PSN

2024/12/19 - 17:31

Nafarroako Parlamentuak 2025erako aurrekontuak onartu ditu, Chivitek EH Bildurekin adostutako seigarrenak

Orotara, 6.431,3 milioi euroko kontuak dira, iaz baino % 1,2 gehiago. Euren agerraldietan, EH Bildu, PSN, Geroa Bai eta Contigo-Zurekin taldeen bozeramaileek Nafarroak bizi duen "egonkortasuna" nabarmendu dute.

2024/12/14 - 13:50

Maria Chivitek PSNko idazkari nagusi karguan jarraitzeko hautagaitza aurkeztuko du

Nafarroako Alderdi Sozialistaren egungo idazkari nagusiak bere kargua berresteko aukera izango du martxoaren 22an egingo den kongresu batean, duela hamarkada bat hasitako proiektuari "bultzada berri bat" emateko helburuarekin.

2024/11/14 - 17:11

Nafarroako "egonkortasun politikoa" goratu du Chivitek, "ezegonkortasuna nagusi" den agertokian

Foru Gobernuaren Egoerari buruzko Eztabaidari ekiteko hitzaldian, "demokrazia" zaintzeko aldarria egin du. Osasun eta hezkuntza sistemak indartzea aipatu ditu helburuen artean.

2024/10/31 - 18:24

Etxebizitzen prezioei muga jartzea ahalbidetuko duen lege aldaketa onartu du Nafarroako Parlamentuak

Nafarroan Etxebizitza Eskubideari buruzko 10/2010 Foru Legea aldatzeak aukera emango du eremu tentsionatuak izendatzeko. Proposamenak aurrera egin du PSN, EH Bildu, Geroa Bai eta Contigo-Zurekin taldeen babesarekin; kontra bozkatu dute UPN, PPN eta Vox alderdiek.

2024/10/29 - 19:47

Nafarroako Gobernuak eta EH Bilduk 2025eko aurrekontuen inguruko akordioa sinatu dute

Exekutiboko hiru alderdiek (PSN, Geroa Bai eta Zurekin) eta EH Bilduk 2025erako aurrekontuen inguruko akordioa lortu dute, seigarren aldiz jarraian.

2024/09/06 - 10:16

UPNk bideo polemikoa eskegi du sareetan, Arnaldo Otegiren montaje batekin

UPNk Arnaldo Otegiren manipulatutako irudi bat erabili du, bideo polemiko batean. Pistola eskuan duela, PSE-EEren egoitzako atea jotzen dago Otegi aipatu bideoan. Polemikaren ondoren, UPNk bideoa ezabatu du sareetatik.

2024/08/30 - 21:14

Chivitek PSN erdigunean dagoela aldarrikatu du urte politikoaren hasieran

Nafarroako Gobernuko presidentea eta PSNko idazkari nagusia irmo agertu da foru erkidegoaren gaur egungo marko instituzionalaren defentsan.

2024/06/10 - 16:22

Nafarroan sozialisten garaipenak Europako eskuin muturra geldiarazteko balioko duela uste du Chivitek

Maria Chivite PSNko idazkari nagusi eta Nafarroako presidenteak adierazi du Europa beti jo dutela eremu garrantzitsutzat. Hala, sozialisten garaipena Europako eskuinmuturra geldiarazteko balioko duela nabarmendu du.

2024/06/10 - 13:24

Maria Chivite: ''Nafarroako erreferentzia progresista gara argi eta garbi''

Maria Chivitek azpimarratu du Nafarroako sozialistek bikoiztu egin dutela 2014tik jasotako babesa, % 14tik ia % 29ra. Emaitza horiek "PSN Nafarroan erabiltzen ari den politika eta estrategiari emandako babesa" erakusten dutela esan du.

2024/06/10 - 08:26

EH Bilduk irabazi ditu Europako hauteskundeak EAEn, eta PSOEk Nafarroan

EAEn bigarren indarra PSOE izan da, eta EAJ hirugarren tokian geratu da. Foru Erkidegoan, berriz, PPrentzat izan da bigarren lekua, eta EH Bildurentzat hirugarrena. Ipar Euskal Herrian eskuin muturra izan da garaile.

