Kataluniako prozesuaren epaiketa
2023/11/15 - 18:42
Sanchezek amnistia babestu eta elkarrizketaren, barkamenaren eta elkar ulertzearen alde egin du
Hautagai sozialistak Espainiako egoera politikoaren azterketa sakona egin du hitzaldiaren lehen minutuetan, eta Alderdi Popularra eta Vox gogor kritikatu ditu. Era berean, proposamen sorta iragarri eta amnistia legeari babes osoa eman dio.
2023/11/15 - 12:00
Espainiarekin amnistia legea "ahal bezain laster" aztertze aldera bilera egiteko prest agertu da Brusela
Didier Reynders Europako Justizia komisarioak baieztatu duenez, atzo jaso zuten testua. Behin hura aztertuta, Bolaños ministroarekin bilduko dira. Halaber, argi utzi nahi izan du duela astebete informazioa eskatu zuenean ez zegoela "kezkatuta".
2023/11/14 - 19:45
Eusko Jaurlaritzak dio amnistia "salbuespenezko" tresna dela gatazka "konponezin" bihur ez dadin
Bingen Zupiria Eusko Jaurlaritzako bozeramailearen esanetan, Kataluniako gatazkak "elkar ulertzea" behar du, eta hori da lege honek lortu nahi duen xedea, nahiz eta, gogorarazi duenez, Kongresuan gehiengo osoaren babesa jaso beharko duen onartua izateko.
2023/11/14 - 15:19
Eusko Jaurlaritzaren ustez, amnistiak Kataluniako gizartearen zauriak “gaiztotzea” saihesteko helburua du
Eusko Jaurlaritzaren ustez, PSOEk atzo erregistratu zuen amnistiari buruzko lege-proposamena "ezohiko" tresna bat da, Katalunian "ezohiko" egoera sozial eta politikoak konpontzeko bidea eman dezakeena.
2023/11/14 - 15:17
Senatuaren araudiaren erreforma onartu dute, amnistiaren legearen tramitazioa atzeratzeko asmoarekin
PPk proposatu du erreforma. Horren helburua da Senatuari —gehiengo osoa dute popularrek— ahalmena ematea lege proposamenak (besteak beste, amnistiaren legea) premiazko prozeduraz izapidetuko diren ala ez erabakitzeko.
2023/11/14 - 10:21
Amnistia legearen aurka zenbait epailek egindako presioa "lekuz kanpo" dago, Lander Martinezen ustez
Sumarren diputatua "kezkatuta" agertu da legearen kontrako protestetan "bestearekiko gorrotoa" atzeman daitekeelako. Nabarmendu duenez, denek dute iritzia emateko eskubidea, baina "garrantzitsua da herriaren borondatea errespetatzea".
2023/11/13 - 23:30
1.200 ultraeskuindar inguru bildu dira Ferrazen, amnistiaren aurkako protesten hamaikagarren egunean
Vox alderdiko hainbat buruzagi bertaratu dira, tartean Santiago Abascal, Tucker Carlson Fox Newseko aurkezle ohiarekin batera. Ultraeskuineko alderdiak X sare sozialaren bidez deitu du protesta, mezu honekin: "PSOE estatu-kolpea ematen ari da. Ferrazen ikusiko dugu elkar".
2023/11/13 - 21:27
Bolañosek amnistia legeak ''zauriak itxiko'' dituela dio, eta ''gatazka behingoz'' gainditzea duela helburu
Jarduneko Presidentetza ministroak azpimarratu duenez, amnistia legearen proposamena "erabat konstituzionala" da, bai edukiari dagokionez, bai helburuari dagokionez, "inolako zalantzarik gabe".
2023/11/13 - 19:07
Amnistia lege-proposamenaren gakoak: onuradunak, kanpo geratu direnak, justifikazioa eta konstituzionaltasuna
Legeak 16 artikulu eta 22 orrialde ditu, eta horien erdiek zioen azalpena biltzen dute. Legearen beharra eta konstituzionaltasuna nabarmentzen dira, botereen banaketari eragiten ez diola baieztatuz, eta berdintasun- eta proportzionaltasun-printzipioa errespetatzen dela azpimarratzen da.
