Nbe Nazio Batuen Erakundea
2023/10/29 - 17:44
Elikagaiak, ura eta osasun materiala daramatzaten 34 kamioi sartu dira Gazako Zerrendara baina erregairik gabe
Kamioietan ez dago erregairik, Israelek ez baitu sartzen uzten, nahiz eta premiazko duten ospitaleek. Bestalde, UNRWAk salatu du milaka pertsonak arpilatu egin dutela Gazan duen janari biltegia.
2023/10/29 - 12:01
Milaka herritar NBEk Gazan dituen biltegietan sartu dira janaria eta edaria hartzera
Israelek Gazan ezarritako setioaren eta komunikazioen itxieraren eraginez, etsipena da nagusi herritarren artean. Irina eta jateko bestelako jakiak hartzera sartu dira UNRWAren biltegietan, NBEk berak baieztatu duenez.
2023/10/29 - 11:01
8.000 palestinar hil ditu Israelek, nazioartearen su-eten eskaera ozenari entzungor egiten dion bitartean
Israelek eraso gogorrak egiten jarraitzen du, Hamasen kontrako gerraren "bigarren fasea" abiatuta; azken orduetan Hamasen 450 helburu suntsitu dituela ziurtatu du. Gainera, Israelek gutxienez hiru palestinar hil ditu azken orduetan Zisjordania okupatuan.
2023/10/29 - 10:15
Eusko Jaurlaritza NBEren Zaintzagatiko Aliantza Globalean sartu da
Nazio Batuen Erakundearen arabera, emakumeek egiten dute ordaindu gabeko zaintzen % 76. Horren harira, euskal sindikatuek greba orokorra deitu dute zaintza sistema publikoaren alde azaroaren 30erako.
2023/10/28 - 23:10
Bigarren faseari ekin eta ultimatuma eman die Israelek Gaza iparraldeko herritarrei, hegoaldera joan daitezen
Netanyahuk jakinarazi du "lurreko inbasioa areagotzeko" agindu duela, eta gerra "gogorra eta luzea" izango dela iragarri du. Gazatarrak guztiz inkomunikatuta daude, Internetik eta komunikaziorik gabe.
2023/10/28 - 14:02
Laguntza humanitarioa daramaten kamioi gehiago sartuko dira gaur Gaza hegoaldean, Israelen arabera
Atzotik etenda dago komunikazio oro Gazako Zerrendan, eta horrek are gehiago zaildu ditu laguntza humanitarioko lanak, NBEk eta beste erakunde batzuek salatu dutenez.
2023/10/28 - 12:33
Israelek erasoak areagotu ditu Gazan, lurrez eta airez, eta bertako komunikazio guztiak eten
NBEk eta gobernuz kanpoko erakunde batzuek salatu dutenez, laguntza humanitarioa egiten ari diren agentziekin kontaktua galdu dute, Tel Avivek Internet zerbitzua eten duela eta.
2023/10/25 - 19:03
NBEko ordezkariei bisa ukatzea erabaki du Israelek, Guterresen atzoko adierazpenengatik
"Hamasen erasoak ez dira hutsetik sortu. Palestinako herriak azken 56 urteotan okupazio itogarria pairatu du", esan zuen atzo NBEko idazkari nagusiak.
2023/10/23 - 18:37
5.000tik gora dira Israelen bonbardaketen ondorioz Gazan hildakoak
Hildakoetatik, % 40 haurrak dira eta % 22 adinekoak. Israelen, berriz, Hamasen erasoek 1.400 hildako inguru utzi dituzte, eta 220 pertsona bahituta daude.
2023/10/22 - 22:39
Hamasek bahitutakoen senideak Genevan egon dira, Nazio Batuen inplikazioa eskatzeko
Azken egunotan, Hamasek bahitutakoak aske uztea eskatzeko hainbat elkarretaratze izan dira, Israelen batik bat. Gaur, bahitutakoen senideak Genevan egon dira, NBEk Europan duen egoitzaren aurrean, eta babes handiagoa eskatu diote bahitutako 212 senideak aska ditzaten.
