Lan gatazkak
2024/05/13 - 17:04
Gizarte Ekimeneko sindikatuek mobilizazioak iragarri dituzte otsaileko akordioa bete dadin eskatzeko
Patronalak hartuko duen "jarreraren araberako urratsak" emango dituztela ohartarazi dute. Ez dute greba berriak egitea baztertzen eta bide juridikoa hastea aztertuko dute.
2024/05/09 - 19:41
Bilboko Gurutze Gorriko Ospitaleko grebak "ia erabateko" jarraipena izan duela nabarmendu du ELAk
Sindikatuak salatu duenez, "enpresak ahalegin guztiak egin ditu Jaurlaritzak ezarritakoak baino gutxieneko zerbitzu handiagoak inposatzeko". Mobilizazioekin jarraituko dutela ohartarazi du ELAk.
2024/05/07 - 11:43
Bilboko Gurutze Gorriko Ospitaleko langileek hiru greba egun egingo dituzte gaurtik aurrera
ELA sindikatuak deitu du lanuztea Osakidetzak azpikontratatutako erietxe horretan. Goizean manifestazioa egingo dute beharginek Basurtuko Ospitaletik Gurutze Gorriaren egoitzaraino.
2024/05/07 - 11:26
Lau eguneko greba, gaur hasi eta ostiralera arte, Bizkaiko kiroldegietan
Bizkaiko kiroldegietako azpikontratatutako langileek mobilizazioei ekin diete berriro hitzarmen duin baten eske.
2024/05/03 - 21:20
Gipuzkoako autoeskolek mobilizazioak iragarri dituzte aztertzaile falta eta "utzikeria" salatzeko
Gipuzkoako Autoeskolen Elkarteak Eusko Jaurlaritzari eta indar politikoei eskatu diete "azterketen eskumena exijitzea eta transferentzia behingoz lortzea". Gainera, ziurtatu du 5.000 pertsona daudela lurralde historikoan probak egiteko zain.
2024/04/29 - 21:38
CAFeko enpresa batzordeak amiantoa kentzeko protokoloak berritzeko eskatu du
Langileek salatu dutenez, azken urteetan amiantoa erretiratzeko egindako lanek ez dute instalazioak garbi geratzea bermatu ezta langileen segurtasuna ere.
2024/04/29 - 19:55
Akordiorik ez Bilbobusen eta apirilaren 9an hasitako greba mugagabeak aurrera jarraitzen du
Zerbitzuaren enpresa emakidadunak, Biobidek, uste du beharginen eskaria "ez dela bideragarria ez iraupenean, ezta ekonomikoki ere". "Zoritxarrez, ez dago berririk" gatazka honi konponbidea emateko negoziazioan, deitoratu du enpresa-batzordeko presidenteak.
2024/04/29 - 16:19
Greba deialdia Bizkaiko Esku-hartze Sozialeko langileentzat maiatzaren 14an, patronalei negoziatzea eskatzeko
Foru Aldundiaren egoitzaren aurrean elkarretaratzea egin ostean, mobilizazioak gogortuko dituztela iragarri dute. Lehenik 24 orduko itxialdia egingo dute maiatzaren 13an, grebaren bezperan.
2024/04/27 - 21:01
Tokiko ekoizle txikiek eredu aldaketa eskatu dute Nafarroak elikadura burujabetza lor dezan
Iruñean egin duten manifestazioan parte hartu duten elkarteen izenean, Miriam Otxotorena artzainak aldarrikatu du "nekazaritza eredu berri bat" posible dela.
2024/04/25 - 12:58
Frantziako kontrolatzaileen grebak Biarritzeko aireportua geldiarazi du
Frantziako kontrolatzaileen sindikatu nagusiak akordioa lortu du dagoeneko greba bertan behera uzteko, baina oraindik beste sindikatuekin negoziatzen ari dira, eta, beraz, oraindik ere gorabeherak daude.
