Migrazioa
2024/12/11 - 14:16
Pradales Kanarietako presidentearekin bilduko da ostegunean, migrazioaren gaian jarrerak bateratzeko
Kanariak hegoaldeko muga diren bezala, Euskal Autonomia Erkidegoa aurrerantzean iparraldeko muga izatea eskatuko du lehendakariak datorren ostiralean egingo den autonomia erkidegoetako presidenteen konferentzian. Halaber, baliabide gehiago eskatuko ditu igarobidean dauden migratzaileak artatzeko.
2024/12/09 - 14:23
Atxilotu bat eta ikertu bat Hernanin, migratzaileekin pertsona trafikoa egitea leporatuta
Atxilotuak 11 pertsona zeramatzan furgoneta barruan, Portugalera bidean. Bidaiarietako bat ikertu gisa dago, taldearen ustezko arduraduna zelakoan.
2024/12/05 - 19:22
Bizkaiko Aldundiak migratzaile adingabeak ''modu ekitatiboan'' banatzeko aurrerapenak eskatu dizkio Estatuari
Leixuri Arrizabalagak kontingentzia plana "berriz diseinatzea" eskatu dio Espainiako Gobernuari, inoren kargura ez dauden adingabe migratzaileen banaketa "justua eta bidezkoa" egin ahal izateko, beharrei erantzun eta arreta eskaini ahal izateko, zerbitzu hobea eskainiz hala.
2024/12/05 - 17:57
Eusko Legebiltzarrak atzera bota du Aranako errefuxiatu-zentroaren egitasmoa gelditzeko PPren proposamena
Gasteizen errefuxiatuak hartzeko nazioarteko zentro bat sortzeko proiektua lizitatu zuen Espainiako Gobernuak iazko urtarrilean. Instalazioek 14,1 milioi euroko aurrekontua dute, eta Arabako hiriburuko Arana egoitza zaharrean kokatuko dira.
2024/12/05 - 17:38
Akordiorik gabe amaitu da Espainiako Gobernuak eta PPk adingabe migratzaileen harrerari buruz egindako bilera
Espainiako Gobernuak uste du irtenbidea Atzerritarrei buruzko Legearen 35. artikuluaren erreforma dela, autonomia-erkidegoek adingabe horiek hartu behar izan ditzaten; PPk, berriz, migrazio-politikari buruzko eztabaida sakonagoa mahai gainean jartzeko eskatu dio Gobernuari.
2024/12/03 - 22:52
Melgosa, etsita adin txikiko migratzaileei buruzko Ministerioaren politikarekin: "Ez dago ezer atzean"
Espainiako Gazteria eta Haurren Ministerioak bilera egin du arratsaldean autonomia erkidegoekin, adin txikiko migranteen harrerari eta banaketari buruz hitz egiteko. Euskal erakundeek kontingentzia plana eskatu dute, baina sailburuak salatu du "banaketa soilik" jarri dutela mahai gainean.
2024/12/03 - 15:00
Jaurlaritzak baliabide gehiago eskatuko ditu igarobidean dauden migratzaileak artatzeko
Espainiako Gazteria eta Haurren Ministerioak bilera egingo du arratsaldean autonomia erkidegoekin, adin txikiko migranteen harrerari eta banaketari buruz hitz egiteko. Nerea Melgosa sailburuak ez ezik, Arabako, Bizkaiko eta Gipuzkoako aldundiek parte hartuko dute.
2024/12/03 - 06:00
Hizkuntza harrera, euskarara aliatu berriak erakartzeko bide
Hizkuntza harrera egoki batek euskarara herritar gehiago batzeko bidea zabal dezake. Hor dute begirada jarrita erakundeek zein euskalgintzako herri mugimenduek. Errealitate soziodemografiko berria hizkuntzara aliatuak batzeko aukera gisa ikusten dute.
2024/12/03 - 06:00
Euskarara iristeko eta euskaraz jabetzeko bideak
Euskararen lurraldera iristen diren herritar etorri-berriei harrera linguistikoa ondo egitea ezinbestekoa da, hizkuntza biziberritzeko. Gaiaren garrantzia azpimarratu dute Laura Penagos aktore kolonbiarrak eta Idurre Eskisabel Euskalgintzaren Kontseiluaren idazkari nagusiak.
