Manifestazioa deitu du Seaskak maiatzaren 23rako Baionan, agintariei sostengu irmoa eskatzeko
"Musika, jai-giroa, poza eta ikastolenganako atxikimendua aintziraren ertz guztietara" eramaten laguntzeagatik eskerrak emanez amaitu du Seaskak aurtengo Herri Urrats jaia. Beste behin ere, euskaltzaleek ez dute hutsik egin, eta milaka izan dira gaur, euri iragarpenei entzungor eginez, Iparraldeko ikastolen festaz gozatzera Euskal Herriko txoko guztietatik joan direnak.
Egunaren amaieran argitaratu duten ohar baten bitartez antolatzaileek adierazi dutenez, "elgarrekin ospatu dugu aurtengo besta, urteetan denon maitasunarekin eraiki dugun horri bultzada eman diogu, eta aurrerantzean ere elgarrekin eraikitzen jarraitzeko konpromisoa hartu".
"Mila esker bihotz-bihotzez gaur egun eder hau posible egin duzuen norbanako eta euskaltzale guztiei. Zuei esker egin dugu, eta hurrengo edizioetan ere zuei esker egingo dugu", gaineratu dute.
Goizean egunari emateko irekiera ekitaldian, hitzez harago, sostengu irmoa eta baliabideak eskatu dizkio Seaskak Frantziako Hezkuntza Ministerioari. Salatu dutenez, maiatzera iritsita, Frantziako Hezkuntza Ministerioak ez die zehaztasunik eman, eta ez dakite datorren ikasturtean zenbat ikasgela eta zenbat irakasle izan ahalko dituzten. Horregatik, manifestazioa deitu dute maiatzaren 23rako Baionan, eta ikasle, irakasle eta gurasoak "kaleak betetzera" deitu dituzte.
Egun osoan bezala irekiera ekitaldian ere, babes zabala jaso du Seaskak, bertan izan baitira Euskal Herri osoko euskalgintzako eta hezkuntzako ordezkariak, bai eta gizarte eta politika munduko ordezkariak ere.
Goizean eguraldiak eutsi badio ere, arratsaldean euria egin du, eta eguna zapuztu ez badu ere, antolatzaileek adierazi dutenez, nabaritu dute eguraldiagatik nahi baino euskaltzale gutxiago gerturatu direla Herri Urratsera.
Hori dela eta, Seaskari lagundu nahi duten guztiei sostengua emateko eskatu diete, "Seaskak eta Ipar Euskal Herrian murgiltze eredua bermatzen duten ikastolek aurrera egin dezaten".
Horretarako, ekarpen ekonomikoak egiteko bideak zabaldu dituzte. Honako hauek dira:
Caisse d'epargne: FR76 1333 5000 4008 9397 1116 819
Credit Mutuel: FR76 1027 8023 8500 0201 4340 107
Laboral Kutxa: ES87 3035 0059 8205 9073 1197
Kutxabank: ES98 2095 5045 8710 6117 7332
Laguntza, euskotan: 790 152 743
Bizum (Hego Euskal Herrian): Sartu bizumen, sartu dohaintzak egiteko atalera, idatzi 'HERRI URRATS' eta egin ekarpena. Txertatu beharreko kodea: 07508.
Zure interesekoa izan daiteke
EAEko 800 pazientek onartu dute itunpeko zentroetan ebakuntza egitea
Eusko Jaurlaritzak gutun bat igorri dio formalki Osasun Ministerioari, Esparru Estatutuaren eskumenen transferentzia aztertzeko bilera bat eskatzeko: “Ministerioak ezer egiten ez badu, eskumenen transferentziaren bidea aztertzeko eskatzen dugu, herritarren osasun-arreta defendatzeko beharrezkoak diren funtzioak erabat bete ahal izateko”.
Igorreko errugbi taldeko presidentea atxilotu dute, ordaindu ez duten Gabonetako loteriaren harira
Administrazio desleialaren delitu bat eta iruzur delitu bat leporatu dizkiote. Izan ere, Arratiko Zekorrak Rugby Taldeak 90693 zenbakiaren hainbat dezimo erosi zituen Gabonetako loterian jokatzeko, eta hirugarren sari bat egokitu zitzaion, baina klubak ez du diru nahikorik saria ordaintzeko, erositakoa baino gehiago saldu baitzuen partizipaziotan "akats baten ondorioz".
Maialen Mazonen familiaren abokatuak ebazpenaren balorazio"gazi-gozoa" egin du, epaimahaiak ez duelako onartu genero indarkeriaren astungarria
Maialen Mazonen hilketaren auziko epaimahaiak emandako ebazpenaren balorazioa egin du haren familiaren abokatuak. Virginia Urtaran abokatuak penaz hartu du epaimahaiak genero indarkeria astungarritzat hartu ez izana.
Prestaketak martxan Bilbon, maiatzaren 22-23ko asteburuan Europako errugbiko finalak hartzeko
Eusko Jaurlaritzak, Bizkaiko Foru Aldundiak eta Bilboko Udalak, kirol-ekitaldi hau bultzatu duten hiru erakundeek, ostiral honetan eman dute mugikortasun eta segurtasun operatiboaren berri.
Pertsona bat larri zauritu da Errekaleorren, okupazio saiakera baten ondorioz
Errekaleor Auzo Askea kolektiboak salatu duenez, dozenaka pertsona sartu ziren goizaldean auzora, makilekin, burdinekin eta harriekin eta hainbat etxebizitzari eraso egin zieten. Pertsona batzuk zauritu ziren, horietako bat larri, garezurra hautsita.
Aiaran 10.500 plakako eguzki-parke bat egiteko baimena eman du Jaurlaritzak
Aiarako Udala ez dago ados 10.500 modulu eta lurrazpiko ebakuazio-linea instalatzea aurreikusten duen parke hori eraikitzearekin. Enpresak 4,1 milioi euroko inbertsioa egingo omen du bertan.
Glutena izan dezaketela ez zenekien 10 produktu (batzuek harritu egingo zaituzte)
Zeliakoa bazara eta glutenik kontsumitu ezin baduzu, kontuz ibili glutena izan dezaketen eta egunero erabiltzen diren 10 produktuekin. EZE Euskadiko Zeliakoen Elkarteak zerrenda egiten lagundu digu, larunbatean (maiatzak 16) Zeliakiaren Nazioarteko Eguna dela eta.
Gorabeherak errepideetan, euriak eta ur putzuek baldintzatuta
Luizi bat gertatu da BI-631 errepidean, Bermeon, eta errei bat itxi dute. Bien bitartean, semaforoa jarri dute bidea txandaka emateko.
Albiste izango dira: Epaimahaiak errudun jo du Maialen Mazon hiltzeaz akusatutako gizona, Tubos Reunidoseko asanblada, abisu horia euriagatik eta krisia Nafarroako Gobernuan
Gaurkoan Orain-en albiste izango direnen laburpena, bi hitzetan.
Herri epaimahaiak errudun jo du Maialen Mazon hiltzeaz akusatutako gizonezkoa
Ebazpenean, ez dira frogatutzat eman defentsak aringarri gisa aurkeztutako argudioak. Hau da, hilketaren unean akusatua alkoholaren eraginpean zegoela edota buru nahasmendua izan zuela ezin dira frogatutzat eman, epaimahaiaren arabera.