Putinek Oreshnik misil hipersonikoa goraipatu eta arma estrategikoen eragin bera izan dezakeela esan du
Vladimir Putin Errusiako presidenteak Oreshnik misil balistiko hipersoniko berriaren sortzaileak zoriondu ditu gaur. Misil horrek arma estrategikoen eragin bera izan dezakeela uste du Errusiako buruzagiak, suntsipen masiborako baliabidea izan gabe. Moskuk Oreshnik misil berria Ukrainaren aurka erabili zuen ostegunean, aldez aurretik Kievek Erresuma Batuak eta AEBk emandako irismen luzeko misilekin (Storm Shadow eta ATACMS) Errusiari eraso egin ondoren.
"Nolanahi ere, Oreshnik sistema ez da arma estrategiko bat, ez da kontinenteen arteko misil balistiko bat, ez da suntsipen handiko arma bat, zehaztasun handikoa baita", nabarmendu du Kremlineko agintariak buruzagitza militarrarekin egindako bilera batean. Azpimarratu duenez, eraso masibo batean eta irismen handiko beste sistema batzuetan erabiliz gero, ondorioak arma estrategikoek eragiten dituztenen parekoak izango lirateke.
Kremlineko buruzagiak adierazi du ez dela sistema sobietar baten modernizazioa, Errusiako industria militarraren lanaren emaitza baizik. "Nahiz eta egia izan denok gatozela Sobietar Batasunetik, aurreko belaunaldiek egindakoarekin hezi gintuzten guztiok, eta, neurri batean, haien emaitzei etekina atera genien", onartu du.
"Munduan inork ez du Oreshnik bezalako sistema bat, misilen aurkako edozein ezkutu gainditzeko gai dena", esan du. "Bai, lehenago edo geroago beste potentzia batzuek ere izango dute (...). Baina hori bihar izango da, edo urtebete edo bi urte barru, eta guk orain daukagu, eta hori da garrantzitsuena", erantsi du.
Horren harira, Errusiak misil berria probatzen jarraituko duela eta sistema berria ekoizten hasiko dela jakinarazi du. "Proba hauekin jarraituko dugu, guda baldintzetan barne. Guztia Errusiari sortzen zaizkion segurtasun mehatxuen arabera", ohartarazi du. Gaineratu du Errusiak misil horien "erreserba nahikoak" dituela.
Azkenik, Sergei Karakaiev Misil Estrategikoen Indarren komandante buruak azpimarratu duenez, Oreshnik "Europa osoko helburuak kolpatzeko gai da", eta horrek irismen eta zehaztasun handiko beste arma batzuetatik bereizten du.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.