'Aita Mari' prest da Mediterraneoko hamabosgarren erreskate misiora itsasoratzeko
Aita Mari erreskate-ontzia prest dago Mediterraneoko hamabosgarren misioa izango dena abiatzeko. Europako migrazio-itun berria ezarri aurreko azkena izango da gainera; "ontzi humanitarioen erreskate-lanak zigortzea eta kriminalizatzea ahalbidetuko duen ituna" indarrean sartu aurretik egingo duten azkena, alegia.
Itsas Salbamendu Humanitarioko (SMH) itsasontzia Valentziako portuan dago. Abenduaren 17an porturatu zenetik, mantentze eta prestaketa lanak egin ditu eta sentsibilizazio lanak egiten aritu da, berriro lanean hasi aurretik, gobernuz kanpoko erakundeak ohar baten bidez zabaldutakoaren arabera.
Gogorarazi duenez, Valentziako Gobernuak ontziari 80.000 euro eskatu zizkion aurretik ordaindu behar izan ez zituzten tasak ordaintzeko, azken urteotan Vinarosko eta Burrianako portuetan porturatzeagatik. Horren ostean, Aita Marik Valentzian porturatzea erabaki zuen, haren eskumena Estatuko Portuena delako eta haren araudiak laguntza humanitarioko itsasontziei tasak ordaintzetik salbuesten dituelako.
SMHren hitzetan, Bruselak dagoeneko ohartarazi dio Carlos Mazonen gobernuari erreskate-ontziei tasak atzera eraginez kobratzea "legez kanpokoa" izan litekeela, eta, gainera, "Botanic (PSPV-PSOE) garaian indarrean sartu zen araudia urratzen da", horren arabera laguntza humanitarioko ontzi guztiak tasak ordaintzetik salbuetsita baitzeuden Valentziako portuetan.
Gainera, kritikatu du EBko estatu kideek hirugarren herrialdeetan etorkinen "itzulera-zentroak" sortzeko ahalmena izan dezaketela, "Meloni ereduari jarraituz", Europako Batzordeak hala baimentzen badu. "Horrek asiloa eta babesa eskatzen duten pertsonen giza eskubideak etengabe urratzea ekarriko du", azpimarratu du SMHk.
Bestalde, gogora ekarri du kereila bat aurkeztu duela Burrianako (Castello) Voxen eta alderdi horretako Jesus Albiol zinegotzi eta diputatuaren aurka, kalumniak eta irainak egotzita. Izan ere, euskal erreskate-ontzia "beltz-tratularien ontzia" eta "pertsonekin trafikatzen duten mafien beharrezko laguntzailea" dela adierazi zuen.
Zure interesekoa izan daiteke
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.