Amnistia legearen aurka zenbait epailek egindako presioa "lekuz kanpo" dago, Lander Martinezen ustez
Lander Martinez Sumarren diputatuak balekotzat jo du amnistia legea kritikatzea eta norberak bere iritzi politikoa adieraztea, baina uste du ez dela onargarria "neurrigabeko presioa egitea, batzuetan legitimoa ez dena". Horren ildoan, esan du "arlo juridikotik" egindako presioa "lekuz kanpo" egon dela batzuetan.
PSOEk amnistia legearen testua Kongresuan aurkeztu eta biharamunean, Radio Euskadiko "Boulevard" saioan izan da Martinez. Elkarrizketan luze eta zabal mintzatu da lege proposamenari eta eskuinaren erreakzioari buruz. Bizkaiko diputatuaren ustez, "kezkagarriak" dira kalean izaten ari diren protestak, eta "gorrotoa" dariela erantsi du: "Bestearekiko gorrotoa, aniztasunaren edo eurek bezala pentsatzen ez duten horien kontrako gorrotoa". Nabarmendu duenez, "ondo dago amnistia legea kritikatzea, baina garrantzitsua da herriaren borondatea errespetatzea". Izan ere, horren esanetan, "gobernua osatzeko ahalmena izan duen gehiengoa baztertzen ari dira".
Sumarrek lege proposamena sinatu ez duela eta, azaldu du, beste talde batzuek izenpetuko ez zutela ikusita, "agerian" geratu zela Yolanda Diazen alderdiak ere ez zuela egin behar. Esan du eurek "beti" defendatu dutela amnistia eta Kataluniako gatazka epaitegietatik kanpo uzteko "erreminta politikoak".
Azkenik, EAEko politikagintza hizpide hartuta eta Miren Gorrotxategik lehendakari izateko hautagaitza aurkezteko asmoa iragarri berritan, Martinezek ez du "izenen inguruan" hitz egin nahi izan. Azaldu duenez, aurrena "proiektu politikoa" zehaztu behar da, eta, horretarako, "EAEko hauteskundeetara nola aurkeztuko garen eta, Estatuan egin den bezala, Euskadiko espazio politikoa nola berrantolatzen den negoziatu behar da".
Prozesu horretan Sumarrek "paper garrantzitsua" izan behar duela uste du Martinezek, "Estatuan duen trakziorako ahalmenari jarraiki", baina aitortu du "Euskadiko indar politikoak eta horien banaketa" ere kontuan hartu behar dela. "Hautagaitza aurrerakoi eta bateratu bat sortzeko elkarrizketa arrazoizko bat izan behar dugu, denak asebeteko gaituena", azaldu du.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.