Nafarroako Gobernuak eta EH Bilduk 2025eko aurrekontuen inguruko akordioa sinatu dute
Nafarroako hiruko Gobernuak (PSN, Geroa Bai eta Zurekin) eta EH Bilduk aurrekontuen inguruko akordioa itxi dute.
Bi aldeen arteko akordioaren ondorioz, foru aurrekontuak onartuko dira, seigarren aldiz jarraian. 28 orrialdeko dokumentu batean islatu dute akordioa. Arlo guztietako lehentasunak jaso dituzte akordioan, baita Nafarroako Gobernuak bere politiketan duen egonkortasuna indartzeko etorkizuneko erronka batzuk ere.
Sinatzaileak, Gobernuak jakinarazi duenez, bat datoz herritarren gehiengo sozialaren beharrei erantzuteko gai izango den Nafarroa oparoago, berritzaileago, pluralago eta solidarioago baten bila. Azken urteotan hasitako ildoari jarraipena ematea dute helburu.
Aurreko urteetan bezala, Nafarroako Gobernuak eta EH Bilduk akordioaren jarraipen batzorde bat eratzea erabaki dute, hartutako konpromisoak abian jartzeko prozesua jarraitu ahal izateko, baita konpromiso horien betetze-maila aztertu ahal izateko ere.
Jose Luis Arasti Ekonomia eta Ogasun kontseilariak adierazi duenez, "norabide berean arraun egiteko ahalegina" lehenetsi dute, "Nafarroako gizarteari buruzko ikuspegiaren konpromiso partekatuak, ikuspegi soziala" islatzeko akordioa lortuta.
"Ez da erraza izan, baina elkarrizketaren bitartez zentzu askotan bereizten gaituzten distantzia nabarmenak gainditu ditugu. Akordioaren bidez zarataren eta kritikaren bitartez baino urrunago goaz", esan du.
Ramon Alzorriz sozialisten bozeramaileak ohar batean azpimarratu du proiektuan elkarrizketa, negoziaketa eta ezberdinen arteko adostasuna izan direla, "herritarren mesedetan", eta zerbitzu publikoen blindajean aurrera egitea ahalbidetuko du.
Bestalde, Laura Aznal EH Bilduko bozeramaileak hedabideen aurrean adierazi duenez, Gobernuaren eta bere koalizioaren arteko harremana egonkorra da eta "une onean dago", baina oraingoan "gehiago" kostatu da ituna lortzea. "Hamarkada bat bete da eskuinak aurrekontuetan eraginik ez duenetik. Ez gaude duela hamar urteko egoeran", esan du.
Geroa Baik azpimarratu du aurrekontuen akordioak Foru Gobernuaren akordio programatikoaren ildo berari jarraitzen diola, eta egonkortasun politiko eta ekonomikoa ematen duela, hamargarren urtez koalizioaren parte-hartzearekin.
Zurekin koalizioaren ustez, "proiektu ona da, izaera sozialagatik eta nafarrak kezkatzen dituzten gaiei eta arloei balioa emateagatik, hala nola etxebizitza duina eskuratzea".
Zure interesekoa izan daiteke
Angela Murillo Auzitegi Nazionaleko epaile polemikoa hil da, 73 urte zituela
Besteak beste, Bateragune auzian eta 18/98 makroepaiketan egin zen ezagun. 30 urte luzeko ibilbidean, ETAko kide zirelakoan epaitutako akusatu batzuekin izandako aurrez aurrekoengatik eta inpartzialtasun faltagatik egin zen mediatiko Murillo.
UPNk Ibarrola aukeratu du Nafarroako hauteskundeetarako zerrendaburu, botoen % 85ekin
Ibarrolak esan du "Nafarroak behar duen aldaketa politikoa gidatzeko konpromisoarekin" heltzen diola erronkari, eta azpimarratu du bere alderdia dela "benetako alternatiba bakarra".
Hizkuntza politika berriak eragile ezberdinekin eraikitzea helburu duen prozesua hasi du EH Bilduk
Euskarak “momentu kritikoa” bizi duela ikusita, “eskala handiko erreakzioa” lortu nahi du koalizioak. Horretarako, euskararen komunitate osoaren eta adituen parte-hartzea izango duen prozesua egingo dute hurrengo asteetan.
PSE-EEk EAJri eskatu dio argitzeko Santurtzin presioa egin ote zuen gertuko jendea kontratatzeko, eta esan du “ez dela trukerako txanpona izango”
Sozialistek auzi hori Trapagarango egoeratik bereizi dute —bertan gutxiengoan gobernatzen dute—, eta udalaz gaindiko akordioak baztertu dituzte.
EH Bilduk berriro irabaziko luke Gasteizen eta 8 zinegotzi izango lituzke, eta PSE-EEk eta EAJk 6 zinegotziei eutsiko liekete
PPk egun dituen 6 ordezkarietako bat galduko luke, Elkarrekin alderdiak zinegotzi bat mantenduko luke eta Voxek lehen aldiz lortuko luke ordezkari bat.
Estebanen ustez, PSE-EE hauteskundeei begira dago, eta horregatik areagotu ditu EAJren kontrako kritikak
Herri Irratian eskaini duen elkarrizketa batean EAJren EBBko presidenteak esan duenez, Eneko Andueza PSE-EEko idazkari nagusiak "dena antolatuta du zarata egiteko", benetan ez dagoelako lasai hitz egin ezin daitekeen eztabaida sakonik.
Ikurrina eztabaida legegiletik kanpo geratu da Idahon, eta eraikin ofizialetan jarraitu ahal izango du
Lehendakariak Idahoko Estatuko Ordezkarien Ganberari horren inguruko azalpenak igorri ostean, Eusko Jaurlaritzak esan du ez dutela ikurrina debekatuko.
Laura Garridoren esanetan, Santurtziko, Getxoko eta Osakidetzako kasuek erakusten dute EAJk "legezkotasuna urratzen" duela bere mesedetan
Laura Garrido PPk Eusko Legebiltzarrean duen bozeramaileak salatu duenez, Santurtziko lan-eskaintza publiko baten azterketaren ustezko filtrazioak, Getxoko jauregiaren kasuak eta Osakidetzako segurtasuneko buru ohia kargura titulu faltsu bat aurkeztuta iritsi izanak agerian uzten dute EAJk "prozedurak aldatzen dituela eta legezkotasuna urratzen duela Administrazioa bere eta bere lagunen zerbitzura jartzeko".
GEBehatokiak Nazio Batuen Erakundera eraman du Iratxe Sorzabalen kasua
Euskal erakundeak CEDAW Emakumearen aurkako Diskriminazioa Ezabatzeko Nazio Batuen Erakundearen Batzordeari eskatu dio “tortura delituaren preskribaezintasuna berariaz jaso dadila nazioarteko betebehar eta konpromiso gisa”.
Lander Martinezen arabera, ezkerreko aliantzarako lehen urratsa Gobernuan dauden alderdien artekoa izan den arren, zabala da eta nahi duen oro dago gonbidatuta
Sumarreko diputatuaren iriziz, "begi onez" ikusi behar dira ezkerra batzeko sortzen diren egitasmo guztiak: "Hori beti izango da ona ezkerrarentzat". Horren ustez, Yolanda Diazek du "gaur egun profil politiko onena", baina ezkerreko aliantza horren liderra nor izango den ez dute oraindik eztabaidatu ere egin.