Goialdeko borraskaren ondorioak direla eta, bertan behera utzi dute bidaiarien garraioaren asteleheneko greba
Goialdeko depresioak Valentziako probintzian zein beste erkidego batzuetan eragindako "muturreko larrialdi egoera" dela eta, UGT, CCOO eta Garraioen Sindikatu Libreak (SLT, gazteleraz) bertan behera utzi dute bidaiarien errepide bidezko garraioan datorren astelehenerako (azaroak 11) iragarrita zuten greba. Kaltetutako eremuetan "arazo gehiago" ez sortzeko hartu dute erabakia, "errepideak nabarmen kaltetu baitira".
Ohar bidez jakinarazi dutenez, greba bertan behera utzita "mugikortasuna erraztu eta Valentzia bere onera etortzeko lanak bermatzeko baliabideak iristea" lortuko dute.
Nolanahi ere, zehaztu dute neurria "behin-behinekoa" da eta azaroaren 11ko protestari bakarrik eragingo diola.
Hori horrela, gainerako protesta egutegia bere horretan utzi dute. Hots, azaroaren 28 eta 29rako, eta abenduaren 5, 9 eta 23rako deituta dauden grebak, eta abenduaren 23tik aurrera ezarrita zuten greba mugagabea.
Azkenik, goialdeko borraskak Valentzian eragindako triskantzaren harira, 10 minutuko lanuztea (12:00etan hasita) deitu dute ostiralerako Espainiako Estatuko lan zentro guztietan, pribatu zein publiko.
Zure interesekoa izan daiteke
CAFek 250 milioi euroko kontratua lortu du Frantzian, eskualdeko 22 tren hornitzeko
CAF eta Alstom enpresek osatutako kontsortzioak 22 Regiolis tren hornituko dizkio SNCF Voyageurs operadoreari Proventza-Alpeak-Kosta Urdina eskualderako. CAFek diseinatu eta fabrikatuko ditu trenak eta Alstom arduratuko da unitaterako zenbait ekipo hornitzeaz.
EAEko medikuek bigarren greba eguna dute gaur
Osasun Ministerioak onartu nahi duen Estatutu Markoaren zirriborroaren aurka Espainiako Estatu osoko medikuek deitutako lau eguneko grebarekin bat egin du Euskadiko Medikuen Sindikatuak. Gaurko elkarretaratzeak Gurutzetako Ospitalean eta Donostia Ospitalean izango dira. Ostiralera arte, ospitaleek eta anbulatorioek gutxieneko zerbitzuetan egingo dute lan, eta larrialdiak eta halabeharrez artatu behar diren patologiak dituzten pazienteei soilik emango diete laguntza.
Medikuen sindikatuak dio grebaren eragina "handiagoa" izan dela "ospitaleetan lehen arretan baino"
Osakidetzaren arabera, jarraipena % 17,6koa izan da goizeko txandan eta % 7,6koa arratsaldekoan. EAEko medikuek bat egin dute Medikuen Sindikatuak Estatu osorako egindako lau eguneko grebarekin eta "lanbidearen berezko ezaugarriak islatuko dituen Estatutu propioa" eskatzen dute.
Aurrekontuen osoko zuzenketak atzera bota ditu Eusko Legebiltzarrak, oposizioaren eta EAJren eta PSEren arteko eztabaiden artean
Aurrekontuei jarritako osoko zuzenketak eztabaidatzen ari dira astearte honetan Eusko Legebiltzarrean, proiektua gelditzeko arriskurik gabe. EAJren eta PSE-EEren gehiengo absolutuak 2026ko kontuak tramitatzen jarraitzea bermatzen du, EH Bilduk, PPk, Sumarrek eta Voxek proiektua kritikatu arren.
Ehunka medikuk sektorearen ezaugarriak bilduko dituen Estatutu propioa eskatu dute Bilbon
Ehunka mediku eta fakultatibo (farmazialariak, biologoak...), asko bata zuriz jantzita, Bilbon manifestatu dira Espainiako Ministerioak aurkeztu duen Estatutu Markoaren lege-aurreproiektuaren kontra eta sektorearen ezaugarriak jasotzen dituen baten alde, eta Eusko Jaurlaritzari eskatu diote haien eskaerak defenda ditzala Monica Garcia ministroaren aurrean.
ESAN sindikatuak salatu du ertzainek "gehiegizko ahalegina" egiten dutela eta lan-eskubideak urratzen zaizkiela
ESAN sindikatuak azaldu duenez, urteko lehen hamar hilabeteetan 375.000 ordu gehigarri egin dira, "8-9 milioi euro arteko gastuarekin", eta horrek agerian uzten du sistemari "errefortzu iraunkorrek" artifizialki eusten diotela, eta eredu horrek "ertzainak atsedenik gabe estutzen" dituela.
Euskadiko Medikuen Sindikatuak lau eguneko greba hasi du, Estatutu propio baten aldarrian
Negoziazioen aurrean, Estatutu propio baten alde egin dute, uste dutelako horrek soilik islatu ditzakeela lanbidearen berezko ezaugarriak. Gainera, erregulazio espezifiko baten beharra azpimarratu dute. MUD-en eta EAEko medikuen elkargoen babesa dute. Ministerioak aurreratu du ez duela Osasuneko lege aurreproiektua erretiratuako baina hitz egiten jarraitzeko prest dago.
Gasteizko Mercedeseko langileen batzordea lanuzteak deitzea aztertzen ari da, lan-baldintzak salatzeko
Langileen batzordeak mobilizazio kanpaina abiatu du, "lan-harremanen okertzeari" aurre egiteko asmoz. Batzordeak pasa den abenduaren 1eko bileran baiezkoa eman zion mobilizazio-kanpainari, ELA, LAB eta ESK sindikatuen aldeko botoekin eta UGT, CCOO eta Ekintza sindikatuen abstentzioarekin.
Anbulantzietako langileak Eusko Legebiltzarraren aurrean bildu dira, osasun-garraioa erakunde publikoek kudea dezatela eskatzeko
ESK sindikatuko Anbulantzietako eta Emergentzietako sailek elkarretaratzea egin dute gaur goizean Eusko Legebiltzarraren aurrean, osasun-garraioa erakunde publikoek kudea dezatela eskatzeko, eta "garraio % 100 publikoa" beharrezkoa dela aldarrikatzeko
Nafarroako autoeskolek protesta egin dute Iruñean gidabaimena ateratzeko azterketetan "kolapsoa" dagoela salatzeko
Nafarroako autoeskolak ataka larrian daude, gidabaimen-azterketak egiteko prozesua kolapsatuta dagoelaki. Adierazi dutenez, 8.200 lagun daude azterketa egiteko zain. Itxaronaldiak izugarri luzatu dira, eta horrek autoeskolen jarduera ia geldiarazi egin du, erregulazio-espedienteak eta itxiera arriskuarekin. Horregatik, mobilizazioak egiten ari dira.