2024/06/09 - 20:40

Parte-hartzea % 40,58koa izan da Euskadin eta % 41,28koa Nafarroan 18:00etan

2019ko hauteskundeetakoak baino datu okerragoak dira, baina orduan udal eta foru hauteskundeekin batera egin zituzten, eta horrek eragina izan ohi du parte-hartzean.

2024/06/09 - 09:36

Euskal Herri luze-zabaleko hauteslekuak, Europako hauteskundeetarako prest

Ultraeskuinaren balizko gorakadaren mamuak astindu du kanpaina, eta, besteak beste, migrazioa eta lehen sektorearen egoera izan dira hizpide nagusiak. Beste hauteskunde hitzorduetan ez bezala, emaitzak "berandu" argitaratuko dira, 23:00ak baino beranduago, 27ek euren kontaketak behin bukatuta.

2024/06/05 - 15:51

Nafarroako Parlamentuak parlamentarien jokabide kodea egokitzeko lantaldea sortzea onartu du

Jokabide kodea arautzeko Geroa Baik egindako proposamenak ez zuen harrera onik izan pasa den astean, eta gaur behin betiko baztertu dute. Horren ordez, erabaki dute jokabide kodea landuko duen batzordea sortzea, hutsetik.

2024/05/16 - 21:06

Nafarroako Parlamentuak Gazako "genozidioa" salatu du

Mozioari PSNren zuzenketa bat gehitu zaio, puntu berri bat gehitzeko. Hartan, Nafarroako Parlamentuak Hamasek Israelgo Estatuaren aurka egindako "eraso terroristak" gaitzetsi ditu.

2024/05/16 - 13:08

Chivitek mugatu egin ditu bere sareetan egin daitezkeen iruzkinak "gorrotoaren bozgorailu" ez bihurtzeko

X sare sozialeko bere profilean eskegitako ohar batean azaldu duenez, "bullying birtual" baten biktima izaten ari da, eta egunero "mehatxu eta irainak" jasotzen ditu, gehienak matxistak.

2024/05/10 - 19:56

Iruñeko Udalak "30 milioi euro galdu" dituela salatu dute, "UPNk txosten bat ezkutatzearen ondorioz"

EH Bilduk, PSNk, Geroa Baik eta Contigo-Zurekinek salatu dute UPNko alkateek "iruzurra" egiten dietela herritarrei, eta "kaltea" Udalaren diru-sarrerei. Cristina Ibarrolak bere defentsan esan du ez duela txostenik ezkutatu, ez zegoela amaituta eta "zirriborroa" besterik ez zela.

2024/04/29 - 11:49

Ibarrolak alderdiaren babesa sentitzen du "boto kuota" irabazi eta erakundeak berreskuratzen ahalegintzeko

UPNren presidente izendatu berriak ez dio garrantziarik eman azken 40 urteetako babes txikiena jaso izanari, eta esan du "jendearen bizitza erraztea" izango dela bere politikaren muina.

2024/04/22 - 15:52

EAEko herritarrek ''zerbitzu publikoak indartzearen alde'' bozkatu dute, Chiviteren ustez

PSNren idazkari nagusi gisa egindako adierazpenetan, Chivitek esan du hauteskundeen emaitzak biztanleriaren "kezka eta lehentasunen" isla direla, eta tartean ez dago "agenda subiranista". Horren ustez, hurrengo Jaurlaritzak ere horiek izan beharko lituzke abiapuntu.

2024/04/15 - 17:55

Hainbat ikaslek Parlamentuan Chiviteri egindako irainak ikertzen ari da Nafarroako Unibertsitatea

Martxoaren 20an, Zuzenbideko hainbat ikaslek Chiviteri irain egin zioten Foru Parlamentuko bisita liburuan.

2024/03/26 - 19:26

Chiviteri Cabanillasen egindako erasoa gaitzetsi du Iruñeak aho batez, UPNko zinegotzi baten abstentzioarekin

Aitor Silgado UPNko zinegotziak ez du aldeko botorik eman, bere hiru alderdikideek egin duten bezala. UPN adierazpena "arintzen" saiatu da zuzenketa baten bidez, baina ez dute onartu.