Hondamendi naturalak
2023/02/13 - 10:04
Erreskate taldeek zortzi pertsona atera dituzte azken orduetan, lurrikara gertatu eta sei egunera
Turkiako agintariek jakinarazi dutenez, hondakinen artean gutxienez zortzi pertsona erreskatatu dituzte azken orduetan. Turkia hegoaldea eta Siria iparraldea astindu zituen lurrikarak 40.000 hildako baino gehiago izan ditu, azken zenbaketaren arabera.
2023/02/12 - 23:41
Zortzi lagun bizirik atera dituzte hondakin artetik, sei egunez harrapatuta egon ostean
OMEren arabera, gutxienez 9.300 pertsona hil dira Sirian, eta beste ia 30.000 Turkian. NBEko buruzagi humanitarioak onartu du erakundeak "huts egin" diola Siria-ipar-mendebaldeko jendeari; hain zuzen ere, Kasko Zuriek salatu dute ez dutela inguru horietan NBEren laguntzarik jaso.
2023/02/12 - 15:48
Nazioarteko erreskate taldeak Turkiatik itzultzen hasi dira, tartean Gasteiztik joandakoak
Ankaran daude, sentimendu gazi-gozoarekin itzuli dira, inor ez dutelako bizirik erreskatatu.
2023/02/11 - 17:02
25.000 hildakotik gora zenbatu dituzte Turkian eta Sirian, eta kopurua bikoiztu egin daiteke oraindik
Nazio Batuen Erakundea beldur da hildako kopurua 50.000tik gorakoa izango ote den, azkenean. Litekeena da Hungariaren tamainako eskualde bateko hondakinen azpian hamar milaka biktima egotea.
2023/02/11 - 13:53
Nola lagundu Euskal Herritik Turkiako eta Siriako lurrikaren ondorioz kaltetutakoei?
Gobernuz kanpoko hainbat erakundek kanpaina solidarioak jarri dituzte martxan bi herrialdeotara gehien behar diren baliabideak (arropa, elikagai ez-galkorrak, eta haurtxoentzako pixoihal eta janaria) helarazteko. Kontsultatu hemen laguntzeko bideak.
2023/02/10 - 21:53
Mikel Ayestaran, Gazianteptik (Turkia): "Norbait bizirik erreskatatzeko probabilitatea zeharo txikitu da"
EITBko berriemaileak jakitera eman duenez, gorpuak eta gorpuak ari dira ateratzen azken orduetan. Bestalde, Recep Tayip Erdogan Turkiako presidentearen kontrako kritikak areagotu direla azaldu du.
2023/02/10 - 21:48
Lurrikaratik lau egunera, hondakin azpitik bizirik
27 urteko emakume gazte batek 110 ordu egin ditu bere etxeko hondakinen azpian, eta bizirik erreskatatu dute. 107 ordu egin ditu beste emakume batek. Ahmed 5 urteko mutiko siriarrak familia osoa galdu du. Haren gurasoak eta hiru anai-arrebak hil dira lurrikaran.
2023/02/10 - 18:03
Apenas iritsi da laguntza Siriako oposizioaren kontrolpean dauden eremuetara
Espainiako eta Egiptoko bi talde bakarrik joan dira zonalde horietara erreskate lanetan laguntzeko. Gauzak horrela, Siriako ipar-mendebaldean ia ez dago laguntza humanitariorik. Bertara sartzeko pasabide bakarra dago: Bab el Hawa.
2023/02/10 - 15:43
Milaka lagun kale gorrian gelditu dira Turkian eta Sirian hotzak akabatzen
Turkian bakarrik, gutxienez 6.500 eraikin geratu dira guztiz suntsituta. Beste milaka, berriz, oso kalte handiekin, goitik behera erortzeko arriskuan.
2023/02/10 - 13:59
Turkiara joandako suhiltzaile gasteiztarrak erlojuaren kontra ari dira lanean
Accion Norte Vitoria GKEko sei suhiltzaile Adyaman herrian eri dira lanean gau eta egun hondakinen artean bizirik dauden pertsonak aurkitzeko.
