Albiste izango dira: Guardianeko labearen itzaltzea, Osasun Itunaren Mahaia eta lehendakaria Bruselan
Honako gai hauek hartuko dituzte gaur, 2025eko urtarrilaren 29an, hedabideetako lerroburu nagusiak:
- Guardianeko labearen itzaltzea: Guardian Glass multinazionalak gaur ekingo dio Laudioko lantegiko labea itzaltzeari, langileen protesten artean. Enpresa batzordeak deituta, langileak elkarretaratzea egiten ari dira 06:00etatik enpresaren kanpoaldean. Langileen ordezkariek salatu dutenez, 04:00etatik enpresaren "kanpoko pertsonak" daude lantegi barruan, labearen itxiera "kontrolatua" egiteko. Atzo, Laudioko lantegiko labearen itzaltze kontrolatua egiteko eta haren osotasuna, fidagarritasuna eta segurtasuna ziurtatzeko konpromisoa hartu zuen enpresak, Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuarekin izandako bileran. Neurri horrek industria jarduera berria ekarriko duten inbertsore berrien sarrera erraztea du helburu.
- Osasun Itunaren Mahaia: Alberto Martinez Eusko Jaurlaritzako Osasun sailburua buru dela, Euskadiko Osasun Itunaren bosgarren bilera egingo da Irungo Ficoban (11:00etan). Gaurko batzarrean 'Ikuspegia, Balioak eta Printzipioak' izeneko dokumentua bozkatuko da, bigarren faseari amaiera emanez. LAB sindikatuak aurreratu du ez duela parte hartuko gaurko deituta dagoen Osasun Mahaiaren bileran, ez dagoelako ados bigarren faseko ondorio gisa jaso duten dokumentuarekin eta hori erakutsi nahi du gaurko batzarrari uko eginda.
- Lehendakaria Bruselan: Imanol Pradales lehendakaria Antonio Costa Europar Batasuneko Kontseiluko presidentearekin bilduko da Bruselan (09:30ean). Bileraren baitan Atlantikoko Makroeskualdea, kohesio-funtsak eta Europako erakundeetan euskararen ofizialtasunarekin zerikusia duten gaiak jorratuko dituzte, besteak beste. Maila goreneko bilera da, eta 2013tik egiten den lehena. Halaber, Europako Batzordeko Garraio Komisario Apostolos Tzitzikostasekin eta Teresa Ribera Europako Batzordeko presidenteordearekin ere bilduko da.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.