Hondamendi naturalak
2023/08/31 - 10:42
Idalia urakanak utzitako kalteak zenbatzen hasi dira Floridan
Idaliak kalte handiak utzi ditu Florida ipar-mendebaldean. Azken 125 urteetako urakan indartsuenak uholde historikoak eragin ditu, errepideak itxi dituzte, eta 260.000 etxe eta eraikin energiarik gabe utzi ditu.
2023/08/30 - 11:32
Idalia 4. kategoriako urakan bat bezala iritsiko da gaur gauean Floridako kostaldera
Urakanen Zentro Nazionalak adierazi duenez, Idalia urakan "oso arriskutsua" bihurtuko da hegoaldeko estatuko kostaldean lurra ukitzean. Milaka pertsonek euren etxeak utzi eta leku seguruagoa bilatu behar izan dute.
2023/08/27 - 22:21
Ekaitz bortitzek gogor astindu dituzte Balearrak
Haize ufadek 122 kilometro orduko abiadura hartu dute eta 60 litro ur bota du metro koadroko ordu batean, Mallorka eta Menorkako zenbait herritan. 120 hegaldi atzeratu edo bertan behera utzi dituzte ekaitzagatik, eta 4.300 lagun argindarrik gabe daude.
2023/08/26 - 17:55
Oriak, Urumeak, Urolak, Debak… Gipuzkoako ia erreka guztiek egin zuten gainezka
Gipuzkoan piztu ziren lehenik alarmak, bertan erori baitziren lehen euri jasa handiak. Bi egunean metro kuadroko 200 litrotik gora herri askotan. Gipuzkoan hildakorik egon ez bazen ere, sarraskia eskualdeetan zehar zabaldu zen, lurraldea gurutzatzen duten ibai arro gehienek gainezka egin ostean.
2023/08/26 - 16:46
Deia egunkarian argitaratu zen argazkiari esker jakin zuten uholdeetan desagertutako boluntarioak onik zeudela
Argazki honekin jakin zuen munduak Bermeotik abiatutako Gurutze Gorriko bost boluntarioak onik zeudela. Egun hartatik 40 urtera, protagonistei erakutsi diegu.
2023/08/26 - 16:39
1983ko uholde haietan boluntario aritu ziren herritar eta konpartsakideak omendu dituzte Bilbon
40 urte igaro dira uholdeetatik; Bilbo Aste Nagusian bete-betean murgilduta zegoela iritsi zen amets gaiztoa, eta herritarrak berehala hasi ziren lanean, auzolanean. Gaur, boluntario aritu ziren herritar eta konpartsakideak omendu dituzte.
2023/08/26 - 11:25
Hondamendiaren kaosa gobernatzen
Gaur 40 urte dira Euskadi urpetu zela. Tragedia gorabehera, ahalik eta hoztasun gehienaz aritu zirenekin mintzatu gara. Ricardo Olabegoyak, Eusko Jaurlaritzako Babes Zibileko zuzendaria zenak, orduan bizitakoak kontatu dizkigu.
2023/08/25 - 16:00
Artaxoako eta Mendigorriako suteak 600 hektarea kiskali ditu, kontrolpean geratu aurretik
Artaxoako eta Mendigorriako sutea kontrolpean hartu dute Suhiltzaileek, 600 hektarea erre ondoren. Hala ere, Nafarroako Foru Erkidegoko baso-suteengatiko Larrialdietarako Babes Zibileko Plan Bereziaren 2. Egoera Operatiboak aktibatuta jarraitzen du.
2023/08/25 - 11:59
Tenerifeko sutea egonkortuta, 14.624 hektarea erre ondoren
Hasi eta bederatzi egunera, Tenerifeko sutea egonkortu egin da, 14.624 hektarea erreta utzita 88 kilometroko perimetroan. Fernando Clavijo Kanarietako presidenteak ohartarazi du litekeena dela suspertzeak egotea, baina horiei aurre egiteko baliabideak prest daudela.
