Epaileen eta fiskalen oharra PSOE-Junts itunaren aurrean: "Demokrazia hausteko arrisku argia dago"
Epaile eta fiskalen elkarte batzuek "kezka handia" agertu dute PSOEk eta Juntsek Pedro Sanchez Espainiako Gobernuko presidente izendatzeko akordioaren aurrean, "demokrazia hausteko arrisku argia" dagoela iritzita.
Francisco de Vitoria Elkarte Judizialetik, Sergio Oliva batzorde nazionaleko kideak esan du "akordioaren zati batek asko kezkatzen" duela.
"Itunaren arabera, Diputatuen Kongresuan ikerketa batzordeak sortuko dira epaileek eta segurtasun indarrek alderdi independentisten aurrean manipulazioa erabili ote duten zehazteko", adierazi du.
Olivak azpimarratu duenez, "epaileek Espainian azken urteotan egin duten bakarra legea zorrotz betetzea izan da". "Hori da bekatua", gaineratu du Europa Press albiste-agentziak zabaldutako adierazpenetan.
Hala, botereen banaketa eta independentzia judiziala errespetatzea eskatu du, une "oso kritikoan" daudelako, "demokrazia hausteko arrisku argiarekin".
Horren harira, Salvador Viada Fiskalen Elkarte Profesional eta Independentearen ordezkariak uste du akordioa "oso larria" dela, eta "eredu konstituzionalaren aldaketa" eragingo duela, independentisten helburuak negoziazio bidez lortzeko aukera aitortzen delako bitartekari baten parte-hartzea ere onartuta.
Viadaren esanetan, adostutakoa "kolpea" da "Espainiako sistema konstituzionalarentzat", eta amnistia legea "PSOEk eta Juntsek nahi duten erregimen politikoaren aldaketaren ondorio logikoa da".
PSOEren erantzuna
PSOEk erantzun du Juntsekin egindako akordioak ez duela bilatzen epaileak "fiskalizatzea" eta euren ebazpenak berrikustea.
Azaldu duenez, "datorren legegintzaldian osatuko diren ikerketa batzordeen ondorioak" aipatzen dituztenean, Kongresuko mahaia izendatzeko Juntsekin eta ERCrekin itundutako batzordeez ari da.
Iturri sozialistek zehaztu dute batzorde horiek Katalunia Operazioari buruz 2023ko martxoaren 28an sortu zen ikerketa batzordea berpiztea eta Pegasusi buruzko beste bat sortzea ekarriko dutela.
"Ondorioz, Parlamentuak ez du inola ere ebazpen edo erabaki judizialik berrikusiko. Parlamentuak ez ditu epaileak fiskalizatuko. Hori ez da adostutakoa, eta ezin zen halakorik adostu", berretsi dute.
Zure interesekoa izan daiteke
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.