EH Bilduk irabazi ditu Europako hauteskundeak EAEn, eta PSOEk Nafarroan
EH Bilduk irabazi ditu Europako Parlamenturako hauteskundeak Euskal Autonomia Erkidegoan. EH Bilduk, ERCk, BNGk eta Ara Mesek osatzen duten Orain Errepublikak koalizioak botoen % 26,4 bereganatu ditu (227.911 boto), 2019koetan baino % 4,23 gehiago. Atzetik geratu da, puntu erdira, PSOE, botoen % 25,9rekin, duela bost urte baino ia 7 puntu gehiago. CEUS koalizioan aurkeztu den EAJ, berriz, hirugarren lekuan geratu da, botoen % 22,4rekin, 11,5 puntu galduta.
Hori dela eta, Pernando Barrenak (EH Bildu), Idoia Mendiak (PSOE) eta Oihane Agirregoitiak (EAJ) eserlekua eskuratu dute Euroganberan. Barrenak errepikatu egingo du, eta beste biak lehen aldiz hartuko dute europarlamentari kargua.
Bestalde, PPrentzat izan da laugarren postua, botoen % 11,49 (5 puntu gehiago) jasota, eta ondoren geratu dira Sumar eta Podemos, botoen % 3,27 eta % 3,19 lortuta, hurrenez hurren: 2019ko hauteskundeetako emaitzekin alderatuta, 7,8 puntu galdu dituzte. Eskuin muturreko Voxek, berriz, botoen % 2,68 lortu ditu, eta Se Acabo La Fiesta (SALF) ultraeskuindarrak % 1,72.
PSOE, lehen indarra Nafarroan
Nafarroan, PSOE izan da indarrik bozkatuena: 74.765 boto eskuratu dituzte sozialistek (% 28,79). Oso gertu, bigarren geratu da PP, 72.788 botorekin (% 28,03).
Hirugarren postua, berriz, EH Bildurentzat izan da, 48.762 boto eskuratuta (% 18,75), eta laugarrena Voxentzat, 17.238 botorekin (% 6,63).
Sumar (% 3,85), Podemos (% 3,22) eta Geroa Bai (% 3,16) izan dira ondorengo indarrak, hurrenkera horretan.
Ondorioz, hiru nafar izango dira Europako Parlamentuan hurrengo legegintzaldian: Elena Sancho (PSOE), Antonio Lopez Isturiz (PP) eta Pernando Barrena (EH Bildu).
Ipar Euskal Herrian, eskuin muturra garaile
Eskuin muturra gailendu da Ipar Euskal Herrian. Marine Le Penen Bilgune Nazionalak irabazi ditu hauteskundeak Lapurdin, Nafarroa Beherean eta Zuberoan, eta baita hiru lurraldeok batzen dituen Pirinio Atlantikoak departamenduan ere.
Botoen % 100 zenbatuta, Lapurdin lehen indarra Bilgune Nazionala izan da, botoen % 23,25 bereganatuta, eta Emmanuel Macronen Errenazimentua izan da bigarren (% 17,31). Lurralde horretako herri eta hiri nagusietan irabazi du eskuin muturrak, tartean, Baionan, Donibane Lohizunen, Kanbon, Senperen eta Urruñan.
Nafarroa Beherean ere, Le Penen alderdiak irabazi ditu hauteskundeak, botoen % 21 bereganatuta. Atzetik, Landa Aliantza alderdia geratu da (% 17), eta hirugarren lekuan Errenazimentua (% 14,19).
Zuberoan ere, eskuin muturra nagusitu da. Bilgune Nazionala izan da lehen indarra, botoen % 19 bereganatuta, eta Landa Aliantza geratu da bigarren, botoen % 18 jasota.
Zure interesekoa izan daiteke
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".