2024/11/29 - 17:56
Aita Marik Salernon lehorreratu ditu asteazkenean erreskatatutako 33 pertsonak
Pertsona horiek Libian muturreko egoerak bizi izan dituztela kontatu dute, itsasoan hainbat aldiz atzeman ondoren espetxeratzeak barne. Batzuek esan dute zazpi aldiz atxilotu dituztela, eta 2.000 dolar libiar ordaindu behar izan zituztela askatzeagatik.
2024/11/28 - 14:09
Bizkaiak larrialdi dispositibo bat aktibatu du, atzerritar adingabeen harrera sarea "kolapsatuta" baitago
Bidaiderik gabeko migratzaile gazteak etengabe heltzen ari direla eta (batez beste, hiru egunean), Aldundiaren arreta zentroak "muturreko egoeran" daude. Sarea arintzeko asmoz, urgentziazko dispositibo bat jarriko du martxan, berehala eta gutxienez urtebetez.
2024/11/28 - 11:14
Mexikorekin duen mugan harresi bat eraikitzen hasi da Texas
Donald Trump AEBko presidente hautatuaren gobernuak agiririk gabeko migratzaileak atxilotzeko zentro handi gisa erabiliko luke esparru hori, deportazio masiboak egiteko planarekin aurrera eginez.
2024/11/27 - 10:56
Aita Marik 33 pertsona erreskatatu ditu goizaldean Mediterraneo erdialdean
Erreskatatutako pertsona guztiak siriarrak dira, eta horien artean daude seniderik gabeko hiru adingabe bi emakume. Italiako agintariek Salerno portua izendatu dute lehorreratze puntu, eta, aurreikuspenen arabera, ostiral goizean iristea espero da.
2024/11/20 - 23:56
Aita Mari ontzia Catanian porturatu da, Mediterraneoan erreskatatutako 53 pertsonarekin
Lehorreratzean ez da gorabeherarik izan, eta egoera larrian dauden bi pertsonari eman zaie lehentasuna. Italiako agintariek aztertu egin dituzte.
2024/11/20 - 18:30
EAEk ez ditu emakumeen eta atzerritarren parte hartzea eta gaitasunak aprobetxatzen, txosten baten arabera
Orkestra-Lehiakortasunerako Euskal Institutuak (Deusto Fundazioa) Euskal Autonomia Erkidegoko Lehiakortasunari buruzko 2024ko Txostena aurkeztu du, Gasteizko Artium Museoan. Ikerlanak lehiakortasun inklusiboa sustatzeko beharra nabarmentzen du, ongizatea sortzeko.
2024/11/20 - 12:40
Bizileku-baimena lortzea amesgaizto bihurtzen da migratzaile askorentzat
Espainiako Gobernuak onartutako Atzerritarrei buruzko Araudi berriak urtean 300 000 pertsona erregularizatzea aurreikusten du. Paperak lortzea odisea bat da migratzaile gehienentzat. Euskadin bizi diren horietako batzuekin hitz egin dugu.
2024/11/20 - 12:16
Hauek dira atzerritarren araudi berriaren gakoak
Atzerritarren araudi berria onartuta, Espainiako Gobernuak urtean 300.000 pertsona erregularizatzea espero du. Araudiak bost finkatze mota ezartzen ditu, eta hainbat aldaketa horietako bakoitzean.
2024/11/19 - 23:47
Espainiako Gobernuak urtean 300.000 pertsona erregularizatzea espero du, atzerritarren araudi berria onartuta
Accem eta CEAR gobernuz kanpoko erakundeek txalotu egin dute erreforma, baina neurriak bisa humanitarioak jasotzea eskatu dute. Bestalde, ELA sindikatuak uste du erreformak "eskulan merkea" erraztu nahi duela.
2024/11/19 - 18:18
Aita Marik 53 pertsona erreskatatu ditu Mediterraneoan
Gehienak Eritreatik, Etiopiatik eta Hego Sudanetik etorritako gazteak eta adin txikikoak dira. Erreskatatuek deshidratazio, zorabio eta neke zantzu nabarmenak dituzte. Bronkitis kasu batzuk ere diagnostikatu dira.
2024/11/18 - 10:37
Gaur irekiko dute lehenengo Harreragunea, Bilbon, migratzaileen harrera bideratzeko asmoz
Euskal Autonomia Erkidegoko beste bi hiriburuetan eta 20.000 biztanletik gorako udalerrietan antzeko bulegoak irekitzeko asmoa dute erakundeek.