2024/04/19 - 16:42
Anbulantzien sektorean aurreakordioa adostu ostean, bertan behera utzi dute otsailean abiatutako greba
Sektorean gehiengoa (% 44,49) duen ELA sindikatuaren arabera, % 30,64rainoko soldata igoerak izango dituzte anbulantzietako beharginek hemendik 2029ra, eta urtean 124 lanordu gutxiago egin beharko dituzte.
2024/04/19 - 14:56
"Lankidetza" eskatu du Nafarroako Gobernuak, medikuek iaz soldata igoera izan zutela gogora ekarrita
Medikuen sindikatuak egindako greba iragarpenari erantzunez, Osasun kontseilariak esan du hausnartzeko unea dela, eta "oparoaldi garaiak" ez ezik, "une zailak" ere badaudela, eta orain krisitik ateratzea dela lehentasuna.
2024/04/18 - 15:31
UAGAk berriro traktoreak kalera atera ditu Gasteizen, lehen sektorea agenda politikoan sar dadila eskatzeko
Edurne Basterra UAGAko presidenteak salatu du alderdi politikoek ez dituztela nekazarien eta abeltzainen aldarrikapenak kontuan hartu ere egin kanpainako euren diskurtsoetan.
2024/04/17 - 18:03
Bilbobuseko batzordeak "aurrerapausoak" egin ditu enpresarekin egindako bileran, baina "akordiorik" gabe
Bilboko Udalak ziurtatu du hiru hilabeteren buruan baliogabetuko duela enpresa emakidadunarekin duen kontratua, eta greba mugagabea bertan behera uzteko eskatu du. Langileen ordezkariek uko egin diote aukera horri.
2024/04/17 - 14:01
ELA eta LAB sindikatuek greba deitu dute Arabako egoitza pribatuetan apirilaren 25erako
Deialdia mugimendu feministak, Arabako Pensinonistak Lanean kolektiboak eta egoitzetako erabiltzaileen senideen bi elkartek babestu dute. Sektorean beste 32 lanuzte egin dituzte lau urtetan zehar.
2024/04/16 - 19:33
Udalak Bilbobuseko langileei esan die Biobiderekin duen kontratua hiru hilabeteren buruan baliogabetuko duela
Bilboko Udalak greba mugagabea bertan behera uzteko eskatu dio enpresa-batzordeari, baina beharginen ordezkariek baztertu egin dute aukera hori, "akordioa itxi arte".
2024/04/15 - 14:57
UAGAk mobilizazioa antolatu du ostegunean Gasteizen lehen sektorea hauteskunde agendan sar dadila eskatzeko
Traktoreekin aterako dira kalera, eta horren aurretik, gaur alderdi politiko guztien egoitzetara joan dira aldarrikapenak helaraztera.
2024/04/14 - 17:35
Zazpi lanuzte egunetako lehena dute gaur Amazonek Trapagaranen duen logistika zentroan
Hilaren 20ra arte egunean hiru ordu eta erdiko lanuzteak deitu dituzte, lan-osasunean hobekuntzak eta "lan-baldintzak duintzea" eskatzeko. Bihar, apirilaren 15ean, manifestazioa egingo dute Bilbon, Juan Garai kaletik Plaza Biribileraino.
2024/04/14 - 00:05
Nekazaritza sektorearentzat errespetua eskatu dute baserritar eta abeltzainek Iruñean
"Botere ekonomiko handiek nekazaritza sektorea kontrola ez dezaten gaude hemen", esan dute nekazariek, eta "herritarren babesa eta gertatzen ari denaz jabetzea" eskatu dute.
2024/04/13 - 23:35
Josean Etxeberria, baserritarra: ''Ekainaren 1ean muga guztiak ixteko asmoa daukagu''
Semilla y Belarra Nafarroako nekazaritzako profesionalen elkarteak eta 6F plataformak deituta, 3.000 pertsonak manifestazioa egin dute gaur Iruñean. Nafarroako lehen sektorea "errespetatzeko" eskatu dute bertan.