Sindikatuak "pozik", Nafarroako Hezkuntza Publikoko grebaren jarraipenarekin
Nafarroako Hezkuntza Publikoan ordezkaritza duten sindikatu guztiek (Steilas, ANPE, AFAPNA, LAB, CCOO, ELA eta UGT) deitutako greba eguna Iruñeko erdiguneko kaleetan egin duten martxa batekin amaitu da. Alde soziala "oso pozik" agertu da hezkuntza komunitateak grebari egin dion jarraipenarekin.
Beatriz Martinez UGTko bozeramaileak martxaren hasieran jakinarazi duenez, gutxieneko zerbitzuetan ez zeudelako greba egin zezaketen hiru irakasletik bik bat egin dute grebarekin. Azaldu dutenez, ikastetxe batzuetan % 70etik gorakoa izan da jarraipena, eta beste batzuetan % 100era ere iritsi dira.
Hezkuntza Departamentuak, ordea, bestelako datuak eman ditu. Carlos Gimeno Hezkuntza kontseilariak esandakoaren arabera, % 26,5ekoa izan da jarraipena. Nafarroako Gobernuaren kontrol saioan izan da Gimeno eta EH Bilduko Eneka Maiz parlamentariaren galdera bati erantzunez, "sindikatuek espero ez zuten datua" dela, esan du.
Sindikatuon ustez, kalitatezko arreta emateko "ezinbestekoa" da taldeetako ikasle kopurua murriztea, irakasleen lan karga gutxitzea (burokrazia, bilerak, ebaluazioa, etab.). Halaber, salatu dutenez, irakasleen ezegonkortasunak ikasleen jarraipena eta eskolako funtzionamendua kaltetzen ditu. Horrez gain, urritutako erosahalmena berreskuratzea eskatu dute.
Goizean elkarretaratzea egin dute Iruñean, Hezkuntza Departamentuak hiriburuan duen egoitzaren aurrean. Bertan ohartarazi dutenez, "ezin dugu gehiago, hezkuntza publikoa zaintzeko baliabide gehiagoren zain gaude".
Lau zutabe osatuta, Txantreatik, Arrotxapeatik, Mendillorritik eta Barañaindik atera dira irakasleak, eta ordubete geroago heldu dira Hezkuntza Departamentuaren egoitzara. Jendetsua izan da bilkura, eta grebalari asko eta asko Santo Domingoko aldapan geratu behar izan dira.
Unai Alava (CCOO) eta Uxue Itoiz (ELA), hurrenez hurren, gazteleraz eta euskaraz azaldu dutenez, "bi ikasturte daramatzagu Hezkuntza Departamentuari arreta hobetzeko premiazko eskakizunak egiten. Hezkuntza publikoak bermeak eman behar ditu, eta ikasleen beharrizanei erantzun. Horretarako lan baldintza duinak behar ditugu".
Sindikatuon bozeramaileen ustez, elkarretaratzean bildutako jendetza "Hezkuntzan dagoen nahigabearen erakusle da, ozen ari gara esaten eta kontseilariak ez digu kasurik egiten".
Arratsaldean, berriz, manifestazioa egin dute, Iruñeko Gurutzeko plazatik abiatuta.
Gimeno: "Nafarroak eskola-uzte tasa txikiena du"
Carlos Gimeno Nafarroako Hezkuntza kontseilariaren iritziz, grebak hezkuntza publikoa kaltetzen du, eta irakasleen aldarrikapenek ez dute bat egiten egun duen egoerarekin. Izan ere, kontseilariak hainbat datu eman ditu Nafarroako Parlamentuan, sistemaren bikaintasunaren adibide edo. UPNk grebari buruz galdetuta, Gimenok erantzun du Foru erkidegoak Espainiako Estatuko eskola-uzte tasa txikiena duela, eta Nafarroako herritarrek gehien estimatzen duten hirugarren arlo dela.
"Egungo egoerak ez du 2012ko grebarekin zerikusirik. Lan aldarrikapenak gauza bat dira, eta bestea, Hezkuntzaren egoera", esan du. "Hezkuntza adierazleen Estatuko sistemaren datuen arabera, Nafarroa Espainiako bigarren erkidegoa da, 8,4ko puntuazioarekin. Batxilergoaren eta Lanbide Heziketaren izen-emate tasak Espainiako altuenak dira", defendatu du Gimenok.
Zure interesekoa izan daiteke
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.
Lan eskubideak arriskuan daudela ohartarazi du Anduezak, eta Euskadiko LEPetako euskara eskakizunak kritikatu ditu
PSE-EEko buruaren esanetan, langileak mehatxupean daude eskuin eta ultraeskuinaren eta nazioarteko gerren ondorioz, baita EAJk eta EH Bilduk enplegu publikoan dituzten politiken ondorioz ere.
Tubos Reunidoseko langile talde batek Amurrioko greba mugagabeari buruzko erreferenduma egitea eskatu du
Enpresa batzordeak deituta, martxoaren 15etik daude greba mugagabean Amurrioko lantegian. ELAk, LABek eta ESK-k babestu zuten lanuztea, eta CCOO eta UGT kontra agertu ziren. Azken horiek hasieratik eskatu dute grebari buruzko erabakia erreferendumean hartzea.
Behargin bat hil da Zamudion, lan-istripuz
Langileak 61 urte zituen. Ezbeharra ostegun goizean gertatu da, Ugaldeguren industrialdean, eta biktima bertan hil da, osasun-zerbitzuek esku hartu duten arren. ELAk lan-istripua salaktzeko elkarretaratzea deitu du maiatzaren 5erako.
AAk 2,3 milioi lanpostu suntsitu ditzake datorren hamarkadan Espainian
Bereziki enplegatu administrarien eta erdi-mailako zein goi-mailako teknikarien taldeei eragingo lieke. Hala ere, AAri lotutako 1,61 milioi lanpostu berri inguru sortuko lirateke eta, horrek, suntsitutako lanpostuen zati handi bat konpentsatuko luke.