Hondamendi naturalak
2024/11/10 - 12:02
Goialdeko depresioaren ondorioak direla eta, bertan behera utzi dute bidaiarien garraioaren asteleheneko greba
UGTk, CCOOk eta Garraioen Sindikatu Libreak (SLT) zehaztu dutenez, azaroaren 11ko lanuzteari bakarrik eragiten dio neurriak. Goialdeko depresioak astindutako herrietan "arazo gehiago ez sortzeko" eta "mugikortasuna errazteko" hartu dute erabakia.
2024/11/10 - 09:26
Goialdeko depresioaren ondorioz hildakoak 214 dira jada Valentzian, eta desagertuen kopurua 41era jaitsi da
Autopsia egin diete denei, 195 identifikatu dituzte, eta 140 senideen esku utzi dituzte jada.
2024/11/09 - 23:13
Manifestazio jendetsua egin dute Valentzian, Mazonen dimisioa exijitzeko
130.000 lagun bildu dituen protesta 18:10ean hasi da, hiriburuan. Antolatzaileen ustez, hondamendia "saihets zitekeen" eta Mazonek "ezin du egun bat gehiago iraun" Valentziako Gobernuan. Poliziak lau pertsona atxilotu ditu manifestazioaren amaieran izandako istiluetan.
2024/11/09 - 22:04
Mazonen eta Gobernu osoaren dimisioa eskatu dute, euriteen aurreko eta osteko kudeaketa ''penagarriagatik''
Deialdia egin duten dozenaka elkarteek Valentziako Gobernuaren gaitasun eza salatu dute eta Mazon presidentearen eta Gobernu osoaren dimisioa eskatu dute. Politika ekonomiko eta sozialetan aldaketak eskatu dituzte, berreraikuntza "pertsonak erdigunean jarriz" egin dadin.
2024/11/09 - 13:46
Roblesek agerraldia egingo du asteazkenean Senatuan, goialdeko depresioaren kudeaketaz azalpenak emateko
PPk asteartean eskatutako agerraldia da, "Ribera presidenteordeak uko egin" ostean.
2024/11/09 - 12:01
Goialdeko depresioak 25.000 laborantza hektarea hondatu ditu Valentzian
50.000 lur eremu dituzten 10.000 nekazari dira kaltetuak, eta 650 milioi kilo elikagai galdu dira, Agroseguro nekazaritza arloko aseguru-etxeen erakundeak zabaldu duenez.
2024/11/08 - 20:27
''ES-Alert bidez bidalitako mezuak mugikor adimendun guztietara iristen dira, ezer aktibatu behar izan gabe''
EAEko Larrialdiak Koordinatzeko Zentroak bi bide ditu herritarrei abisuak emateko: SOS Deiak aplikazioa (aplikazioa instalatuta dutenek bakarrik jasoko dute abisua) eta ES-Alert (telefono adimendun guztietara mezuak bidaltzeko aukera ematen du).
2024/11/08 - 14:32
Espainiako Gobernuak ayudavalencia.es webgunea blokeatu du iruzur zantzuak atzemanda
Hondamendiak kaltetutako herritarrentzat donazioak eskatzen omen zituen, kriptotxanponen bidez. Herritar batek salatu du, iruzurra delakoan, eta horregatik itxi dute ataria.
2024/11/08 - 13:52
EAEko erakundeek eta Elikagaien Bankuek koordinatuko dute Valentziarako produktuen bidalketa
Valentziarako laguntza "ahalik eta modu antolatuenean eta eraginkorrenean" bideratzea da helburua.
2024/11/07 - 11:49
Goialdeko borraskaren ondorioak direla eta, bertan behera utzi dute bidaiarien garraioaren asteleheneko greba
UGTk, CCOOk eta Garraioen Sindikatu Libreak (SLT) zehaztu dutenez, azaroaren 11ko lanuzteari bakarrik eragiten dio neurriak. Goialdeko borraskak kaltetutako herrietan "arazo gehiago" ez sortzeko eta "mugikortasuna errazteko" hartu dute erabakia.
