ATENTATUA MOSKUN
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Igor Kiriloven aurkako atentatuaren ustezko egilea atxilotu dute

Errusiako zerbitzu sekretuek (FSB) jakitera eman dutenez, atxilotua Uzbekistango gizonezko bat da, eta, ustez, Ukrainako zerbitzu sekretuen jarraibideak bete zituen.
Igor Kirilov, artxiboko irudi batean
Igor Kirilov, artxiboko irudi batean. Agentzietako bideo batetik ateratako irudia

AGENTZIAK | EITB Media

Azken eguneratzea

Moskun izandako atentatuan Errusiako Defentsa Nuklearraren burua hil eta biharamunean, Errusiako zerbitzu sekretuek (FSB) Uzbekistango gizonezko bat atxilotu dute hilketaren egilea delakoan. Aipaturiko atentatuan Igor Kirilov teniente jenerala ez ezik, bere laguntzaileetako bat ere hil zen.

Zehazki, Kiriloven etxebizitzaren atarian, patinete batean bonba bat jartzea leporatzen diote atxilotuari.

Errusiako zerbitzu sekretuen (FSB) arabera, atxilotuak berak adierazi du Ukrainako zerbitzu sekretuek agindutakoa bete zuela. Horren arabera, Moskura iritsi ostean lehergai bat eman zioten, eta, ondoren, patinete elektriko batean jarri zuen bonba eta Kiriloven etxetik gertu utzi zuen .

Patinete batean jarritako bonba batek Errusiako defentsa erradiologiko, kimiko eta biologikoaren burua hil du
Ukrainak Errusiako Defentsa Nuklearraren burua hil du, patinete batean ezkutatutako bonba batekin
Munduko albisteak Ukrainako gerra Mosku Errusia Errusia-Ukraina gerra Eguneko Titularrak

Zure interesekoa izan daiteke

Gehiago ikusi
Publizitatea
X