Osasunbidea
2021/07/25 - 11:38
Positibo berriak 363ra jaitsi dira Nafarroan, baina bi emakume hil dira
Gainera, azken 24 orduetan 11 ospitaleratze izan dira, horietako lau ZIUn. Guztira, 84 pertsona daude ospitalean, horietatik 14 ZIUn.
2021/07/24 - 15:01
EAEko positiboak 1.638ra jaitsi dira, baina ospitaleratzeek areagotzen jarraitzen dute
Azken 24 orduetan 61 gaixo ospitaleratu dituzte Euskal Autonomia Erkidegoko osasun zentroetan, bezperan baino 14 gehiago. Ingresatutakoen 52 ZIUn daude, pronostiko larriarekin.
2021/07/24 - 11:32
Nafarroak 441 positibo berri zenbatu ditu, eta bost egun daramatza 400 kasutik jaitsi ezinda
Foru Erkidegoko ospitaleetan 76 gaixo daude ingresatuta, horietako 12 Zaintza Intentsiboetako Unitateetan.
2021/07/23 - 16:08
Bi pertsona hil dira covid-19ak jota Nafarroan
Horrez gain, gora egin dute ospitaleratzeek, eta bi pertsona gehiago dituzte orain ZIUetan.
2021/07/23 - 15:52
Miren Basaras: "Denok jarri behar dugu geure aldetik, hau luzerako da, ez da kurba jaistearekin amaituko"
EHUko mikrobiologoak dioenez, kutsatzeak geldiaraztea beharrezkoa da, izan ere, "trasmisioa zenbat eta altuagoa izan, aukera gehiago ematen diogu birusari aldatzeko".
2021/07/23 - 15:22
Nafarroako Auzitegi Nagusiak onartu egin du asteburuetan eta jaiegunetan etxeratzeko agindua
Mugikortasuna murriztuta egongo da, 01:00a eta 06:00ak bitartean, covid-19aren eragin handia duten udalerrietan.
2021/07/23 - 14:28
Kutsatzeek puztuta jarraitzen dute EAEn, eta hazi egin da ospitaleetako okupazio maila
1.769 positibo berri zenbatu dira, bezperako errekorraren ondotik bigarren datu altuena. Erietxeetako egoera ere gehiago kaskartu da, eta gora egin dute ospitaleratzeek (47, aurrekoan baino 18 gehiago) eta ZIUetan dauden gaixo kopuruak (50 dira dagoeneko, bi gehiago).
2021/07/22 - 22:05
Sagarduik ohartarazi du aldaerek ez ezik neurrien "erlaxazioak" ere duela eragina kasuen gorakadan
Delta aldaerak kutsatu ditu EAEn positibo eman duten kasuen % 70 eta % 75 artean, baina kutsatzeen gorakada aldaerekin ez ezik neurrien lasaitzearekin ere lotuta dagoela azpimarratu du sailburuak.
2021/07/22 - 19:48
Jarrai ezazu lehendakariaren agerraldia, zuzenean, LABIren bileraren ostean
Iñigo Urkullu lehendakariaren prentsaurrekoa, LABIk ostegun honetan, uztailak 22, onartutako neurrien berri emateko.
2021/07/22 - 19:13
Asteburuetan eta jaiegunetan etxeratzeko agindua ezartzeko baimena eskatu du Nafarroako Gobernuak
Asmoa da gauean izan daitezkeen topaketak eta ospakizunak saihestea, bi astean 250 kasu baino gehiago edo astebetean 125 kasu baino gehiago atzematen dituzten udalerrietan. Agindua uztailaren 24tik 28ra bitartean indarrean egotea espero du Foru Gobernuak.
2021/07/22 - 15:11
Beste errekor bat EAEko kutsatzeetan: 1.801 kasu berri, horietatik 1.078 Bizkaian
Datuek txarrera egin dute hiru lurraldeetan, baina Bizkaian dago egoerarik larriena, 205 kasuko igoerarekin.
2021/07/22 - 10:22
Kutsatzeak apur bat jaitsi dira Nafarroan, baina ospitaleratzeak areagotu egin dira
Zenbatutako 434 kasuetatik 126 Iruñeari dagozkio, eta Txantrea eta II. Zabalgunea auzoak dira kaltetuenak, 18 eta 17 positibo atzeman baitituzte bertan, hurrenez hurren. Lizarran 19 kutsatze izan dira.
2021/07/21 - 14:56
Pandemiako positibo kopuru altuena atzeman du EAEk: 1.583 kasu
Azken astean lau pertsona hil dira covid-19ak jota. Horrez gain, azken 14 egunetako intzidentzia-tasa metatuak goraka jarraitzen du, eta 100.000 biztanleko 600eko langa igaro du jada.
2021/07/21 - 14:20
Hirugarren egunez jarraian, gora egin dute kutsatzeek Nafarroan
459 positibo berri atzeman dituzte, bezperan baino 20 gehiago. Gauerditik indarrean daude kanpoaldean 10 pertsona baino gehiago biltzeko debekua eta herri bazkariak, kalejirak eta entzierroak galarazten duena.
2021/07/20 - 18:48
Nafarroako Gobernuak berriro eskatuko dio Justiziari etxeratze-agindua onar dezala
Beste Foru Agindu bat aterako du Exekutiboak, Nafarroako Justizia Auzitegi Nagusiak lehen eskaera baztertu eta gero.
2021/07/20 - 17:42
Nafarroako Auzitegi Nagusiak etxeratze agindua ezartzea baztertu du
Nafarroako Gobernuak etxeratze agindua ezarri nahi zuen gauerditik aurrera, koronabirus kasu gehien dituzten udalerrietan.
2021/07/20 - 15:28
Beste 1.314 positibo atzeman dituzte EAEn, eta 48 gaixo gehiago ospitaleratu dituzte
Bezperan baino 211 positibo gehiago erregistratu dituzte Euskadin. Positibotasuna apur bat jaitsi da, % 11n kokatuz, eta ZIUn 44 gaixo kritiko daude, aurreko egunean baino bi gehiago.
2021/07/20 - 13:11
Gazteak modu orokortuan txertatzen hasi dira EAEn
Prozesua berrantolatzearen ondorioz, Bilboko Casilla pabiloiko txertaketa-guneak ez zituen ateak ireki larunbatean, eta Illunben ez dute txertorik jarri astelehen honetan.
2021/07/20 - 10:26
Kutsatzeek gora egin dute berriro Nafarroan, 400eko langa igarota
Espainiako Estatuan pilatutako tasa handienetakoa du Foru Erkidegoak: 892 kasu 100.000 biztanleko.
2021/07/20 - 09:50
Nafarroako Gobernua epaileen oniritziaren zain, etxeratzeko agindua ezartzeko
Positibotasun-tasa altua duten udalerrietan, neurria aste honetan ezar liteke, epaileek ontzat ematen badituzte Chiviteren Gobernuak Nafarroako Justizia Auzitegi Nagusiari igorri dizkion neurriak.