainako gerra "lehenbailehen" amaitzea

"Gatazka ahalik eta azkarren eta, ahal dela, modu baketsuan bukatzean zentratuta daude guztiak", azpimarratu du Errusiako presidenteak Kazan hirian egindako goi-bileraren amaieran.

2024/10/22 - 22:01

Buruzagien bilera informal bat eta aldebiko batzarrak, BRICS taldeko XVI. goi-bileraren hasieran

Goi-bileraren puntu nagusietako bat taldearekin bat egiteko estatuen kategoria berri bat sortzeko mekanismoen eztabaida izango da, baina horrek ez du esan nahi erakundearen bederatzi kideko zerrenda handituko denik.

2024/10/21 - 20:31

EBn sartzeko baiezkoak garaipen oso estua lortu du Moldavian

EBrekin bat egitea Konstituzioan helburu gisa ezartzeko nahia nagusitu da, bozen % 50,46 eskuratuta. EBk pozik hartu ditu emaitzak, Errusiak "anomaliak" ikusten dituen bitartean. Ordu batzuk lehenago, Moldaviako presidenteak Errusiaren esku-hartzea eta botoak erosteko saiakera salatu du.

2024/09/23 - 20:27

Errusiako Soyuz MS-25 espazio-ontzia Lurrera itzuli da, hainbat iraupen marka hautsita

Ontzia Tracy C. Dyson NASAko astronautarekin eta Nikolai Chub eta Oleg Kononenko kosmonautekin lurreratu da. Kononenkok espazioan 1.000 egun egin dituen lehen gizona izatea lortu du. Horrez gain, Konenkok eta Chubek plataforma orbital horretan hegaldi luzeenaren errekorra lortu dute.

2024/09/14 - 20:38

Ukrainak eta Errusiak 103 preso trukatu dituzte Kursken erasoak eta kontraerasoak egiten dituzten bitartean

Bestalde, emakume bat hil da gaur Errusiako Belgorod eskualdean, Ukrainak artilleriarekin egindako eraso baten ondorioz.

2024/09/11 - 10:29

Trump vs Harris: Tentsioz betetako eztabaidaren unerik onenak

Kamala Harris AEBko presidenteorde eta hautagai demokratak eta Donald Trump presidentegai errepublikanoak oso bestelako jarrerak agertu dituzte abortuaren, migrazioaren edo kanpo politikaren harira. Trump, oldarkor, gezurrak ere bota ditu.

2024/09/10 - 20:42

Errusiak 144 drone ukrainar bota ditu, horietatik 20 Mosku kanpoaldean

Emakume bat hil da eta hiru pertsona zauritu dira erasoaren ondorioz. Errusiako hiriburuko hiru aireportuk operazioak eten behar izan dituzte.

2024/09/03 - 16:36

Errusiaren eraso batek gutxienez 49 hildako eta 200 zauritu utzi ditu Ukrainako Poltava hirian

Misilak ikastetxe eta ospitale baten inguruan erori dira, Volodimir Zelenskik adierazi duenez. Mezu labur batean, biktimen familiei doluminak eman dizkie, eta gertakariaren inguruko "ikerketa osoa eta azkarra" egiteko agindu du.

2024/09/03 - 12:51

Nazioarteko Zigor Auzitegiak atxilotzeko mehatxua egin arren, Putin Mongolian izan da

Vladimir Putin astelehen gauean iritsi da Mongoliara, bisita ofiziala egitera. Ez dio jaramonik egin Nazioarteko Zigor Auzitegiak Ukrainako ustezko gerra krimenengatik eman zuen atxilotzeko aginduari. Ohore guztiekin hartu dute Errusiako presidentea.

2024/08/27 - 21:10

Errusiak berriro eraso dio Ukrainari eta gutxienez bost lagun hil ditu

Ukrainako hainbat eskualderen kontra, Kiev hiriburua barne, droneak eta misilak jaurti ditu Moskuk bigarren egunez, Ukrainak egindako erasoei erantzunez.

2024/08/27 - 18:16

Zelenskik gerra gelditzeko plana aurkeztuko dio irailean AEBri

Gainera, iragarri du Ukrainak ekoizpen propioko lehen misil balistikoa arrakastaz probatu duela, eta NATOri berriro eskatu dio Mendebaldeko armak Errusian ere erabiltzeko baimena eman diezaion.

2024/08/26 - 18:13

Borrellek aitortu du Europak "konpromiso handiagoa" hartu beharko lukeela Gazan

Gainera, nazioarteko zuzenbidearen urraketak izan direla baieztatu du. Bestalde, EBren Kanpo Gaietarako ordezkaria Ukrainari laguntza ematen jarraitzearen alde agertu da, Iruñean egindako ekitaldi batean.

2024/08/25 - 14:27

Pavel Durov Telegramen sortzailea atxilotu dute Frantzian

Frantziaren ustez, Telegrameko moderazio faltak eta Pavel Durovek agintariekin duen lankidetza faltak, plataformak eskaintzen dituen tresnekin batera, hala nola erabili eta botatzeko zenbakiak eta kriptografia, droga-trafiko, pedofilia eta iruzur delituen konplize bihurtzen dute.

2024/08/24 - 22:34

230 gerra-preso trukatu dituzte Errusiak eta Ukrainak

Gaur, Errusiaren inbasioak bi urte eta erdi bete dituenean, bi aldeak ados jarri dira 230 preso libre uzteko, bando bakoitzeko 115. Arabiar Emirerrien bitartekaritzari esker gauzatu da trukea. Ukrainarrak Armadaren esku utzi dituzte, eta errusiarrak Bielorrusiara eraman dituzte.

2024/08/24 - 14:04

"Irismen handiko" Kurskeko inbasioa goraipatu du Zelenskik, Ukrainako independentziaren urteurrenean

Errusiak, bestalde, "deitoragarritzat" jo du egungo Ukrainaren errealitatea, 1991n "epe luzerako oparotasuna" lortzeko "baldintza guztiak" zituen arren.

2024/08/21 - 15:05

Ukrainako Armadak droneak jaurti ditu Moskuren aurka, gerra hasi zenetik egindako eraso handienean

Errusiako Segurtasun Kontseiluko presidenteordeak Errusiako agintariei ohartarazi die Kursk eskualdearen aurkako erasoaldiarekin jarraituz gero "hilkutxa gehiago" egongo direla.

2024/08/18 - 20:47

Ukrainarrak indarra hartzen ari dira Errusian, eta errusiarrek aurrera jarraitzen dute Ukrainan

Ukrainako tropek aurrerapena moteldu dute azken egunotan, baina azpiegiturei eraso diete. Kursk eskualdeko bi zubi suntsitu dituela jakinarazi du Ukrainak.

2024/08/17 - 13:36

Ukrainak Errusiako Kursk eskualdeko zubi bat suntsitu du

Ukraina aurrera egiten ari da Errusian barrena. Errusiako Atzerri Ministerioak salatu duenez, Seim ibaiko zubi bat suntsitu dute, Gluxkovski barrutian, Mendebaldeko armak erabilita. Irudiak: Mikola Olextxuk, Ukrainako Aireko Indarren komandantea.

2024/08/16 - 21:24

Ukrainak Kurskeko erasoaldiari eusten dio, Errusiak Donbasseko frontean aurrera egiten duen bitartean

Kievek emandako azken datuen arabera, Ukrainak 80 udalerri eta 1.150 kilometro karratu baino gehiago kontrolatzen ditu Kursken. Donetsken, ostera, Pokrovsk barrutiko agintariek onartu dute Errusiako tropak 10,5 kilometrora baino ez daudela.