Lapurdi

2024/10/23 - 09:35

Gizon bat atxilotu dute Angelun, 75 urteko emakume bati sexu erasoa egitea egotzita

Eraso matxista larunbatean jazo zen, ustezko erasotzaileak erosketa poltsak eramatea opatu zion emakumeari, autoz etxera lagundu, eta etxean bertan egin zion erasoa. Atxiloaldia egun batez luzatu diote gizon matxistari.

2024/10/21 - 15:50

Baiona natur hondamendi eremu izendatzea eskatu diote Frantziako Gobernuari

Joan den osteguneko euriteei itsasgora batu zitzaien ostiralean, eta Errobi eta Aturriko arroek ezin izan zioten eutsi emariari. Ondorioz, urak hartu zituen Baionako erdiguneko toki ugari, kalte handiak eraginez.

2024/10/20 - 11:56

Frantziak kontrolak indartuko ditu mugan azaroaren 1etik aurrera

Gipuzkoa, Nafarroa eta Iparraldearen arteko lurreko pasabideez gain, Hondarribia eta Hendaia arteko itsas zirkulazioari ere eragin diezaioke neurri berriak.

2024/10/18 - 22:52

Itsasgorak ibai bihurtu ditu Baionako kaleak

Osteguneko euriteei itsasgora batu zaie, eta Errobi eta Aturriko arroek ezin izan diote eutsi emariari. Ondorioz, urak bigarren egunez jarraian hartu ditu Baionako erdiguneko toki ugari, baita normalean ura iristen ez den eremuak ere.

2024/10/18 - 22:07

Urak Baiona erdialdea hartu du gaur ere

Atzoko prezipitazioengatik ibaiak oso hazita zihoazen, eta itsasgorarekin ezin izan diote eutsi horrenbesteko ur emariari. Erreketatik ez ezik, estoldetatik ere atera da ura.

2024/10/17 - 13:29

Baionako bestak uztailaren 9tik 13ra egingo dira 2025ean

Ferianteen eskariari erantzunez, Mont-de-Marsango eta Baionako gobernuek adostu dute bi bestak egun beretan ez izatea. 2026an, berriz, uztaileko hirugarren astean egingo dira festak Lapurdiko hiriburuan.

2024/10/14 - 08:58

25 graduko tenperatura maximoak ostegunera arte, Euskal Herri osoan

Aste hasieran, zeru estaliagoak izango ditugu, baina tenperaturak udaberri sasoikoak izango dira.

2024/10/11 - 08:44

Aurora borealek zerua argiztatu dute Euskal Herrian

Eskualde polarretan ohikoagoa den fenomeno elektromagnetikoa, besteak beste, Gasteizen, Hendaian, Karrantzan eta Ogoñon ikusi da.

2024/09/22 - 21:20

Itsasoa euskal kostaldea hartzen ari da klima-aldaketaren ondorioz?

Aztik euskal kostaldea kontrolatzen du. Horretarako, ekaitz eta korronteei aurre egiteko alerta sistemak erabiltzen ditu, eta epe luzera begira baliagarriak izan daitezkeen datuak biltzen ditu.

2024/09/19 - 19:00

Asteazkenekoak baino handiagoak izan arren, marea biziek ez dute aparteko arazorik sortu

Hala ere, urak hainbat kale hartu ditu, ur putzu handiak sortuz. Pasai Donibaneko hainbat lekutan ura sartu da, eta Zumaian, itsas goran, urak kirol portua hartu du. Nerbioi itsadarrak gainezka egin du Zorrotzaurren (Bilbo) eta Erandion.

2024/09/19 - 07:00

Gaur marea oso bizia espero da, eta abisu horia aktibatuko dute, 17:00etatik 20:00etara

Itsasgora 18:23an izango da, eta 5,12 metroko marea izango dugu orduan. Olatuen altuera adierazgarria 0,5-1 metro ingurukoa izango da.

2024/09/18 - 19:12

Itsasadarra gainezka egiteko zorian izan da Bilbon, eta itsasgorak ez du inolako arazorik sortu Donostian

Nerbioi itsasadarra gainezka egiteko zorian izan da, baina putzu txikiren bat baino ez du eragin Erandion eta Bizkaiko hiriburuan. Donostian, itsasgorak ez du inolako arazorik eragin, eta Gipuzkoako Foru Aldundiko suhiltzaileek ez dute irteerarik egin behar izan.

2024/09/18 - 14:58

Segurtasun Sailak ostiralera arte luzatu du marea biziengatik ezarritako abisu horia

Itsasaldeko arriskuagatik ezarritako abisu horia indarrean egongo da asteazken honetan, 17:00etatik 19:00etara. Aurreikuspenen arabera, marea oso bizia izango da, eta, beraz, itsasgoraren inguruan, mareek jotzen dituzten ohiko eremuetan, olatuak alde batera utzita.

2024/09/17 - 16:32

Marea biziengatik abisu horia ezarriko dute asteazken eta ostegunean EAEn

17:00ak eta 20:00ak bitartean itsasgora oso altuak espero dira. Mareen gehienezko altuera 5 metrorainokoa izan daiteke.

2024/09/16 - 23:23

100 urte bete ditu Larhungo trenak, nekazarien eta bisitarien elkarbizitza erronka duela

Ipar Euskal Herrian turista gehien erakartzen dituen atrakzioa da Larhungo trena. Inguruko erakundeek sektoreen arteko elkarbizitza sustatzeko ekimenak jarriko dituzte martxan.

2024/09/15 - 13:59

Aste eguzkitsu eta lehorra, aspaldiko partez

Baliteke asteazkenean tantaren bat erortzea, baina orokorrean eguzkia nagusituko da, ipar-ekialdeko haize freskoarekin.

2024/09/14 - 11:27

Udazkena astebete aurreratu da termometroetan

Pagoetan -0,2 ºC izan dira goizaldean, eta -0,1 ºC Iturrietan. Giro fresko eta eguzkitsua nagusituko da asteburu osoan.

2024/09/13 - 17:53

Marea bizi bereziki altuak iragarri ditu Aztik datorren asterako

Bizkaiko golkoa abisupean egongo da irailaren 17tik 20ra, 17:00ak eta 20:00ak bitartean.

2024/08/14 - 23:07

Baionako Ingurumen Auzitegiak Gatika-Bordele tentsio handiko linearen lanak gelditzea erabaki du

Landetan egiten ari ziren obrek itsasoko ugaztunei eragiten dietela salatu zuten elkarte ekologistek, eta epaileak arrazoi eman die. Beraz, lau hilabetez geldirik egon beharko dute lanek. Hala ere, erabakiak ez die Hego Euskal Herriko lanei eragiten.

2024/07/29 - 16:08

Alerta laranja indarrean da muturreko tenperaturengatik

Alerta 13:00etan sartu da indarrean Hego Euskal Herrian, 40 gradutik gertu ibiliko baitira tenperaturak. Kostaldean eta Iparraldean abisu horia izango da, baina horietan ere bero sapa izango da nagusi.