2023/02/10 - 11:47
21.000 pertsona baino gehiago hil dira Turkian eta Sirian izandako lurrikaren ondorioz
Orduek eta egunek aurrera egin ahala, gero eta txikiagoa da hondakinen artean norbait bizirik aurkitzeko itxaropena. 75.000 bat dira zauritutakoak. Erdogan Turkiako presidenteak zehaztu duenez, asteleheneko lurrikara handien ostetik beste 600 seismo izan dira eremuan.
2023/02/09 - 15:32
Zaporeak elkarteak janari bilketa egingo errefuxiatu eta kaltetu siriarrengana bideratzeko
Esnea, arrain kontserbak, arroza, pasta eta poteko lekaleak eskatzen dituzte. Kontutan hartzeko kontua da kanpamentuetako jende gehiena musulmana dela eta hortaz, txerrikirik ez dutela jaten.
2023/02/09 - 15:23
Turkia aldean egoera zaila da, eta are okerragoa Siriako aldean, ia 12 urte daramatzatelako gerran
Gobernuaren aurka borrokan ari diren taldeen esku daude eremurik kaltetuenak eta hor, bilatze eta erreskate lanak kasko zurien ardura dira. Baliabide oso gutxirekin ari dira lanean kasko zuriak.
2023/02/08 - 21:49
Erreskate lanetan lehenengo 48-72 orduak erabakigarriak izan ohi dira
Ibon Zinkunegi Mugarik Gabeko Suhiltzaileak gobernuz kanpoko erakundeko kideak azaldu duenez, denbora giltzarri da hondakinetan harrapatuta geratu den pertsona bat bizirik ateratzeko. Beste faktore garrantzitsu bat da biktimaren osasun egoera: zauri larriak eta odol jarioa izatea, esaterako.
2023/02/08 - 21:44
Mikel Ayestaran: "Siriako muga alboan muturreko egoera da"
Turkiako erreskate taldeak ari dira bakar bakarrik lanean. Turkiako mendi federazioko trebatutako taldeak ari dira erreskate lanak egiten Hatayn.
2023/02/08 - 21:40
Familia oso bat bizirik atera dute hondakinen artetik Sirian, eta haur jaioberri bat Turkian
Oraindik jendea dago bizirik etxebizitzetako hondakinen azpian. Sirian, oposizioaren kontrolpeko eremuetan, kasko zuriak ari dira erreskate lanetan.
2023/02/08 - 17:24
Suhiltzaile boluntarioen erreskate lanak, irudietan
Mundu osoko suhiltzaile eta gobernuz kanpoko erakundeetako milaka boluntario iritsi dira azken orduetan, batez ere Turkiara. Irudi hauek Mugarik Gabeko Suhiltzaileek (BUSF) egiten duten lana erakusten dute.
2023/02/08 - 16:09
11.100 pertsona baino gehiago hil dira lurrikaren ondorioz, eta Siriak formalki laguntza eskatu dio EBri
Turkiako presidenteak, bere aldetik, 500na euroko diru laguntza hitzeman die kaltetutako familiei eta agindu du ez dituela babesik gabe utziko. Halaber, batasunerako eta elkartasunerako deia egin du.
2023/02/08 - 15:30
Erreskateko txakurren euskal taldea aitzindaria izan zen Estatuan, eta 40 urte beteko ditu aurten
Estatuan izan diren hondamendi handienetan lagundu du taldeak. Hamarkada hauetan ehunka txakur trebatu dituzte. Egun, 16k osatzen dute Elorrion egoitza duen taldea.
2023/02/08 - 15:24
Errebeldeen esku dauden Siriako eremuetan, baliabiderik gabe ari dira erreskate lanetan kasko zuriak
Tresneria egokirik gabe ari dira lanean gau eta egun Siriako iparraldean, oposizioko taldeen kontrolpeko lurretan. Larri, baina egoera hobeagoan daude Siriako gobernuak kontrolatzen dituen eremuetan.