Paperik gabeko migratzailei dirua eta hegazkin txartelak eskaintzea proposatuko du Trumpek, AEBtik joateko
Ameriketako Estatu Batuetan paperik gabe dauden pertsona migratzaileei dirua eta hegazkin txartela eskaini, herrialdetik alde egin dezaten. "Autodeportazioa". Hitz hori erabili du Donald Trump AEBko presidente errepublikanoak bere azken proposamenaren berri emateko. "Autodeportazio programa bat jarri nahi dugu martxan, oraindik iragarri ez badugu ere (...). Diru pixka bat eta hegazkin txartela emango dizkiegu. Ondoren, eurekin lan egingo dugu, zintzoak badira, lehenbailehen itzuli daitezen", esan du Fox News katean.
Etxe Zurira bigarren aldiz iritsi zenetik, migrazioa izan da Trumpen jomuga nagusia. Migratzaileak modu masiboan deportatuko dituela agindu izan du behin eta berriz, eta horretarako hainbat neurri ere jarri ditu martxan. Besteak beste, kontrol militarrak indartu ditu Mexikoko mugan, eta atxiloketak eta kanporatzeak egiteko agindu ugari sinatu ditu.
Zentzu horretan, zeresan gehien eman duen neurrietako bat 200 preso venezuelar baino gehiago El Salvadorreko kartzela batera deportatzea izan da, Atzerriko Etsaien Lege polemikoa erabilita. Mugimendu hori egiteko, 1798ko lege bat atera zuen mahai gainera presidente estatubatuarrak, Bigarren Mundu Gerratik (1939-1945) inork aplikatu gabea. Lege horrek ahalbidetzen dio gobernuburuari terrorismo delitupean atxilotutako migratzaileak deportatzeko.
Asteon, bestalde, paperik gabe dauden migratzaileek gizarte segurantzak eskaintzen dituen laguntzak ez jasotzeko memorandum bat izenpetu du Trumpek. Testuak dio indartu egin behar direla neurriak, migratzaileek funts publikoen abantailak jaso ez ditzaten.
Alderdi Demokratak gogor kritikatu du azken neurri hori, eta esan du lehendik ere paperik gabeko pertsonek ezin zutela gizarte segurantzak eskaintzen dituen onurez gozatu. "Migratzaileak kriminalizatzeko beste saiakera bat", adierazi du Chuy Garcia kongresista demokratak.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.