2023/11/13 - 17:33
PSOEk bakarrik aurkeztu du amnistiaren legea, inbestidurako bazkideen sinadurarik gabe
Sozialistek lege-proposamena premiazko prozeduraz izapidetzea eskatu dute, hau da, epeak erdira murriztea, eta horrek onartutako testua hilabete baino lehen Senatura igortzea ahalbidetu lezake. Lege-proposamenak ez dio inolako aipamenik egiten 'lawfare'ari.
2023/11/13 - 15:52
Auzitegi Gorenak "botereen banaketa erabat errespetatzea" eskatu du
Berariaz adierazten du "bateraezina dela independentzia judiziala eta Estatuko beste botere batzuek jurisdikzio-lana fiskalizatzea edo gainbegiratzea".
2023/11/13 - 13:11
PSOEren amnistia legea Europako Parlamentuan eztabaidatuko dute datorren astean
Osoko bilkuraren behin betiko agenda ez dute iragarriko ostegunera arte, Europako Ganberako Presidenteen Konferentziaren ostean. Bilera horretan, eztabaida horretarako eguna eta ordua zehaztuko dituzte.
2023/11/12 - 19:38
Juntseko militanteen % 86k berretsi dute PSOErekin egindako akordioa
Parte-hartzea % 67koa izan da, boto-emaileen % 13,3k aurka bozkatu dute eta soilik % 0,01ek eman dute boto zuria.
2023/11/10 - 09:49
Epaileen eta fiskalen oharra PSOE-Junts itunaren aurrean: "Demokrazia hausteko arrisku argia dago"
PSOEk erantzun du Juntsekin egindako akordioak ez duela bilatzen epaileak "fiskalizatzea" eta euren ebazpenak berrikustea.
2023/11/09 - 17:59
PSOE eta Juntsen arteko akordioak "egonkortasuna" emango dio legegintzaldiari, Santos Cerdanen aburuz
PSOEko Antolakuntza idazkariak zehaztu duenez, Amnistia Legeari buruzko akordioak process delakoarekin lotutako 2012tik 2023ra bitarteko kasuak hartzen ditu.
2023/11/09 - 17:45
Puigdemont: "Aro berri batean sartu gara"
Kataluniako Generalitateko presidentearen arabera, PSOErekin lortutako akordioaren inguruan egiten diren aurrerapenek baldintzatuko dute legealdiaren "egonkortasuna".
2023/11/09 - 09:16
PSOEk eta Juntsek inbestidurarako akordioa itxi dute
Negoziazioko iturriek jakinarazi dutenez, gaur bertan emango dute itunaren berri. PSOEk agerraldia egingo du 12:00etan, Bruselan.
2023/11/08 - 23:29
Bruselak amnistiaren legeari buruzko informazioa eskatu dio Pedro Sanchezen jarduneko gobernuari
Espainiako Presidentetzako ministro Felix Bolañosek gutun bat bidali dio Didier Reynders Europako Justizia komisarioari, eta idatzi horren bidez jakinarazi dio Kongresuan amnistiaren lege proposamena onartzen bada, horren gaineko xehetasun guztiak emango dizkiola.
2023/11/08 - 21:10
Senatuak Erregelamenduaren tramitazio espres bat onartu du amnistia moteltzeko
Proposamena aurrera atera da 145 aldeko botorekin eta kontrako 113rekin. Hala, Erregelamenduaren 133. artikulua aldatzeak aukera ematen dio Mahaiari lege-proposamenetan presazko prozedura aplikatu ala ez erabakitzeko.
2023/11/08 - 14:59
Amnistia atzeratzeko asmoz, PPk osoko bilkurara eraman du gaur Senatuaren araudia erreformatzeko eztabaida
'Popularrek' Goi Ganberan duten gehiengo osoa baliatu dute izapideak azkartu eta erreforma Kongresuak balizko amnistia legea onartu baino lehen prest egoteko.