2024/11/07 - 11:35
Goialdeko borraskak kolpatutako udalerriak hondamendi eremu dira, ofizialki
Zehazki, urriaren 28tik azaroaren 4ra goialdeko borraskaren eragina pairatu zuten Valentziako Erkidegoko, Gaztela-Mantxako, Andaluziako, Kataluniako eta Aragoiko hainbat udalerriri eragingo die hondamendi eremu izendapenak.
2024/11/07 - 09:45
219 dira goialdeko borraskan hildakoak, Leturren bi hilotz topatu ostean; desagertutakoen kopurua 93ra igo da
Horrez gain, 54 gorpu daude oraindik identifikatu gabe. Bien bitartean, denboraleak kaltetutako 78 udalerriak garbitzen eta berreraikitzen jarraitzen dute. Bederatzigarren eguna izanagatik, oraindik zaila da batzuetan zehar mugitzea, kaleak hondakinez josita baitaude.
2024/11/06 - 20:52
Ertzaintzaren Txakur Unitateko kideak Valentziara bidean dira, Generalitateak laguntza eskatu ostean
Valentziako Generalitateak Ertzaintzaren Txakur Unitatearen laguntza eskatu dio Eusko Jaurlaritzari, desagertutako pertsonak aurkitzen laguntzeko. Eusko Jaurlaritzak berehala aktibatu du txakur unitatea, eta Valentziara bidean dira sei agente, txakur eta guzti.
2024/11/05 - 20:38
Polizia Nazionalaren zuzendaria, Bonaireko aparkalekuko gorpuei buruz: ''Gezurra zen''
Francisco Pardo Polizia Nazionalaren zuzendari nagusiak Bonaire merkataritza-guneko aparkalekuan, Aldaian (Valentzia), "gorpu asko" zeudela zioen "gezurra" hizpide izan du egin duen agerraldian. Adierazi du informazio hori ez zela egia, ez baita hildakorik aurkitu bertan.
2024/11/05 - 14:03
Goialdeko borraskak kaltetutakoentzako 10.600 milioiko lehen laguntza sorta onartu du Espainiako Gobernuak
Gainera, goialdeko borraskak gehien kolpatu dituen guneak babes zibileko larrialdi batek larriki kaltetutako eremu izendatzea onartu du Ministroen Kontseiluak.
2024/11/05 - 11:49
Gorpuzkiak topatu dituzte Leturren, desagertutako lau pertsonaren bila dauden bitartean
Uholdeak eraman zuen etxe batean zegoen bikote bat eta urak eramandako furgoneta batean zihoazen bi udal langile dira desagertutakoak.
2024/11/05 - 09:53
Valentzia, goialdeko borraskak bortizki kolpatu eta astebetera
Ofizialki, 215 dira hildakoak: lau Gaztela-Mantxan eta Andaluzian, eta gainerakoak (211) Valentziako probintzian. Ez dago jakiterik zenbat pertsona dauden desagertuta. Izan ere, leku askotan ura eta lokatza kentzen ari dira oraindik.
2024/11/04 - 22:55
Mazonen dimisioaren aldeko aldarriak entzun dira Valentziako Generalitateko presidentearen agerraldian
Carlos Mazon Valentziako Generalitateko presidentea hedabideen aurrean agertu da, Generalitateak ezhoiko Osoko Bilkura amaitu ostean. Agerraldian, kanpotik zetozen oihuak entzun ahal izan dira, presidentearen dimisioa eskatuz.
2024/11/04 - 21:08
Bolañosek lege-dekretu bat iragarri du, goialdeko borraskak kaltetutakoek berehalako laguntza jaso dezaten
Bolaños ministroak berretsi du orain "batasunerako unea" dela, administrazio guztiek batera lan egin behar dutela eta eztabaida "antzuak" alde batera utzi behar direla, herritarren premia hori baita.
2024/11/04 - 19:57
Yolanda Diazek Valentziarentzat ''lan-ezkutua'' iragarri du, enplegu guztiak ''salbatzeko''
"Inork ez du eskubiderik galduko, ez soldatarik, ez kotizaziorik", baieztatu du presidenteordeak, eta langileei "beldurrik ez izateko" eskatu die, beharrezkoak diren mekanismo guztiak martxan jarriko direlako, eta ez bakarrik kalteak jasan dituzten 69 udalerrietan.