PSOEk eta Juntsek akordioa itxi dute, "aro berria" hasi eta Kataluniako "gatazka historikoa" konpontzeko
Pedro Sanchezen inbestidurari begira PSOEk eta Juntsek lorturiko akordioak bere baitan jasotzen ditu, besteak beste, amnistia legea onartzea eta nazioarteko mekanismo bat sortzea irekitako negoziazio prozesua jarraitzeko eta lorturiko akordioak egiaztatzeko. Amnistia legeak lawfarea, Kataluniako prozesuaren judizializazioari lotutako zenbait auzi, ere bere baitan hartuko ditu.
PSOEko Antolamendu idazkari eta sozialisten aldetik negoziazioen buru izan den Santos Cerdanek eta Jordi Turull Juntseko idazkari nagusiak sinatu dute gaur goizean akordioa Bruselan.
Hedabideetara zabaldutako testuaren arabera, PSOEk eta Juntsek akordioa itxi dute "aro berri bat" irekitzeko, Kataluniako "gatazka historikoa" konpontzen laguntzeko, horretarako dinamika bat garatzeko eta datorren legegintzaldian gobernagarritasuna bermatzen ahalegintzeko.
Amnistia legea izan da adostasuna lortzeko oztopo nagusia, bi alderdiek akordioan nabarmendu dutenez, puntu "ezinbestekoa" normaltasun "politiko, instituzionala eta soziala" eskuratzeko eta "etorkizun hurbileko erronkei heltzeko". Amnistia legeak bere baitan hartuko ditu Kataluniako 2014ko kontsultaren eta 2017ko erreferendumaren aurretik eta ondoren abiatutako auzi judizialetan nahastutako arduradunak eta herritarrak.
Akordioaren arabera, amnistia legeak Juntsek aldarrikatu izan duen lawfarea, Kataluniako prozesuaren judizializazioari lotutako zenbait auzi, ere bere baitan hartuko ditu. Era berean, hurrengo legegintzaldian ikerketa batzordeak sortuko dira eta lawfare delakoa kontuan hartuko da legea aplikatzerakoan, horrek eragin ditzakeen ondorioekin.
Hain zuzen ere, Juntsen eskakizunetako bat izan da amnistia legea zabaltzea Kataluniako prozesuaren judizializazioari lotutako zenbait auzitara. Horrek mesede egingo lieke Laura Borras Juntseko presidenteari edota Jose Luis Alay Carles Puigdemonten bulegoko buruari, besteak beste.
Akordioak akordio, alde bakoitzak bereari eusten dio. Juntsek Kataluniaren etorkizun politikoari buruzko autodeterminazio erreferenduma egitea proposatuko du, Espainiako Konstitutzioaren 92. artikulua aintzat hartuta. PSOEk, ordea, 2006ko Kataluniako Estatutuaren "garapen zabala" defendatuko du.
Halaber, Juntsen ustez, 2017ko urriaren 1eko erreferendumaren emaitza eta agindua "zilegi" da eta PSOEk, aldiz, aldebakarreko bidea errefusatu du. Dena dela, PSOEk eta Juntsek argi utzi nahi izan dutela posible dela akordio garrantzitsuak lortzea "bakoitzaren jarrerari uko egin gabe".
Zure interesekoa izan daiteke
Torresek "diskriminazioak" iragarri ditu "parte hartu nahi ez duten" sindikatuentzako partaidetzari buruzko euskal legean
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, haien parte-hartzea "derrigorrezkoa" izan dadin.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, ETB2ko En Jake saioan erantzun dio de Andres popularrari, esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.