Zazpi pertsona hil dira eta 700 zauritu Taiwanen Richter eskalan 7,2ko indarra izan duen lurrikaran
Gutxienez zazpi pertsona hil eta 700 zauritu dira gaur Taiwanen Richter eskalan 7,2ko indarra izan duen lurrikaran. Asiako irlan 07:58 zirenean izan da astindua (Euskal Herrian, 01:58an), eta ondorioz hainbat eraikin behera etorri dira eta kalteak ugariak dira.
Hildako guztiak Hualien eskualdean (ekialdea) izan dira. Horietako bi eskalatzaileak dira, Tarokoko Natura Parkean arroila batean zeuden hainbat arroka gainera etorri zaizkienean, CNA albiste agentziak jakinarazi duenez. Tarokorako errepideak ere itxita daude, eta bertan hainbat ibilgailu harrapatuta geratu dira (oraindik ez dakite biktimarik ote dagoen bertan).
Halaber, Suhua autobideko hainbat zati txikituta geratu dira, eta bi tunel behera etorri dira. Hain justu, horietako batean pertsona bat hil eta beste bat zauritu dira.
Azken 25 urteotako lur astindurik indartsuena da honakoa. 1999ko irailean, 7,3ko beste lurrikara batek 2.400 pertsona hil eta 11.000 zauritu zituen.
Lurrikarak itsasoan izan du epizentroa, Hualien eskualdetik 25 kilometro hego-ekialdera, 15,5 kilometroko sakoneran. Hain justu, konderri horretan izan du eragin gehien, uharte guztian sentitu bada ere.
Biktima kopuruak gora egin lezake, erreskate taldean hondakinen artean harrapatuta geratu diren lagunen bila baitira.
Lurrikararen ostean dozena bat erreplika izan dira —gogorrena 6,5 gradukoa— eta Japoniako Meteorologia Agentziak ohartarazi du astindu gogor gehiago izan daitezkeela.
Era berean, Taiwango Zentro Meteorologikoak tsunami alerta ezarri du, baina handik gutxira geratu da bertan behera.
Japonian ere atzeman dute astindua, Okinawa uhartean esaterako. Japoniak ere tsunami alerta jarri du, baina hura ere kendu dute.
Zure interesekoa izan daiteke
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".
Hamasek armagabetzeko akordioa berretsi du, baina Israel Gazatik erretiratzea jarri du baldintza gisa
Testuinguru horretan, talde palestinarrak berretsi du ez duela bere esku dagoen armamentua entregatuko Israel Gazako Zerrendatik erretiratu baino lehen.
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.