2023/08/23 - 15:55
Tenerifeko suteak kontrolik gabe jarraitzen du, baina perimetro gehiena egonkortuta dago
Gau lasai baten ondoren, Tenerifeko suteak erretako eremua 14.751 hektareatan mantendu da. Tenperatura altuak direla eta, fokuak berriz piztea espero dute, batez ere iparraldean. Gaur, lanean jarraitzen dute sua itzaltzeko.
2023/08/22 - 13:52
Japonia ostegun honetan hasiko da Fukushimako zentral nuklearreko ura isurtzen
Tokioren arabera, Fukushimako zentral nuklearreko ura isurtzeko baldintzak daude. Neurriak ez du harrera ona izan talde antinuklearren eta ekologisten artean, eta protesta egin dute Japoniako kaleetan eta Fumio Kishida Japoniako lehen ministroaren etxearen aurrean.
2023/08/22 - 11:03
15.000 hektarea kiskali dira dagoeneko Tenerifeko sutean
Pedro Sanchezek 'hondamendi eremu' izendatuko du uhartea, eta berreraikitze lanetan lagunduko du sua kontrolpean izan bezain laster.
2023/08/14 - 20:13
Etna sumendia berriro piztu da eta Cataniako aireportua itxi behar izan dute
Irudi ikusgarriak eskaintzeaz gain, Cataniako aireportua ixtera behartu ditu agintariak. Munduko sumendirik aktiboena den honek, tarteka, hausterrez estali ohi ditu inguruan dituen Siziliako hainbat hiri. Cataniako aireportua arratsaldean zabaltzea espero dute.
2023/08/13 - 12:55
Hawaiiko baso-suteek 93 hildako utzi dituzte dagoeneko, eta AEBko azken mendeko hilgarrienak dira
Hawaiiko gobernadoreak esan du hildakoen kopuruak gora egiten jarraituko duela. Oraindik hainbat gune aktibo daude uhartean, eta suhiltzaileek lanean jarraitzen dute suteak itzaltzeko.
2023/08/11 - 13:05
Portugalgo suteak 10.000 hektarea baino gehiago erre ditu
Joan den larunbatean, abuztuaren 5ean, hasi zen sutea kontrolpean hartu dute goizaldean. Sua hazi egin da azken egunetako tenperaturen igoeraren ondioz, baina Espainako mugatik 2 kilometrora geratu da. Suhiltzaileek lanean jarraitzen dute sutea itzaltzeko.
2023/07/19 - 10:48
Gutxienez 15 hildako Kolonbiako Quetame udalerrian izandako lur-jausietan
Kolonbiako Quetame herrian izandako lokatz eta ur-olde baten ondorioz 15 pertsona hil dira, sei zauritu eta zenbait desagertu. Gainera, arazo larriak daude errepideetan eta hornidura elektrikoan.
2023/07/16 - 19:50
Gutxienez 37 hildako Hego Korean izandako uholdeengatik
Gutxienez beste 10 pertsona desagertuta daude, eta 7.800dik gora euren etxeetatik irtenarazi dituzte. Oro har, 220 errepide inguru itxi dituzte, eta trenbide-zerbitzua etenda dago herrialde osoan.
2023/07/07 - 14:22
Atzoko txingorrak Arabako Lautadan, Mendialdean eta Añanan ere izan zuen eragina
Arabako Foru Aldundiko langileak Arabako puntu desberdinak bisitatuko dituzte gau izandako txingor-prezipitazioek ortuetan, bideetan eta azpiegituretan izan zuten eragina ezagutzeko.
2023/07/07 - 12:25
Autoetan harrapatuta zeuden hainbat pertsona erreskatatu behar izan dituzte Zaragozan, uholdeen eraginez
Zaragozan, ordubetean baino gutxiagoan, 54,2 litro ur bota ditu metro koadroko. Hiriko hainbat errepide urak estalita ditu eta pertsona asko ibilgailuetan harrapatuta geratu dira.
2023/06/26 - 12:13
Tornado suntsitzailea Indianan
50 segundo eskaseko iraupenarekin, tornado erraldoiak parean aurkitu duen guztia eraman du. Zorionez, kalte materialak baino ez dira izan.