Lan gatazkak
2024/06/03 - 09:00
Arau batzuk lasaitzea eta burokrazia arintzea eskatzen diete baserritarrek eurodiputatuei
Europar Batasuneko nekazaritza politikak baserritarren lana baldintzatzen du. Esplotazio txikiak, familian kudeatutakoak, justu justu bizirauten ari dira, bai hemen baita Portugal bezalako herrialdeetan ere.
2024/06/02 - 22:10
Astelehenean errepideetara itzuliko dira traktoreak, eta Biriatu moztuko dute 24 orduz
Merkantzien zirkulazioa etengo dute mugan, asteleheneko 10:00etatik astearteko 10:00ak arte, eta, beraz, eragin handiak espero dira trafikoan, bi noranzkoetan. Ahal izanez gero, bertatik ez ibiltzeko gomendatu dute trafiko agintariek.
2024/06/01 - 18:50
Arabako lurrak defendatu eta berriztagarrien jazarpena salatu dute traktoreekin Gasteizen egin duten protestan
Manifestazioaren amaieran, komunikatu bat irakurri dute. Horren bidez, Arabako Nekazarien Elkarteak, Bionekazaritzak eta Araba Bizirikek ziurtatu dute proiektu energetikoen etengabeko jarioak mehatxu egiten diola lehen sektorearen eta arabarren etorkizunari.
2024/06/01 - 18:33
Ehunka lagun eta 50 bat traktore atera dira kalera Gasteizen, protesta egitera
UAGA sindikatuak, Bionekazaritza elkarte ekologikoak eta Araba Bizirik taldeak deitu dute manifestazioa.
2024/05/31 - 17:08
Trafikoan eragina izango du Biriatun traktoreekin datorren astelehenean egingo duten protestak
Gipuzkoarako noranzkoan merkantzien zirkulazioa debekatuko dute, asteleheneko 10:00etatik hurrengo eguneko 10:00ak arte. Horrez gain, baliteke trafikoari eragingo dioten arazo gehiago sortzea, bi noranzkoetan.
2024/05/30 - 20:48
Bilbobuseko beharginek greba mugagabea uda osoan zehar mantentzea erabaki dute
Apirilaren 9an hasitako greba mugagabeari 266 langilek eman diote babesa, eta 194k astean behin 24 ordu gelditzea nahi zuten.
2024/05/25 - 14:40
Paris-Orlyko aire-kontrolatzaileen grebak ez du, oraingoz, Euskal Herriko aireportuetan eraginik izan
Grebaren ondorioz, bertan behera geratu dira hegaldien % 70 Paris-Orly aireportuan, Paris-Charles de Gaulle aireportuaren ostean Frantziako hiriburuko bigarren aireporturik handienean.
2024/05/24 - 12:59
Larrialdietako langileek zerbitzuaren kudeaketa kaskarra eta euren ''prekarietate'' egoera salatu dute
Zerbitzu horren 30. urtemuga ari dira ospatzen Bilboko Euskalduna Jauregian, eta bertantxe bildu dira beharginak bizi duten egoera "jasangaitza" salatzeko.
2024/05/21 - 12:52
Bizkaiko kiroldegietan lortutako aurreakordioa baztertu du ELAk eta grebari eutsi dio
Sektorean % 49ko ordezkaritza duen sindikatuaren arabera, LABek, UGTk eta CCOOk patronalarekin sinatu duten aurreakordioak ez du erosahalmena bermatzen eta sektorea prekarietatera kondenatzen du.
2024/05/16 - 23:30
Bilbobuseko langileek ez dute onartu aurreakordioa, eta greba mugagabearekin jarraituko dute
Biobide enpresak eta UGT, CCOO eta USO sindikatuek (gehiengoa batzordean) aste honetan bertan lortutako aurreakordioa baztertzea erabaki dute langileek batzarrean. Aurreakordioak ez zuen ELAren eta LABen babesik.
