Migrazioa, Albisteak, bideoak eta argazkiak migrazioari buruz |Orain

20241020223156_migratzaileak-kanaria-handian_

2024/10/21 - 00:33

Kaiuko batean zihoazen 231 pertsona erreskatatu dituzte Kanaria Uharteetan

Horietatik hamalau emakumeak dira eta hiru, adin txikikoak. Kanaria Handiko porturaino atoian eraman dute egurrezko ontzia eta han artatu dituzte erreskate taldeek eta osasun langileek. Aurten Kanaria Handiara ontzi bakarrean iritsi den pertsona kopuru handiena da.

2024/10/20 - 19:07

Migranteak Albaniara eramateko aukera ziurtatzeko araua onartzen saiatuko dira Italian astelehenean

Ministroen Kontseiluan saiatuko da lege dekretua onartzen, eta onartuz gero, biharamunean sartuko da indarrean. Horrela Erromako auzitegi batek jarritako trabei "irtenbide bat" eman nahi diete.

2024/10/20 - 11:56

Frantziak kontrolak indartuko ditu mugan azaroaren 1etik aurrera

Gipuzkoa, Nafarroa eta Iparraldearen arteko lurreko pasabideez gain, Hondarribia eta Hendaia arteko itsas zirkulazioari ere eragin diezaioke neurri berriak.

2024/10/19 - 17:37

Heldu dira Italiara Albaniara deportatutako 12 migratzaileak

Erabaki hori Erromako auzitegi batek Albanian migratzaileak preso hartzea legez kanpokoa dela jo ondoren etorri da. Ondorioz, migratzaileak Italiara itzultzeko agindua eman zuen, pertsona horien jatorrizko herrialdeak seguruak ez direla argudiatuz.

20241019161750_pasaia-elkarretaratzea-arrazakeria_

2024/10/19 - 16:23

Arrazakeriaren kontrako elkarretaratzea egin dute Pasaian, ''migrante ehiza'' salatzeko

Elkarretaratzea egin dute gaur Pasaian, arrazakeriaren kontra. Azken egunetan, hainbat gertakarik tentsioa areagotu dute, eta hainbat lagunek "migrante ehiza" salatu nahi izan dute. Pasaia herri integratzailea eta harrera herria dela adierazi dute herriko plazan.

2024/10/18 - 17:44

Italiako Justiziak bertan behera utzi du migratzaileak Albaniara deportatzeko plana

Albaniara bidalitako migratzaileak Italiara itzultzeko agindu du auzitegi batek. Italiako Gobernuak ziurtatu du aurrera jarraituko duela bere egitasmoarekin. "Epaileen erabakia aldez aurretik hartutakoa dela uste dut", kritikatu du Giorgia Meloni Italiako gobernuburu ultraeskuindarrak.

2024/10/17 - 20:56

27etako buruzagiek migrazio irregularrari aurre egiteko "formula berritzaileak" dituzte hizpide goi-bileran

Europar Batasuneko agintariak Bruselan bildu dira, besteak beste, migrazioaz hitz egiteko. Ursula Von der Leyen Europako Batzordeko presidenteak deportazioei buruz egindako proposamena ere mahai gainean izango dute.

2024/10/17 - 12:56

Albaniara deportatutako 16 migratzaileetatik lau Italiara itzuli dira, adingabeak eta zaurgarriak direlako

Lau pertsona horiek laster helduko dira Brindisira. Izan ere, akordioaren arabera, Albaniako lurraldean gaitutako bi zentroetara segurutzat jotzen diren herrialdeetatik joandakoak eta kalteberak ez diren gizonezko helduak atxiki ditzakete.

2024/10/17 - 11:02

Euskadiko biztanleriaren % 35,5ek ez du bere burua sinestuntzat hartzen

Ikuspegiren ikerketa baten arabera, fededunak ez diren pertsonen kopuruak nabarmen egin du gora, eta euskal herritarren erdiek baino gehiagok erlijio katolikoarekin bat egiten jarraitzen dute; erlijio minoritarioak, berriz, pixka bat hazi dira, % 7,3raino.

2024/10/16 - 19:29

''Kartzela baino, kontzentrazio-esparrua da''

Iñigo Mijangos SMHko koordinatzaileak migratzaileak Italiatik Albaniara eramatea gaitzetsi du. Uste du migratzaileen eta errefuxiatuen eskubideak arriskuan daudela.

2024/10/16 - 16:07

Schengjin eta Gjader: Honelakoak dira Italiak migratzaileentzako Albanian eraikitako zentro polemikoak

Italiako eta Albaniako gobernuek sinatutako akordio bat tarteko, Mediterraneo itsasoan erreskatatzen dituzten pertsona migratzaileak Schengjin eta Gjader udalerrietan eraikitako atxikitze-zentroetara eramango dituzte.

2024/10/16 - 12:05

Honelakoak dira Italiak pertsona migratzaileentzako Albanian eraiki dituen atxikitze zentroak

Italiako eta Albaniako gobernuek sinatutako akordioa dela eta, Mediterraneo itsasoan erreskatatzen dituzten pertsona migratzaileak Schengjin eta Gjader udalerrietan eraikitako atxikitze zentroetara eramango dituzte.

Durangoko Azoka Argazkia: Gerediaga Elkartea

2024/10/16 - 09:43

Albiste izango dira: Durangoko Azokaren aurkezpena, Von der Leyenen deportazio proposamena eta 'Koldo auzia'

Gaurkoan albiste izango direnen laburpena, bi hitzetan.

2024/10/16 - 07:00

Von der Leyenek Europa osora zabaldu nahi du eskuin muturraren migrazio politika

27ek mahaigainean dute Europako Batzordearen proposamena EBtik kanpo migratzaileak deportatzeko zentroak abian jartzeko, Italiak Albanian egin duen bezala. Horretarako, baina, EBren arauak aldatu beharko lirateke.

2024/10/15 - 21:24

Asteazkenean iritsiko dira lehen migratzaileak Italiak Albanian eraikitako zentroetara

Migratzaileak itsas armadako itsasontzi batetik jasoko dituzte nazioarteko uretan eta ez dute Italia zapalduko. Atxikipen-zentro bat da, eta migratzaileak ezingo dira bertatik irten. Instalazioa 5 metroko altuerako hormez inguratuta dago eta poliziak zaintzen du.

2024/10/15 - 18:27