Hezkuntzako sukaldariak eta garbitzaileak kalera bueltatu dira, hobekuntzak eta hitzarmena berritzea eskatzeko
Eusko Jaurlaritzako Hezkuntza Sailarentzat lan egiten duten 1.000 bat sukaldari eta garbitzaileen %70ek egin dute bat gaurko euren arloan deituta zegoen bigarren greba egunarekin, sindikatuen arabera. Eusko Jaurlaritzak emandako datuen arabera, aldiz, jarraipena % 30,3koa da.
LABek, ELAk eta CCOOk deituta, goizean elkarretaratzeak egin dituzte "ehunka langilek" Hezkuntza Sailak hiru hiriburuetan dituen ordezkaritzen aurrean.
Atzo bezala, Jaurlaritzak ezarritako gutxieneko zerbitzuak "gehiegizkoak" izan direla salatu dute. Euren ustez, "greba eskubidea baldintzatu nahi izan du Jaurlaritzak". Saiakerak saiakera, sindikatuen esanetan, langileriaren gehiengo zabal batek egin du greba, langileen % 70ek.
Horien arabera, sukaldeetan erabatekoa izan da jarraipena, besteak beste, zentro hauetan: Gipuzkoan, Donostiako Ikasbide, Hernaniko Meabe, Urretxuko Gain Zuri, Oñatiko Rekalde eta Hondarribiko Talaia ikastetxeetan; Bizkaian, Bilboko San Ignazio, Balmasedako Mendia eta Karrantzako Concha ikastetxeetan, eta Araban, Gasteizko Gamarra, eta Araiako, Dulantziko eta Langraiz Okako eskola publikoetan.
Garbiketa alorrean, "jarraipena oso zabala" izan da, eta "erabatekoa" honakoetan: Donostiako Zubiri Manteon, Bergarako Ipintza eskolan, Zarauzko eta Elgoibarko eskoletan, Gasteizko Hizkuntza Eskolan eta Gasteizko Francisco de Vitoria ikastetxean.
Eusko Jaurlaritzak ez ditu oraindik jarraipen datuak jakinarazi, baina atzokoa % 35ekoa izan zela esan zuen.
Aldarrikapenak
Sindikatuek nabarmendu dutenez, hezkuntzako kolektiborik feminizatuena da sukaldari eta garbitzaileena, eta baita "lan-baldintza okerrenak dituena eta pribatizazioa gehien pairatzen duena" ere. Horiek salatutakoaren arabera, 2009tik ez dute hitzarmena berritu.
Besteak beste, honako aldarrikapenak dituzte beharginontzat: bazkaltiarren ratioak hobetzea jantokietan eta lan-zamak arintzea eta lan-orduak murriztea garbiketan. Gainera, plantilla gaztetzeko planak eskatu dituzte erretiroa aurreratzeko. Halaber, galdutako erosahalmena berreskuratzeko, ordezkoen lan-baldintzak hobetzeko eta euskara, berdintasun eta osasun planak garatzeko eskatu dute.
Mahai sektorialaren hurrengo bilera otsailaren 11rako dago deituta, eta ordurako "etxeko lanak" egiteko deia egin diote Pedrosa sailburuari.
Zure interesekoa izan daiteke
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.
Etxebizitza-salerosketen kopurua % 8,2 igo da Nafarroan, eta % 13,6 jaitsi da EAEn, maiatzean
Notariotzaren Kontseilu Nagusiaren arabera, etxebizitzaren prezioa % 13,5 garestitu da Nafarroan eta EAEn, berriz, egonkor mantendu da.
BBVAk 6.051 milioi irabazi ditu ekainera arte, iaz baino % 11 gehiago, diru-sarrera errepikariek eta kredituen igoerak bultzatuta
Erakundeak akzioak berrerosteko ezohiko programa berri bat iragarri du, 2.000 milioi eurokoa. Lehenengo tartea, 1.000 milioikoa, abuztuaren 5ean hasiko da.
Urte arteko KPIa % 3,5eraino igo da uztailean Espainian, erregaien eta argindarraren igoeragatik
Azpiko inflazioa (energia eta elikagai freskoak kontuan hartzen ez dituena) hamarren bat igo da uztailean, % 3raino.