2024/05/16 - 18:02
Itunpeko hezkuntzako akordioa betetzeko eskatu diote sindikatuek patronalari
"Bete beharreko" akordio bat dagoela nabarmendu dute. Patronalek betetzen ez badute, "mobilizazioak zein izango diren eta zein intentsitatekoak" izango diren aztertuko dutela adierazi dute.
2024/05/15 - 17:07
Araba, Gipuzkoa eta Nafarroako nekazarien elkarteek bat egin dute ekainean mugan egingo den mobilizazioarekin
Hamabost elkarte baino gehiagok "bloke bateratu" bat sortu dute, "neurri eraginkorrak" aldarrikatzeko Europako nekazaritza-sektorearen mesedetan, ekainaren 3an Espainiaren eta Frantziaren arteko muga guztiak itxiko dituen mobilizazioan.
2024/05/15 - 00:51
Aurreakordioa itxi dute Bilbobusen, eta greba bertan behera geratu da gutxienez ostegunera arte
Aurreakordioa Biobide enpresako zuzendaritzak eta UGT, CCOO eta USO sindikatuek itxi dute negoziazio-mahaian. ELAk, aldiz, adostutako eduki ekonomikoak errefusatu ditu.
2024/05/13 - 17:04
Gizarte Ekimeneko sindikatuek mobilizazioak iragarri dituzte otsaileko akordioa bete dadin eskatzeko
Patronalak hartuko duen "jarreraren araberako urratsak" emango dituztela ohartarazi dute. Ez dute greba berriak egitea baztertzen eta bide juridikoa hastea aztertuko dute.
2024/05/09 - 19:41
Bilboko Gurutze Gorriko Ospitaleko grebak "ia erabateko" jarraipena izan duela nabarmendu du ELAk
Sindikatuak salatu duenez, "enpresak ahalegin guztiak egin ditu Jaurlaritzak ezarritakoak baino gutxieneko zerbitzu handiagoak inposatzeko". Mobilizazioekin jarraituko dutela ohartarazi du ELAk.
2024/05/07 - 11:43
Bilboko Gurutze Gorriko Ospitaleko langileek hiru greba egun egingo dituzte gaurtik aurrera
ELA sindikatuak deitu du lanuztea Osakidetzak azpikontratatutako erietxe horretan. Goizean manifestazioa egingo dute beharginek Basurtuko Ospitaletik Gurutze Gorriaren egoitzaraino.
2024/05/07 - 11:26
Lau eguneko greba, gaur hasi eta ostiralera arte, Bizkaiko kiroldegietan
Bizkaiko kiroldegietako azpikontratatutako langileek mobilizazioei ekin diete berriro hitzarmen duin baten eske.
2024/05/03 - 21:20
Gipuzkoako autoeskolek mobilizazioak iragarri dituzte aztertzaile falta eta "utzikeria" salatzeko
Gipuzkoako Autoeskolen Elkarteak Eusko Jaurlaritzari eta indar politikoei eskatu diete "azterketen eskumena exijitzea eta transferentzia behingoz lortzea". Gainera, ziurtatu du 5.000 pertsona daudela lurralde historikoan probak egiteko zain.
2024/04/29 - 21:38
CAFeko enpresa batzordeak amiantoa kentzeko protokoloak berritzeko eskatu du
Langileek salatu dutenez, azken urteetan amiantoa erretiratzeko egindako lanek ez dute instalazioak garbi geratzea bermatu ezta langileen segurtasuna ere.
2024/04/29 - 19:55
Akordiorik ez Bilbobusen eta apirilaren 9an hasitako greba mugagabeak aurrera jarraitzen du
Zerbitzuaren enpresa emakidadunak, Biobidek, uste du beharginen eskaria "ez dela bideragarria ez iraupenean, ezta ekonomikoki ere". "Zoritxarrez, ez dago berririk" gatazka honi konponbidea emateko negoziazioan, deitoratu du enpresa-batzordeko presidenteak.