2023/10/20 - 21:44
Bidenek iragarri du asteburu honetan sartuko dela laguntza humanitarioa Gazara
Israelgo eta Egiptoko agintariek Rafahko pasabidea zabaltzeko "konpromisoa" agertu diotela ziurtatu du AEBko presidenteak. "Datozen 24-48 orduotan 20 kamioi sartuko direla uste dut", esan du.
2023/10/17 - 13:32
Israelen blokeoak aurrekaririk gabeko krisi humanitarioa eragin du Gazan
Nazio Batuen Erakundeak laguntza humanitarioa koordinatzeko duen bulegoak esan du premiazkoa dela eremura ura eta erregaia sartzeko baimena ematea. "Ospitaleak kolapsotik gertu daude", nabarmendu dute. Bien bitartean, laguntza daramaten ehunka kamioi ez atzera ez aurrera daude mugan.
2023/10/16 - 21:03
NBEk ikerketa zabaldu du Hamasen eta Israelen ekintzak gerra krimenak diren argitzeko
Navy Pillay NBEko goi mandatariak esan duenez, "urriaren 7tik hona aurrekaririk gabeko sarraskiak ikusi ditugu" eta horiek ikertzea "premiazkoa" da.
2023/10/14 - 20:52
Israelgo Armada Gazako Zerrenda osoari erasotzeko prestatzen ari da
Israelek herritarrei Gaza iparraldetik joateko eman dien ultimatuma amaitu ostean, Israelgo Defentsa Indarrek ziurtatu dute prestatzen ari direla lurretik, itsasotik eta airetik erasoaldi handi bat egiteko.
2023/10/14 - 10:01
Gazako egoera humanitarioa gero eta zailagoa da Israelen balizko inbasioaren atarian
NBEren arabera, "ezinezkoa" da ultimatuma betetzea. Israelgo soldaduek lehen erasoaldiak egin dituzte Gazan, inbasioaren atarian.
2023/10/12 - 10:57
NBEko Segurtasun Kontseiluak Israelen eta Palestinaren arteko gatazka berriro aztertuko du bihar
Joan den igandean egin zen gatazkari buruzko larrialdiko lehen bilera, ateak itxita. Bilera berria Euskal Herriko 19:00etan izango da, baina formatua ez dute zehaztu.
2023/10/11 - 00:52
Israelek "mugarik gabeko erasoaldia" iragarri du Gazaren aurka
"Murrizketa guztiak kendu ditut. Gure aurka egiten duen edonor hil egingo da. Baliabide guztiak erabiliko ditugu horretarako", esan du Israelgo Defentsa ministroak. Bi aldeetan hildakoak dagoeneko 1.800 baino gehiago dira.
2023/10/10 - 14:31
Nazioarteko Zuzenbide Humanitarioak Gazaren "erabateko blokeoa" debekatzen duela nabarmendu du NBEk
Nazio Batuen Erakundeko Giza Eskubideen goi mandatariaren arabera, blokeoa ikuspuntu militarretik justifikatuta ez badago, zibilei oinarrizko ondasunak bermatu eta gatazka eremuetatik irteten utzi behar zaie.
2023/10/09 - 11:31
NBEko Segurtasun Kontseiluak ez du agiri bateraturik adostu Israelen eta Hamasen arteko gerrari buruz
Ateak itxita egindako bileran, Kontseiluko 15 kideek diplomazia bideei heltzearen garrantzia nabarmendu dute indarkeria eteteko bide gisa.
2023/10/09 - 01:13
Palestinak gatazkaren "erroei" heltzea eskatu du, eta Israelek "gerra krimentzat" jo ditu erasoak
Bi herrialdeetako enbaxadoreek adierazpenak egin dituzte NBEko Segurtasun Kontseiluak igande honetan ateak itxita egindako premiazko bileraren aurretik.